ഇൻഡോർ: ഇൻഡോറിൽ നാല്​ നില കെട്ടിടം തകർന്ന്​ വീണ്​ 10 പേർ മരിച്ചു. സർവാത ബസ്​ സ്​റ്റാൻഡിന്​ സമീപമുള്ള കെട്ടിടമാണ്​ തകർന്ന്​ വീണത്​. ശനിയാഴ്ച രാത്രി 9.30ഓടെ ഒരു കാര്‍ പാഞ്ഞുകയറി ഇടിച്ചാണ് കെട്ടിടം തകര്‍ന്നത്. ജനത്തിരക്ക് ഏറെയുളള പ്രദേശത്തെ കെട്ടിടം ഏറെ പഴക്കം ചെന്നതാണ്. കെട്ടിടത്തിന്റെ തൂണിലാണ് കാറിടിച്ചത്.

ചിലര്‍ ഇപ്പോഴും കെട്ടിടാവശിഷ്​ടങ്ങൾക്കിടയിൽ കുടുങ്ങി കിടക്കുന്നതായാണ്​ റിപ്പോർട്ട്​. ഒൻപത്​ പേരെ രക്ഷിച്ചു. ഏഴ്​ പേർക്ക്​ പരുക്കേറ്റതായും റിപ്പോർട്ടുണ്ട്​. സംഭവത്തെ തുടർന്ന്​ വൻ ജനക്കൂട്ടം തടിച്ച്​ കൂടിയത്​ രക്ഷാപ്രവർത്തനം ദുഷ്​കരമാക്കി. തുടർന്ന്​ പൊലീസെത്തി ജനങ്ങളെ നിയന്ത്രിച്ച ശേഷമാണ്​ രക്ഷാപ്രവർത്തനം ഫലപ്രദമായി നടത്താനായത്​. അപകടസമയത്ത്​ 20 പേർ കെട്ടിടത്തിലുണ്ടായിരുന്നതായി ദൃക്സാക്ഷികൾ പറഞ്ഞു. സംഭവം വേദനാജനകമാണെന്ന് മുഖ്യമന്ത്രി ശിവരാജ് സിങ് ചൗഹാന്‍ പറഞ്ഞു.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook