scorecardresearch
Latest News

‘യുദ്ധ ഭീതിക്ക് അറുതി’; ദോക്‌ലാമിൽ നിന്ന് സൈനിക പിന്മാറ്റത്തിന് ഇന്ത്യ-ചൈന ധാരണ

അടുത്ത ദിവസങ്ങളില്‍ തന്നെ ഇരുരാജ്യങ്ങളും സൈനികരെ പിന്‍വലിക്കും

India, ഇന്ത്യ, ചൈന, China, India vs China, ഇന്ത്യ-ചൈന, Sikkim Standoff, സിക്കിമിലെ അതിർത്തി തർക്കം,

ദോക്‌ലാം: രണ്ട് മാസത്തിലേറെയായി ഇന്ത്യ-ചൈന അതിർത്തിയിൽ ഉരുണ്ടു കൂടിയ യുദ്ധ ഭീഷണിക്ക് അറുതി. ദോക്‌ലാമിൽ നിന്ന് സൈന്യത്തെ പിൻവലിക്കാൻ ഇരുരാജ്യങ്ങൾ തമ്മിൽ ധാരണയായി. വിദേശകാര്യ മന്ത്രാലയമാണ് ഇക്കാര്യം സ്ഥിരീകരിച്ചത്. മാസങ്ങളായി തുടരുന്ന സംഘര്‍ഷത്തിനാണ് ഇതോടെ വിരാമമാകുന്നത്. അടുത്ത ദിവസങ്ങളില്‍ തന്നെ ഇരുരാജ്യങ്ങളും സൈനികരെ പിന്‍വലിക്കും.

ഇരു രാജ്യങ്ങളും തമ്മിൽ ദിവസങ്ങളായി നടന്നു വന്ന നയതന്ത്രതല ചർച്ചകളാണ് സേനാ പിന്മാറ്റത്തിന് വഴിവച്ചത്. സൈനികരുടെ പിന്മാറ്റം ഇതിനോടകം തന്നെ ആരംഭിച്ചുവെന്നും തോട്ടടുത്ത ദിവസങ്ങളിൽ തന്നെ സൈനിക പിന്മാറ്റം പൂർത്താകുമെന്നും വിദേശകാര്യ മന്ത്രാല‍യ വൃത്തങ്ങൾ അറിയിച്ചു.

അതിർത്തി പ്രദേശത്ത് ദോക്‌ലാം പീഠഭൂമിക്ക് സമാന്തരമായി 3500 കിലോമീറ്റർ ദൂരത്തിൽ ചൈന റോഡ് നിർമ്മാണം ആരംഭിച്ചതോടെയാണ് വിഷയങ്ങൾ ആരംഭിക്കുന്നത്. ഇതിനെതിരെ ഇന്ത്യ രംഗത്ത് വന്നതോടെ ഇരു രാജ്യങ്ങളും തമ്മിൽ നയതന്ത്ര ബന്ധം വഷളായി. തുടർന്ന് ആരോപണ-പ്രത്യാരോപണങ്ങളും ഭീഷണികളും ഇരു രാജ്യങ്ങൾക്കുമിടയിൽ തുടരുകയായിരുന്നു.

ജൂ​ണ്‍ 16നാ​ണ് ചൈനയുടെ പീ​പ്പി​ൾ​സ് ലി​ബ​റേ​ഷ​ൻ ആ​ർ​മി ഡോക്‌ ലാ മേ​ഖ​ല​യി​ൽ റോഡ് നി​ർ​മാ​ണ പ്ര​വ​ർ​ത്ത​ന​ങ്ങ​ൾ തു​ട​ങ്ങി​യ​ത്. ചൈ​ന റോ​ഡ് നി​ർ​മാ​ണം ന​ട​ത്താൻ ശ്രമിച്ച മേ​ഖ​ല ഇ​ന്ത്യ, ഭൂ​ട്ടാ​ൻ, ടി​ബ​റ്റ് മേ​ഖ​ല​യി​ൽ വ​രു​ന്ന​താ​ണ്. ഇ​പ്പോ​ൾ ചൈ​ന​യു​ടെ നി​യ​ന്ത്ര​ണ​ത്തി​ലു​ള്ള ഇ​വി​ടെ നി​ർ​മാ​ണ പ്ര​വ​ർ​ത്ത​നം ന​ട​ത്തു​ന്ന​തി​ൽ ഭൂ​ട്ടാ​ൻ സ​ർ​ക്കാ​രും ചൈ​ന​യെ പ്ര​തി​ഷേ​ധം അ​റി​യി​ച്ചി​രുന്നു. ഇ​ന്ത്യ​ൻ സൈ​ന്യം അ​തി​ർ​ത്തി ലം​ഘി​ച്ചെ​ന്നാ​രോ​പി​ച്ച് ചൈ​ന അ​തി​ർ​ത്തി അ​ട​ച്ചി​രു​ന്നു. ഡോക്‌ ലായിൽൽ സം​ഘ​ർ​ഷ സാ​ധ്യ​ത ഏ​റി​യ​തോ​ടെ ഇരുരാജ്യങ്ങളും ഇ​വി​ടെ നിരവധി സൈ​നി​ക​രെ വി​ന്യ​സി​ച്ചി​രുന്നു.

Stay updated with the latest news headlines and all the latest News news download Indian Express Malayalam App.

Web Title: There wont be a war at doklam as india and china agree to disengage