scorecardresearch

കൊളീജിയത്തിനെതിരായ വിമർശനത്തെ പോസിറ്റീവായി കണ്ട് മെച്ചപ്പെടുത്തണം: ചീഫ് ജസ്റ്റിസ് ചന്ദ്രചൂഡ്

രാജ്യത്തിന്റെ 50-ാമത്തെ ചീഫ് ജസ്റ്റിസായി ഡി വൈ ചന്ദ്രചൂഡ് ഇന്ന് ചുമതലയേല്‍ക്കും

കൊളീജിയത്തിനെതിരായ വിമർശനത്തെ പോസിറ്റീവായി കണ്ട് മെച്ചപ്പെടുത്തണം: ചീഫ് ജസ്റ്റിസ് ചന്ദ്രചൂഡ്

ന്യൂഡല്‍ഹി: സുപ്രീം കോടതി കൊളീജയത്തിനെതിരായ വിമര്‍ശനങ്ങള്‍ പോസിറ്റീവായി കാണുകയും മെച്ചപ്പെടുത്താനുള്ള ശ്രമങ്ങള്‍ നടത്തണമെന്നും ചീഫ് ജസ്റ്റിസ് ഡി വൈ ചന്ദ്രചൂഡ്. ജഡ്ജിമാരുടെ നിയമനം സംബന്ധിച്ച് കഴിഞ്ഞ ദിവസം കേന്ദ്ര നിയമ മന്ത്രി കൊളീജിയത്തെ വിമര്‍ശിച്ചിരുന്നു. ഈ പശ്ചാത്തലത്തിലായിരുന്നു ചന്ദ്രചൂഡിന്റെ പ്രതികരണം.

രാജ്യത്തിന്റെ 50-ാമത്തെ ചീഫ് ജസ്റ്റിസായി അദ്ദേഹം ചുമതലയേറ്റു. ജസ്റ്റിസ് യു യു ലളിതിന്റെ പിൻഗാമിയായി എത്തിയ ഡി വൈ ചന്ദ്രചൂഡ് ചീഫ് ജസ്റ്റിസ് പദം രണ്ടു വർഷം അലങ്കരിക്കും.

“ഞങ്ങൾ ആ വ്യവസ്ഥിതിയുടെ ഭാഗമായാണ് പ്രവര്‍ത്തിക്കുന്നതെങ്കിലും നിരവധി മെച്ചപ്പെടുത്തലുകള്‍ കൊണ്ടുവരാന്‍ സാധിക്കും. കാരണം ഒരു ഭരണഘടനാ ജനാധിപത്യത്തിലെ ഒരു സ്ഥാപനത്തിനും പൂര്‍ണത അവകാശപ്പെടാൻ കഴിയില്ല. അതിനാൽ ഇതു നിരന്തരം മെച്ചപ്പെട്ടുകൊണ്ടിരിക്കുന്ന പ്രക്രിയയാണെന്ന് ഞാൻ കരുതുന്നു,” ചുമതലയേൽക്കും മുൻപ് അദ്ദേഹം ദി ഇന്ത്യൻ എക്‌സ്പ്രസിനോട് പറഞ്ഞു.

ജഡ്ജിമാരെ നിയമിക്കുന്നത് എങ്ങനെയെന്ന് അറിയാൻ നിയമാനുസൃതമായ പൊതുതാൽപ്പര്യമുണ്ടെന്നും എന്നാൽ ബാറിലെ അംഗങ്ങളുടെയോ ജഡ്ജിമാരുടെയോ സ്വകാര്യത ഞങ്ങൾ സംരക്ഷിക്കേണ്ടതുണ്ടെന്നും ജസ്റ്റിസ് ചന്ദ്രചൂഡ് പറഞ്ഞു. കൊളീജിയത്തിന്റെ പ്രവര്‍ത്തന രീതിക്കെതിരായ വിമര്‍ശനങ്ങളോടായിരുന്നു ഈ പ്രതികരണം.

