ചെന്നൈ: പ്രശസ്ത തമിഴ് സീരിയൽ നടി പ്രിയങ്ക (32) ആത്മഹത്യ ചെയ്തു. വളസരവക്കത്തെ വീട്ടിൽ ഇന്നു രാവിലെയോടെയാണ് നടി പ്രിയങ്കയെ ഫാനിൽ തൂങ്ങിമരിച്ച നിലയിൽ കണ്ടെത്തിയത്. ആത്മഹത്യയുടെ കാരണം വ്യക്തമല്ല.

രാവിലെ വീട്ടുജോലിക്കാരിയെത്തിയപ്പോഴാണ് ഫാനിൽ തൂങ്ങിമരിച്ച നിലയിൽ പ്രിയങ്കയെ കണ്ടത്. ഉടൻതന്നെ സമീപവാസികളെ വിവരം അറിയിക്കുകയും അവർ പൊലീസിനെ വിളിച്ചു വരുത്തുകയുമായിരുന്നു.

പൊലീസ് കേസെടുത്ത് അന്വേഷണം ആരംഭിച്ചു. കുടുംബ കലഹമാണ് ആത്മഹത്യയിലേക്ക് നയിച്ചതെന്നാണ് സംശയം. മൂന്നു വർഷം മുൻപായിരുന്നു അരുൺബാലയുമായുളള പ്രിയങ്കയുടെ വിവാഹം. എന്നാൽ കഴിഞ്ഞ രണ്ടു മാസമായി ഇരുവരും വേർപിരിഞ്ഞ് കഴിയുകയാണ്. ഇവർക്ക് കുട്ടികളില്ല.

രമ്യാ കൃഷ്ണൻ മുഖ്യ വേഷം ചെയ്യുന്ന വംസം സീരിയലിലൂടെയാണ് പ്രിയങ്ക ശ്രദ്ധേയമായത്. ഇതിലെ ജ്യോതിക എന്ന പ്രിയങ്കയുടെ കഥാപാത്രം ഏറെ ശ്രദ്ധ നേടിയിരുന്നു. സൺ ടിവിയിലെ അപൂർവ്വ രാഗങ്കൾ, ഭൈരവി എന്നീ സീരിയലുകളിലും അഭിനയിച്ചിട്ടുണ്ട്. ചില സിനിമകളിലും അഭിനയിച്ചിട്ടുണ്ട്.

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