മുസ്ലിം പള്ളിയിൽ പ്രാർത്ഥനക്കിടെ ഭീകരാക്രമണം; ഈജിപ്തിൽ 184 പേർ കൊല്ലപ്പെട്ടു

ആക്രമണത്തിന്റെ ഉത്തരവാദിത്തം ആരും ഏറ്റെടുത്തില്ല

കെയ്‌​റോ: ഈ​ജി​പ്തി​ലെ സി​നാ​യ് പ്ര​വി​ശ്യ​യി​ൽ മുസ്ലിം പള്ളിക്ക് അകത്ത് നടന്ന ഭീ​ക​രാ​ക്ര​മ​ണ​ത്തി​ൽ 184 പേ​ർ കൊ​ല്ല​പ്പെ​ട്ടു.  ആക്രമണത്തിൽ നിരവധി പേ​ർ​ക്ക് പ​രി​ക്കേറ്റതായും റിപ്പോർട്ടുകളുണ്ട്.

ബി​ർ അ​ൽ അ​ബ​ദി​ലെ പ​ള്ളി​യി​ൽ വെ​ള്ളി​യാ​ഴ്ച പ്രാ​ർ​ഥ​നയ്ക്ക് എത്തിയ വിശ്വാസികളാണ് ആക്രമണത്തിന് ഇരയായത്. നാ​ല് വാ​ഹ​ന​ങ്ങ​ളി​ലെ​ത്തി​യ ഭീ​ക​രരുടെ സംഘം വിശ്വാസികളെ ലക്ഷ്യമാക്കി തുരുതുരാ വെടിയുതിർത്തു.

ആക്രമണത്തിൽ ഭയന്ന് ചിതറിയോടിയ ആളുകളെ സംഘം നിർത്താതെ വെടിവച്ചതോടെയാണ് മരണസംഘ്യ ഉയർന്നത്. ഭീകരർക്കെതിരെ സൈന്യത്തെ പിന്തുണക്കുന്നവരെ ലക്ഷ്യമിട്ടാണ് ആക്രമണം നടത്തിയതെന്നാണ് വിവരം.

ആക്രമണത്തിന്റെ പശ്ചാത്തലത്തിൽ പ്രസിഡന്റ് അബ്ദുൾ ഫത്താ അൽ സിസി ഉന്നത തല യോഗം വിളിച്ചു ചേർത്തു. ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല. പരിക്കേറ്റവരിൽ പലരുടെയും നില ഗുരുതരമാണ്. മരണസംഘ്യ ഉയർന്നേക്കാൻ ഇടയുണ്ട്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Suspected militants target mosque with bomb gunfire in egypts north sinai witnesses

Next Story
പ്രശ്നങ്ങൾ തീർന്നു; ഗുജറാത്തിൽ കോൺഗ്രസിനോട് കൈകോർക്കാൻ എൻസിപി
The moderation of comments is automated and not cleared manually by malayalam.indianexpress.com