Latest News

സുപ്രീം കോടതി കൊളീജിയം ഇന്ന്; ജസ്റ്റിസ് കെ.എം.ജോസഫിന്റെ നിയമനകാര്യം ചർച്ച ചെയ്‌തേക്കും

ജസ്റ്റിസ് ജസ്‌തി ചെലമേശ്വർ വിരമിക്കാൻ ആറ് ദിവസം മാത്രം അവശേഷിക്കെ നടക്കുന്ന കൊളീജിയമായതിനാൽ തീരുമാനം നിർണായകമാണ്

Dipak Misra, Supreme Court collegium, Justice K M Joseph, SC Collegium, CJI Dipak Misra, SC Collegium meeting

ന്യൂ​ഡ​ൽ​ഹി: ഉ​ത്ത​രാ​ഖ​ണ്ഡ് ഹൈക്കോടതി ചീ​ഫ് ജ​സ്റ്റീ​സ് കെ.​എം.ജോ​സ​ഫി​നെ സു​പ്രീം​ കോ​ട​തി ജ​സ്റ്റിസായി ഉ​യ​ർ​ത്താ​നു​ള്ള ശുപാ​ർ​ശ സുപ്രീം കോടതി കൊളീജിയം ഇന്ന് വീണ്ടും ചർച്ച ചെയ്തേക്കും. നേരത്തേ കേന്ദ്രസർക്കാർ ജസ്റ്റിസ് ജോസഫിന്റെ നിയമന കാര്യത്തിൽ പ്രതികൂല നിലപാട് സ്വീകരിച്ച ശേഷം ഇത് രണ്ടാം തവണയാണ് കൊളീജിയം യോഗം ചേരുന്നത്.

ജനുവരി 10 ന് ചേർന്ന കൊളീജിയമാണ് ജസ്റ്റിസ് കെ.എം.ജോസഫിനെ സുപ്രീം കോടതി ജസ്റ്റിസായി ശുപാർശ ചെയ്തത്. എന്നാൽ വിയോജന കുറിപ്പോടെ കേന്ദ്ര നിയമമന്ത്രി രവിശങ്കർ പ്രസാദ് ശുപാർശ മടക്കി അയച്ചു. ഈ വിയോജന കുറിപ്പിലെ വാദങ്ങൾ നിലനിൽക്കില്ലെന്ന നിലപാട് ഇന്നത്തെ കൊളീജിയം സ്വീകരിച്ചേക്കും.

കെ.എം.ജോസഫിന്റെ നിയമന കാര്യത്തിൽ തീരുമാനം എടുക്കാൻ വൈകരുതെന്നാവശ്യപ്പെട്ട് മുതിർന്ന ജഡ്‌ജി ജസ്റ്റിസ് ജസ്‌തി ചെലമേശ്വർ ചീഫ് ജസ്റ്റിസ് ദീപക് മിശ്രയ്ക്ക് കത്ത് നൽകിയിരുന്നു. ഇനി ആറ് ദിവസം മാത്രമാണ് ചെലമേശ്വർ വിരമിക്കാനുളളത്.

കൊ​ളീ​ജി​യ​ത്തി​ലെ അം​ഗ​ങ്ങ​ളാ​യ ചെ​ല​മേ​ശ്വ​ർ, ര​ഞ്ജ​ൻ ഗൊ​ഗോ​യി, മ​ദ​ൻ ബി. ലോ​കു​ർ, കു​ര്യ​ൻ ജോ​സ​ഫ് എന്നിവർ കെ.എം.ജോസഫിന് വേണ്ടി നിലപാടെടുക്കുന്നവരാണ്. ഇന്നത്തെ യോഗത്തിന്റെ അജണ്ട ചീഫ് ജസ്റ്റിസ് ദീപക് മിശ്ര വിപുലപ്പെടുത്തിയെങ്കിലും കെ.എം.ജോസഫിന്റെ നിയമന കാര്യത്തിൽ ദീപക് മിശ്രയുടെ നിലപാട് എന്താകുമെന്നാണ് ഉറ്റുനോക്കപ്പെടുന്നത്.

ര​ണ്ടാം തീ​യ​തി കൊ​ളീ​ജി​യം യോ​ഗം ചേ​ർ​ന്നെ​ങ്കി​ലും അ​ജ​ണ്ട വി​പു​ല​പ്പെ​ടു​ത്തി​യ​തി​നെ തു​ട​ർ​ന്ന് തീ​രു​മാ​ന​മെ​ടു​ക്കാ​തെ പി​രി​യു​ക​യാ​യി​രു​ന്നു. രവിശങ്കർ പ്രസാദ് അയച്ച കത്ത് അടിസ്ഥാനപ്പെടുത്തി കൊ​ൽ​ക്ക​ത്ത, രാ​ജ​സ്ഥാ​ൻ, ആ​ന്ധ്ര​പ്ര​ദേ​ശ് ഹൈ​ക്കോ​ട​തി​ക​ളി​ൽ ​നി​ന്നും സു​പ്രീം​കോ​ട​തി​യി​ലേ​ക്കു പ​രിഗ​ണി​ക്കേ​ണ്ട പേ​രു​ക​ൾ​കൂ​ടി ചീ​ഫ് ജ​സ്റ്റി​സ് അ​ജ​ണ്ട​യി​ൽ ഉ​ൾ​പ്പെ​ടു​ത്തി​യ​ത്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Supreme court collegium meets today justice josephs returned file on its table dipak misra

Next Story
ട്രംപും കിം ജോംഗ് ഉന്നും സിംഗപ്പൂരില്‍ മുഖാമുഖം; ചരിത്രപരമായ കൂടിക്കാഴ്ച്ച ജൂണ്‍ 12ന്donald trump, kim jong un, north korea
The moderation of comments is automated and not cleared manually by malayalam.indianexpress.com