ജയ്പൂർ: രാജസ്ഥാനിലെ അൽവാർ ജില്ലയിൽ വച്ച് താൻ സഞ്ചരിച്ച വാഹന വ്യൂഹത്തിനു നേർക്ക് ആക്രമണമുണ്ടായതായി ഭാരതീയ കിസാൻ യൂണിയൻ (ബികെയു) നേതാവ് രാകേഷ് ടിക്കായത്ത്. ബിജെപിയാണ് തനിക്കെതിരായ ആക്രമണത്തിന് പിറകിലെന്ന് ടിക്കായത്ത് ആരോപിച്ചു.
സംഭവവുമായി ബന്ധപ്പെട്ട് നാല് പേരെ കരുതൽ തടങ്കലിലെടുത്തതായി പൊലീസ് അറിയിച്ചു. സമാധാനാന്തരീക്ഷം തകർക്കുന്നു എന്ന കുറ്റത്തിനാണ് പ്രാദേശിക സർവകലാശാലയിലെ സ്റ്റുഡന്റ് യൂണിയൻ പ്രസിഡന്റ് ഉൾപ്പെടെ നാല് പേരെ കരുതൽ തടങ്കലിലെടുത്തതെന്നും പൊലീസ് വ്യക്തമാക്കി.
അൽവാറിലെ ഹർസോളിയിലെ ഒരു ‘കിസാൻ പഞ്ചായത്തിനെ’ അഭിസംബോധന ചെയ്യാൻ രാജസ്ഥാനിലെത്തിയതായിരുന്നു ടിക്കായത്. തന്റെ വാഹനത്തിലുണ്ടായിരുന്ന ഒരു കാറിന്റെയും ബിജെപിയാണ് ആക്രമണം നടത്തിയതെന്ന് മുദ്രാവാക്യം വിളിക്കുന്ന തന്റെ അനുയായികളുടെയും വീഡിയോ ടിക്കായത്ത് ട്വീറ്റ് ചെയ്തിട്ടുണ്ട്.
Read More: ഡിഎംകെ നേതാവ് സ്റ്റാലിന്റെ മകളുടെ വീട്ടില്‍ ആദായനികുതി റെയ്ഡ്
“അൽവാർ ജില്ലയിലെ ബൻസൂരിലെ ടാറ്റർപൂർ ക്രോസിംഗിൽ ബിജെപിയുടെ ഗുണ്ടകൾ ആക്രമണം നടത്തി,” എന്ന് വീഡിയോയുടെ അടിക്കുറിപ്പിൽ അദ്ദേഹം പറഞ്ഞു.
വെള്ളിയാഴ്ച ഉച്ചയ്ക്ക് ഒരു കിസാൻ പഞ്ചായത്ത് വേദിയിൽ നിന്ന് മറ്റൊന്നിലേക്ക് ടിക്കൈറ്റ് പോകുമ്പോഴാണ് സംഭവം നടന്നതെന്ന് പോലീസ് പറഞ്ഞു.
“ടിക്കായത്തിന് ഇന്ന് അൽവാറിൽ രണ്ട് പൊതുയോഗങ്ങൾ ഉണ്ടായിരുന്നു. ഹർസോളിയിൽ നടന്ന ഒരു പൊതുയോഗത്തെ അഭിസംബോധന ചെയ്ത ശേഷം അദ്ദേഹം ബൻസൂരിലെ മറ്റൊരു മീറ്റിംഗിന്റെ വേദിയിലേക്ക് പോവുകയായിരുന്നു. അദ്ദേഹം യാത്രാമധ്യേ റിഷി ഭാരതി സർവകലാശാല യൂണിയൻ പ്രസിഡന്റ് കുൽദീപ് റാവുവിന്റെ നേതൃത്വത്തിലുള്ള ഒരു സംഘം കരിങ്കൊടി കാണിച്ചിരുന്നു,”ഭീവാഡി എസ്‌‌പി രാം മൂർത്തി ജോഷി പറഞ്ഞു.
Read More: കന്യാസ്ത്രീകള്‍ക്കെതിരായ അക്രമം; രണ്ട് പേര്‍ അറസ്റ്റില്‍
“സംഭവം നടക്കുമ്പോൾ ടിക്കായത്ത് സഞ്ചരിച്ചിരുന്ന കാർ ഇതിനകം മുന്നോട്ട് പോയിരുന്നു. പ്രതിഷേധക്കാർ കാറുകളിൽ മഷി എറിഞ്ഞതായി ഞങ്ങൾക്ക് വിവരമുണ്ട്. ടിക്കായത്തിന്റെ വാഹനവ്യൂഹത്തിലെ കാറുകളിലൊന്നിന്റെ ഗ്ലാസ് തകർന്നതായും കണ്ടെത്തി. ടിക്കായത്തിനെ പിന്തുണയ്ക്കുന്നവരും കരിങ്കൊടി കാണിച്ചവരും തമ്മിൽ വാക്കേറ്റമുണ്ടായി. സമാധാനം തകർക്കാൻ ശ്രമിച്ചെന്നതിന് റാവു ഉൾപ്പെടെ നാല് പേരെ കരുതൽ കസ്റ്റഡിയിൽ എടുത്തിട്ടുണ്ട്, ”ജോഷി പറഞ്ഞു.
ഇതുവരെ കർഷകരുടെ ഭാഗത്ത് നിന്ന് പരാതി നൽകിയിട്ടില്ലെന്നും എഫ്‌ഐആർ രേഖപ്പെടുത്തിയിട്ടില്ലെന്നും അദ്ദേഹം കൂട്ടിച്ചേർത്തു. സംഭവത്തെക്കുറിച്ച് തനിക്ക് അറിയില്ലെന്ന് അൽവാർ നോർത്ത് ബിജെപി പ്രസിഡന്റ് ബൽവാൻ യാദവ് പറഞ്ഞു.
