Latest News
രാജി പ്രഖ്യാപിച്ച് കര്‍ണാടക മുഖ്യമന്ത്രി ബി.എസ്. യെദ്യൂരപ്പ
കൊടകര കുഴല്‍പ്പണക്കേസ്: പ്രതിക്ക് സുരേന്ദ്രനുമായി അടുത്ത ബന്ധമെന്ന് മുഖ്യമന്ത്രി നിയമസഭയില്‍
അമ്പെയ്ത്തില്‍ ഇന്ത്യന്‍ സംഘം പുറത്ത്; ബാഡ്മിന്റണിലും തോല്‍വി
മഴ: ആറ് ജില്ലകളില്‍ യെല്ലൊ അലര്‍ട്ട്; തീരദേശത്ത് ജാഗ്രതാ നിര്‍ദേശം
രാജ്യത്ത് 39,361 പേര്‍ക്ക് കോവിഡ്; 416 മരണം; ആശങ്കയായി കേരളം

‘ഏത് ഇനം പശുക്കളിലാണ് സൂര്യ കേതു നാഡിയുള്ളത്?’ ഭാരതസംസ്‌കാരത്തില്‍ വിദ്യാര്‍ഥികളുടെ അറിവ് അളക്കാന്‍ പരീക്ഷ

ഓള്‍ വേള്‍ഡ് ഗായത്രി പരിവാര്‍ ആന്‍ഡ് ദേവ് സംസ്‌കൃതി യൂണിവേഴ്സിറ്റി എന്ന ഹരിദ്വാര്‍ ആസ്ഥാനമായി പ്രവര്‍ത്തിക്കുന്ന സംഘടനയാണ് പരീക്ഷ സംഘടിപ്പിക്കുന്നത്.

Kendriya Vidyalaya, Navodaya

ന്യൂഡല്‍ഹി: ജവഹര്‍ നവോദയ-കേന്ദ്രീയ വിദ്യാലയങ്ങളിലെ വിദ്യാര്‍ഥികള്‍ക്ക് ഭാരതീയ സംസ്‌കാരത്തിലും മൂല്യങ്ങളിലുമുള്ള അറിവ് പരിശോധിക്കാനായി പ്രത്യേക പരീക്ഷ വരുന്നു. ഓള്‍ വേള്‍ഡ് ഗായത്രി പരിവാര്‍ ആന്‍ഡ് ദേവ് സംസ്‌കൃതി യൂണിവേഴ്സിറ്റി എന്ന ഹരിദ്വാര്‍ ആസ്ഥാനമായി പ്രവര്‍ത്തിക്കുന്ന സംഘടനയാണ് പരീക്ഷ സംഘടിപ്പിക്കുന്നത്.

അഞ്ചാം ക്ലാസ്സ് മുതല്‍ 12-ാം ക്ലാസ്സ് വരെയുള്ള വിദ്യാർഥികളെ പരീക്ഷ എഴുതാന്‍ അനുവദിച്ചു കൊണ്ടുള്ള ഉത്തരവ് നവോദയ വിദ്യാലയ സമിതികളുടെ മേഖലാ ഓഫീസുകളില്‍ ഒക്ടോബര്‍ അഞ്ചിന് ലഭിച്ചു. പരീക്ഷയുടെ ചെലവുകളെല്ലാം സംഘടന വഹിച്ചു കൊള്ളുമെന്നും ഉത്തരവില്‍ പറയുന്നുണ്ട്.

ഇത്തരത്തിലുള്ളൊരു ഉത്തരവ് ഓഗസ്റ്റ് 30-ന് കേന്ദ്രീയ വിദ്യാലയ സ്‌കൂളുകള്‍ക്കും ലഭിച്ചിട്ടുണ്ട്. ദേവ് സംസ്‌കൃതി സര്‍വകലാശാലയുടെ പ്രതിനിധികളുമായി പരീക്ഷ നടത്തുവാന്‍ സഹകരിക്കണമെന്നാണ് ഈ ഉത്തരവില്‍ പറയുന്നത്. അതേസമയം, ഡല്‍ഹിയില്‍ നവംബര്‍ 25-ന് നടത്തുന്ന പരീക്ഷ എല്ലാ വിദ്യാർഥികളും എഴുതണമെന്ന് നിര്‍ബന്ധമില്ലെന്നും ഉത്തരവിലുണ്ട്.

ആചാര്യ ശ്രീറാം ശര്‍മ്മയാണ് ഓള്‍ വേള്‍ഡ് ഗായത്രി പരിവാര്‍ എന്ന സംഘടനയുടെ സ്ഥാപകന്‍. വ്യക്തിത്വ വികാസം, കുടുംബക്ഷേമം, സാമൂഹികവികസനം എന്നിവയാണ് സംഘടനയുടെ പ്രഖ്യാപിത ലക്ഷ്യങ്ങള്‍. നിലവില്‍ പ്രണവ് പാണ്ഡ്യയാണ് സംഘടനയുടെ തലവന്‍.

ചോദ്യാവലിയില്‍ നിന്നുള്ള ചില ചോദ്യങ്ങള്‍:

1. ഏത് ഇനം പശുക്കളിലാണ് സൂര്യ കേതു നാഡിയുള്ളത്?

2. കാറല്‍ മാര്‍ക്‌സിന്റെ ഏറ്റവും പ്രശസ്തമായ പുസ്തകം ഏതാണ്?

3. അക്ബറിന് ഗംഗാജലത്തോടുള്ള ഇഷ്ടത്തെക്കുറിച്ച് വിവരിക്കുന്ന പുസ്തകം?

4. എന്തുകൊണ്ടാണ് ഇന്ത്യയിലെ വീടുകളില്‍ തുളസി ചെടികള്‍ വളര്‍ത്തുന്നത്?

5. ഖുറാനില്‍ എവിടെയാണ് സ്വര്‍ഗത്തെക്കുറിച്ചും നരകത്തെക്കുറിച്ചും പ്രതിപാദിക്കുന്നത്?

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Students of navodaya schools kendriya vidyalayas may face test on indian culture values

Next Story
ശാസ്ത്രലോകത്തിന് ‘കടല്‍ സര്‍പ്പ ദര്‍ശനം’; 8 കോടി വര്‍ഷം പഴക്കമുളള ഭീകരജീവിയെ കണ്ടെത്തി
The moderation of comments is automated and not cleared manually by malayalam.indianexpress.com
Best of Express