Latest News

മധ്യപ്രദേശില്‍ പുരോഹിതന്റെ കാര്‍ കത്തിച്ച കൗമാരക്കാരന്‍ അറസ്റ്റില്‍

വ്യാഴാഴ്ച്ചയാണ് മതപരിവര്‍ത്തനം നടത്തുന്നതായി ആരോപിച്ച് ബജ്‌റംഗ്ദള്‍ പ്രവര്‍ത്തകര്‍ ആക്രമണം നടത്തിയത്

ഭോപാല്‍: മധ്യപ്രദേശില്‍ ബജ്‌റംഗ്ദള്‍ പ്രവര്‍ത്തകര്‍ മര്‍ദിച്ച ക്രിസ്ത്യന്‍ പുരോഹിതരില്‍ ഒരാളുടെ കാര്‍ കത്തിച്ചതിന് 18കാരനെ പൊലീസ് അറസ്റ്റ് ചെയ്തു. വ്യാഴാഴ്ച്ചയാണ് മതപരിവര്‍ത്തനം നടത്തുന്നതായി ആരോപിച്ച് ബജ്‌റംഗ്ദള്‍ പ്രവര്‍ത്തകര്‍ ആക്രമണം നടത്തിയത്.

സത്‌ന സെന്റ് എഫ്രോം സെമിനാരിയില്‍ നിന്ന് ബരകാല ഗ്രാമത്തിലേക്ക് പോയ 10 പുരോഹിതരും വൈദിക വിദ്യാര്‍ഥികളുമടങ്ങുന്ന കരോള്‍ സംഘത്തെ ബജ്‌റംഗ്ദള്‍ പ്രവര്‍ത്തകര്‍ വാഹനം തടഞ്ഞ് ആക്രമിക്കുകയായിരുന്നു. തുടര്‍ന്ന് സംഘത്തില്‍പെട്ടവരെ ബജ്‌റംഗ്ദള്‍ പ്രവര്‍ത്തകര്‍ പോലിസിലേല്‍പ്പിക്കുകയും ചെയ്തു. രണ്ടു പുരോഹിതരെയും 32 വൈദിക വിദ്യാര്‍ഥികളെയും പോലിസ് കസ്റ്റഡിയിലെടുത്തു.

നിര്‍ബന്ധിത മതപരിവര്‍ത്തനം നടത്തിയെന്ന പരാതിയില്‍ ഒരു പുരോഹിതനടക്കം അഞ്ചുപേര്‍ക്കെതിരേ പോലിസ് കേസെടുത്തു. തന്നെ ക്രിസ്തുമതത്തിലേക്കു നിര്‍ബന്ധിതമായി പരിവര്‍ത്തനം ചെയ്തതായി ധര്‍മേന്ദ്ര ദോഹാര്‍ എന്നയാള്‍ നല്‍കിയ പരാതിയിലാണ് അറസ്റ്റ്. പോലിസ് സ്‌റ്റേഷന്‍ പരിസരത്തുവച്ചും വൈദികരെ ബജ്‌റംഗ്ദള്‍ പ്രവര്‍ത്തകര്‍ മര്‍ദിച്ചു. വൈദികരുടെ വാഹനങ്ങള്‍ ബജ്‌റംഗ്ദള്‍ പ്രവര്‍ത്തകര്‍ തീവച്ചു നശിപ്പിക്കുകയും ചെയ്തു. വാര്‍ത്തയറിഞ്ഞ് പോലിസ് സ്‌റ്റേഷനിലെത്തിയ മറ്റ് നാല് വൈദികര്‍ക്കും മര്‍ദനമേറ്റതായി പ്രദേശത്തെ കത്തോലിക്കാ സഭാ അധികൃതര്‍ അറിയിച്ചു.

പോലിസ് സ്റ്റേഷന് സമീപം വൈദികര്‍ക്ക് മര്‍ദനമേറ്റിട്ടില്ലെന്നാണ് പോലിസ് പറയുന്നത്. അതേസമയം തങ്ങള്‍ ആരെയും നിര്‍ബന്ധിച്ച് മതം മാറ്റിയിട്ടില്ലെന്ന് സത്‌ന രൂപതയിലെ പുരോഹിതനായ എം റോണി പ്രവര്‍ത്തിച്ചു. പരാതിക്കാരനായ ധര്‍മേന്ദ്ര ദോഹാര്‍ എന്നയാളെക്കുറിച്ച് കേട്ടിട്ടുപോലുമില്ലെന്നും അദ്ദേഹം പറഞ്ഞു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Teen arrested for allegedly torching priests car in madhya pradesh

Next Story
ഇന്ത്യന്‍ ഉദ്യോഗസ്ഥരെ ‘പെണ്‍കെണി’യില്‍ കുടുക്കാന്‍ ശ്രമം: പാക് ചാരസംഘടനയുടെ പദ്ധതി തകര്‍ത്തു
The moderation of comments is automated and not cleared manually by malayalam.indianexpress.com
Best of Express