കുറ്റപത്രം സാമാന്യ യുക്തിക്ക് നിരക്കാത്തത്; സുനന്ദ കേസിൽ ശശി തരൂർ എംപിയുടെ പ്രതികരണം

ന്യൂഡൽഹി: സുനന്ദ പുഷ്‌കറിന്റെ മരണവുമായി ബന്ധപ്പെട്ട കേസിൽ തന്നെ പ്രതിയാക്കി ഡൽഹി പൊലീസ് സമർപ്പിച്ച കുറ്റപത്രം സാമാന്യ യുക്തിക്ക് നിരക്കാത്തതാണെന്ന് ശശി തരൂർ എംപി. ട്വിറ്ററിലെ തന്റെ ഔദ്യോഗിക അക്കൗണ്ടിലൂടെയാണ് തരൂർ ഇക്കാര്യം പറഞ്ഞത്.

"സുനന്ദ പുഷ്‌കറിന്റെ മരണവുമായി ബന്ധപ്പെട്ട് എന്നെ പ്രതി ചേർത്ത് സമർപ്പിച്ച സാമാന്യ യുക്തിക്ക് നിരക്കാത്ത കുറ്റപത്രം എന്റെ ശ്രദ്ധയിൽ പെട്ടു. സുനന്ദയെ അറിയുന്ന ആരെങ്കിലും എന്നിൽ ദുഷ്‌പ്രേരണ ചാർത്തി അവർ ആത്മഹത്യ ചെയ്യുമെന്ന് വിശ്വസിക്കുമെന്ന് കരുതുന്നവരല്ല. നാല് വർഷത്തെ അന്വേഷണത്തിന് ശേഷം ഇതാണ് അന്വേഷണ സംഘം എത്തിച്ചേർന്ന നിഗമനം എങ്കിൽ അവരുടെ അന്വേഷണം ഏത് വിധത്തിലുളളതായിരുന്നുവെന്ന് കൂടി വ്യക്തമാകേണ്ടതുണ്ട്. ആറ് മാസം മുൻപ് ഒക്ടോബർ 17 ന് പൊലീസിന്റെ അഭിഭാഷകൻ ഡൽഹി കോടതിയിൽ പറഞ്ഞത് കേസിൽ ഇതുവരെ ആരെയും സംശയിക്കുന്നില്ല എന്നാണ്. ആറ് മാസത്തിന് ശേഷം അവർ പറയുന്നു, ഞാൻ ആത്മഹത്യയ്ക്ക് പ്രേരിപ്പിച്ചുവെന്ന്. അവിശ്വസനീയം," തരൂർ ട്വീറ്റിൽ കുറിച്ചു.

1/2 I have taken note of the filing of this preposterous charge sheet &intend to contest it vigorously. No one who knew Sunanda believes she would ever have committed suicide, let alone abetment on my part. If this is conclusion arrived at after 4+ yrs of investigation, (contd.)

— Shashi Tharoor (@ShashiTharoor) May 14, 2018

2/2) it does not speak well of the methods or motivations of the Delhi Police. In oct 17, the Law Officer made a statement in the DelhiHighCourt that they have not found anything against anyone & now in 6 months they say that I have abetted a suicide. unbelievable!

— Shashi Tharoor (@ShashiTharoor) May 14, 2018

സുനന്ദ പുഷ്‌കറിനെ 2010 ഓഗസ്റ്റ് 22നായിരുന്നു ശശി തരൂർ എംപി വിവാഹം കഴിച്ചത്. കല്യാണം കഴിഞ്ഞ് മൂന്ന് വർഷവും മൂന്ന് മാസവും 15 ദിവസവും പിന്നിട്ടപ്പോഴാണ് സുനന്ദ പുഷ്‌കർ മരിച്ചതെന്നാണ് കുറ്റപത്രം പറയുന്നത്. പാട്യാല ഹൗസ് കോടതിയിലെ മെട്രോപൊളിറ്റൻ മജിസ്ട്രേറ്റ് ധർമ്മേന്ദ്ര സിങ്ങിന്റെ കോടതി, മെയ് 24 നാണ് കുറ്റപത്രം പരിഗണിക്കുക.

https://www.iemalayalam.com/news/sunanda-pushkar-death-case-live-updates-delhi-police-charges-shashi-tharoor-with-abetment-to-suicide/