scorecardresearch
Latest News

ഗോവ കാണാനെത്തിയ യുവതിയെ കൊല്ലപ്പെട്ട നിലയില്‍ കണ്ടെത്തി; കാമുകനെ കാണാനില്ല

യുവതിയുടെ കഴുത്തില്‍ കത്തി കൊണ്ട് കുത്തേറ്റ പാടുകളും ഉണ്ട്

goa, goa beach, ie malayalam

പനജി: ഹിമാചല്‍ പ്രദേശില്‍ നിന്നും ഗോവയിലെത്തിയ 25കാരിയായ യുവതിയെ ഹോട്ടല്‍മുറിയില്‍ കൊല്ലപ്പെട്ട നിലയില്‍ കണ്ടെത്തി. ശനിയാഴ്ചയാണ് ഇവരുടെ മൃതദേഹം കണ്ടെത്തിയതെന്ന് പൊലീസ് അറിയിച്ചു. ആല്‍ക്കൈ സൈനി എന്ന യുവതിയാണ് കൊല്ലപ്പെട്ടതെന്ന് തിരിച്ചറിഞ്ഞിട്ടുണ്ട്.

ഏപ്രില്‍ 20നാണ് നോര്‍ത്ത് ഗോവയിലെ ഒരു ഹോട്ടലില്‍ യുവതി കാമുകനോടൊപ്പം എത്തിയത്. യുവതി കൊല്ലപ്പെട്ടതിന് ശേഷം ഇയാളെ കാണാതായിട്ടുണ്ടെന്ന് പൊലീസ് അറിയിച്ചു. ശനിയാഴ്ച മുറി വൃത്തിയാക്കാനെത്തിയ ഹോട്ടല്‍ ജീവനക്കാരനാണ് യുവതിയുടെ മൃതദേഹം കണ്ടെത്തിയത്. യുവതിയുടെ കഴുത്തില്‍ കത്തി കൊണ്ട് കുത്തേറ്റ പാടുകളും ഉണ്ട്. മൃതദേഹം പോസ്റ്റ്മോര്‍ട്ടത്തിനായി ഗോവ മെഡിക്കല്‍ കോളേജിലേക്ക് അയച്ചു.

യുവതിയുടെ മൃതദേഹം കണ്ടെത്തുന്നതിന് മുമ്പ് രണ്ട് പേര്‍ മുറിയില്‍ നിന്നും ഇറങ്ങി പോകുന്നത് ഹോട്ടലിലെ സിസിടിവിയില്‍ പതിഞ്ഞിട്ടുണ്ട്. ഈ ദൃശ്യങ്ങള്‍ ഉപയോഗിച്ചാണ് ഇപ്പോള്‍ പൊലീസിന്റെ അന്വേഷണം. അഞ്ജുന പൊലീസ് സ്റ്റേഷനില്‍ കൊലപാതകത്തിന് കേസ് രജിസ്റ്റര്‍ ചെയ്തിട്ടുണ്ട്.

Stay updated with the latest news headlines and all the latest News news download Indian Express Malayalam App.

Web Title: Tourist found dead with stab injuries in goa hotel boyfriend missing

Best of Express