മദ്യനയ അഴിമതി കേസ്: മനീഷ് സിസോദിയക്കെതിരെ തെളിവുകള്‍ എവിടെ, കേന്ദ്ര ഏജന്‍സികളോട് സുപ്രീംകോടതി

ന്യൂഡല്‍ഹി: മദ്യനയ അഴിമതി കേസില്‍ ജുഡീഷ്യല്‍ കസ്റ്റഡിയിലുള്ള ഡല്‍ഹി മുന്‍ ഉപമുഖ്യമന്ത്രി മനീഷ് സിസോദിയക്കെതിരെ തെളിവുകള്‍ എവിടെയെന്ന് സുപ്രീംകോടതി. സിസോദിയയുടെ ജാമ്യാപേക്ഷ പരിഗണിക്കവെയാണ് കേസില്‍ കള്ളപ്പണം വെളുപ്പിക്കല്‍ ആരോപണവുമായി ബന്ധപ്പെട്ട് സിസോദിയക്കെതിരെ എന്തെങ്കിലും തെളിവുകള്‍ ഉണ്ടോയേന്ന് കോടതി കേന്ദ്ര ഏജന്‍സികളോട് ചോദിച്ചത്.

''നിങ്ങള്‍ എങ്ങനെയാണ് സിസോദിയയുടെ കള്ളപ്പണം വെളുപ്പിക്കല്‍ വസ്തുതാപരമായും നിയമപരമായും തെളിയിക്കുക?… നിങ്ങളുടെ കേസ് അനുസരിച്ച് അത് ഉപയോഗിക്കാമെന്ന് അദ്ദേഹത്തിന് അറിയാമായിരിക്കും, പക്ഷേ അദ്ദേഹത്തിന് കേസില്‍ നേരിട്ട് ബന്ധമുളളതായി തെളിവുകളില്ല'' ജസ്റ്റിസുമാരായ സഞ്ജീവ് ഖന്നയും എസ്വിഎന്‍ ഭട്ടിയും അടങ്ങുന്ന ബെഞ്ച് പറഞ്ഞു. ബാറിലേക്കും ബെഞ്ചിലേക്കും.

'ഒരു നയപരമായ മാറ്റമുണ്ടെന്ന് ഞങ്ങള്‍ മനസ്സിലാക്കുന്നു, എല്ലാവര്‍ക്കും പ്രയോജനകരമായ ഒരു മാറ്റം ആവശ്യമാണ്. അത് അവിടെ ഉണ്ടാകും. സ്‌പെഷ്യല്‍ ഗ്രൂപ്പുകള്‍ വിവേചനപരമാണെന്ന് പറഞ്ഞാല്‍ പണം പരിഗണിക്കാതിരുന്നാല്‍, അത് കുറ്റമാകില്ല.ആ പരിധി വരെ പോയാല്‍, നയപരമായ തീരുമാനം എടുക്കുമ്പോള്‍ സമ്മര്‍ദ്ദ ഗ്രൂപ്പുകളോ നിക്ഷിപ്ത താല്‍പ്പര്യങ്ങളോ പോലും ഉണ്ടാകില്ല. ചില സമ്മര്‍ദ്ദങ്ങളും സംഘര്‍ഷങ്ങളും ഉണ്ടാകും. എപ്പോഴും അവിടെ ഉണ്ടായിരിക്കുക. തീര്‍ച്ചയായും കൈക്കൂലി സ്വീകരിക്കാന്‍ കഴിയില്ല,'' ബെഞ്ച് വ്യക്തമാക്കി.

സിസോദിയ നേരിട്ടോ അല്ലാതെയോ നിയമവിരുദ്ധ പ്രവര്‍ത്തനങ്ങളില്‍ ഏര്‍പ്പെട്ടിട്ടുണ്ടോ എന്നതല്ല ചോദ്യമെന്നും കുറ്റകൃത്യങ്ങളുടെ വരുമാനമായി പ്രവര്‍ത്തിക്കുന്ന കൈക്കൂലിക്ക് പ്രേരണ നല്‍കുന്ന നയമാണ് ഉണ്ടാക്കിയതെന്നും സിബിഐ, ഇ ഡി ഏജന്‍സികള്‍ക്ക് വേണ്ടി ഹാജരായ അഡീഷണല്‍ സോളിസിറ്റര്‍ ജനറല്‍ (എഎസ്ജി) എസ് വി രാജു പറഞ്ഞു. കുറ്റകൃത്യത്തിന്റെ വരുമാനം കൈപ്പറ്റിയ രാഷ്ട്രീയ പാര്‍ട്ടിയെ എന്തുകൊണ്ട് പ്രതിയാക്കിയില്ല എന്നും സുപ്രീം കോടതി കേന്ദ്ര അന്വേഷണ ഏജന്‍സികളോട് ചോദിച്ചിരുന്നു.

ഡല്‍ഹി മദ്യനയ കേസില്‍ ഫെബ്രുവരി 26 ന് ആണ് സി ബി ഐ മനീഷ് സിസോദിയയെ അറസ്റ്റ് ചെയ്തത്, തിഹാര്‍ ജയിലില്‍ മണിക്കൂറുകള്‍ നീണ്ട ചോദ്യം ചെയ്യലിന് ശേഷമാണ് മാര്‍ച്ച് 26 ന് കേസില്‍ മനീഷ് സിസോദിയയെ ഇ ഡി അറസ്റ്റ് ചെയ്തത്. ഡല്‍ഹി സര്‍ക്കാരിന്റെ മദ്യനയവുമായി ബന്ധപ്പെട്ട് അഴിമതി ആരോപണങ്ങള്‍ ഉയര്‍ന്നതിന് പിന്നാലെയായിരുന്നു കേസ് രജിസ്റ്റര്‍ ചെയ്തി സി ബി ഐ അന്വേഷണം തുടങ്ങിയത്. ഇതിന് പിന്നാലെ മദ്യനയം സര്‍ക്കാര്‍ പിന്‍വലിച്ചത്. മദ്യനയ രൂപീകരണത്തില്‍ കമ്പനികളുടെ ഇടപെടലുണ്ടായെന്നും സ്ഥാപനങ്ങള്‍ക്ക് 12% ലാഭം ലഭിക്കുന്ന അവസ്ഥ ഉണ്ടായെന്നും സി ബി ഐ കണ്ടെത്തിയിരുന്നു. കേസില്‍ പ്രതിയായ വ്യവസായി ദിനേശ് അറോറയുടെ അറോറയ്ക്ക് അടുത്തിടെ ജാമ്യം ലഭിച്ചിരുന്നു.