“അല്ലെങ്കിൽ, നമ്മുടെ ചർച്ചകളുടെ, ആലോചനകളുടെ എല്ലാ വിശദാംശങ്ങളും തുറന്നുകാട്ടാൻ തുടങ്ങിയാൽ, ജഡ്ജാകാനുള്ള ഓഫർ വരുമ്പോൾ പല നല്ല ആളുകൾക്കും അത് സ്വീകരിക്കാനുള്ള താത്പര്യം നഷ്ടപ്പെടും,” അദ്ദേഹം കൂട്ടിച്ചേര്‍ത്തു.

“ജഡ്ജിമാർ എന്ന നിലയിൽ, നമ്മുടെ വിധിന്യായങ്ങളിലും, നമ്മുടെ രേഖാമൂലമുള്ള വാക്കിന്റെ അടിസ്ഥാനത്തിൽ നാം ചെയ്യുന്നതെന്താണ്, അതാണ് കണക്കാക്കേണ്ടത് എന്ന് ഞാൻ വിശ്വസിക്കുന്നു. അതിനാൽ, കൊളീജിയത്തിന്റെ പ്രവർത്തനത്തെക്കുറിച്ചുള്ള വിമർശനങ്ങളെ കൂടുതൽ ഉൾക്കൊള്ളുന്ന രീതിയിൽ പ്രവർത്തിക്കുക എന്നതാണ് വിമർശനങ്ങളെ നേരിടാനുള്ള ഏറ്റവും നല്ല മാർഗം. ചില വിമർശനങ്ങൾ പൂർണ്ണമായും ന്യായീകരിക്കപ്പെടണമെന്നില്ല. ചില വിമർശനങ്ങൾ, നമ്മുടെ നടപടിക്രമങ്ങൾ എത്ര നന്നായി പരിപോഷിപ്പിക്കാൻ കഴിയുമെന്ന് ചിലർ നോക്കേണ്ടതായേക്കാം,” ജസ്റ്റിസ് ചന്ദ്രചൂഡ് വ്യക്തമാക്കി.

ജില്ലാ ജുഡീഷ്യറി തുടങ്ങി ഹൈക്കോടതികൾ മുതൽ സുപ്രീം കോടതി വരെയുള്ള ഒഴിവുകൾ നികത്തുകയാണ് തന്റെ മുന്‍ഗണനാ വിഷയമെന്നും ജസ്റ്റിസ് ചന്ദ്രചൂഡ് പറഞ്ഞു. ജുഡീഷ്യറിയിൽ കൂടുതൽ വൈവിധ്യം കൊണ്ടുവരേണ്ടതിന്റെ ആവശ്യകതയും അദ്ദേഹം അടിവരയിട്ടു.

സോഷ്യൽ മീഡിയയിലെ വിമർശനങ്ങളെക്കുറിച്ച് ജഡ്ജിമാർ അനാവശ്യമായി ആശങ്കപ്പെടേണ്ടതില്ലെന്ന് പ്രസ്താവിച്ച അദ്ദേഹം, ഈ കാലഘട്ടത്തിലേയ്ക്ക് ജഡ്ജിമാർ സ്വയം ക്രമീകരിക്കപ്പെടേണ്ടതുണ്ട്…റീ-എൻജിനീയർ ചെയ്യേണ്ടതുണ്ടെന്നും പറഞ്ഞു.

കോടതികളിൽ കേസുകളുടെ തത്സമയ സ്ട്രീമിങ് കൂടുതലായി കടന്നുപോകുന്നതിനാൽ, ഇത് പുതിയ ആവശ്യങ്ങൾ ഉന്നയിക്കുമെന്ന് അദ്ദേഹം പറഞ്ഞു. അതിനാൽ, സ്വയം പരിശീലിപ്പിക്കേണ്ടത് പ്രധാനമാണ്, കൂടാതെ നമ്മൾ ജീവിക്കുന്ന കാലത്തെ ഈ പുതിയ വെല്ലുവിളി കൈകാര്യം ചെയ്യാൻ ശക്തമായ പരിശീലന പരിപാടികൾ ജഡ്ജിമാർക്കായി ഉണ്ടായിരിക്കണമെന്നും അദ്ദേഹം പറഞ്ഞു.

Stay updated with the latest news headlines and all the latest News news download Indian Express Malayalam App.

Web Title: Take criticism of collegium in positive light must improve says justice chandrachud