scorecardresearch
Latest News
ദക്ഷിണാഫ്രിക്കയ്ക്ക് ആറ് വിക്കറ്റ് നഷ്ടം; കാര്യവട്ടത്ത് കത്തിക്കയറി പേസര്‍മാര്‍

സഹോദരനെ പ്രധാനമന്ത്രി സ്ഥാനത്ത് നിന്ന് നീക്കാൻ സമ്മതിച്ച് ശ്രീലങ്കൻ പ്രസിഡന്റ്; ദേശീയ സർക്കാർ രൂപികരിക്കും

വിദേശനാണ്യ ദൗർലഭ്യം ഇറക്കുമതിയെ സാരമായി ബാധിച്ചതിനാൽ ഭക്ഷണം, ഇന്ധനം, പാചക വാതകം, മരുന്ന് തുടങ്ങിയ അവശ്യസാധനങ്ങൾ കിട്ടാത്ത അവസ്ഥയാണ് ശ്രീലങ്കയിൽ

സഹോദരനെ പ്രധാനമന്ത്രി സ്ഥാനത്ത് നിന്ന് നീക്കാൻ സമ്മതിച്ച് ശ്രീലങ്കൻ പ്രസിഡന്റ്; ദേശീയ സർക്കാർ രൂപികരിക്കും

കൊളംബോ: കടുത്ത സാമ്പത്തിക പ്രതിസന്ധി മൂലമുണ്ടായ രാഷ്ട്രീയ പ്രതിസന്ധി പരിഹരിക്കാൻ ശ്രീലങ്കൻ പ്രസിഡന്റ് ഗോതബായ രാജപക്സെ തന്റെ ജ്യേഷ്ഠനെ പ്രധാനമന്ത്രി സ്ഥാനത്ത് നിന്ന് നീക്കാൻ സമ്മതിച്ചതായി എംപി മൈത്രിപാല സിരിസേന വെള്ളിയാഴ്ച പറഞ്ഞു.

പുതിയ പ്രധാനമന്ത്രിയെയും പാർലമെന്റിലെ എല്ലാ കക്ഷികളെയും ഉൾക്കൊള്ളുന്ന ഒരു ദേശീയ സർക്കാരിനെ നിയമിക്കുമെന്നും പ്രസിഡന്റ് ഗോതബയ രാജപക്‌സെ സമ്മതിച്ചതായി പാർലമെന്റ് അംഗം മൈത്രിപാല സിരിസേന പ്രസിഡന്റുമായുള്ള കൂടിക്കാഴ്ചയ്ക്ക് ശേഷം പറഞ്ഞു.

രാജപക്‌സെയ്‌ക്ക് മുമ്പ് പ്രസിഡന്റായിരുന്ന സിരിസേന, ഈ മാസമാദ്യം 40 ഓളം നിയമസഭാംഗങ്ങൾക്കൊപ്പം രാജിവച്ച നിയമസഭാംഗമായിരുന്നു.

അതേസമയം, കടുത്ത സാമ്പത്തിക പ്രതിസന്ധിയിലായ ശ്രീലങ്ക വിദേശ വായ്പകളുടെ തിരിച്ചടവുകൾ താൽക്കാലികമായി നിർത്തിവയ്ക്കുന്നതായി പ്രഖ്യാപിച്ചു. ഈ വർഷംശ്രീലങ്കയ്ക്ക് ഏഴ് ബില്യൺ ഡോളർ വിദേശ കടവും 2026 ഓടെ 25 ബില്യൺ ഡോളറും തിരിച്ചടയ്ക്കേണ്ടതുണ്ട്. നിലവിൽ ശ്രീലങ്കയുടെ വിദേശ കരുതൽ ശേഖരം ഒരു ബില്യൺ ഡോളറിൽ താഴെയാണ്.

വിദേശനാണ്യ ദൗർലഭ്യം ഇറക്കുമതിയെ സാരമായി ബാധിച്ചതിനാൽ ഭക്ഷണം, ഇന്ധനം, പാചക വാതകം, മരുന്ന് തുടങ്ങിയ അവശ്യസാധനങ്ങൾ കിട്ടാത്ത അവസ്ഥയാണ്. പലയിടങ്ങളിലും സാധനങ്ങൾ വാങ്ങാൻ നീണ്ട നിരയാണ്.

അതിരൂക്ഷമായ വിലക്കയറ്റത്താൽ പൊറുതിമുട്ടിയ ജനം പ്രസിഡന്റിന്റെയും പ്രധാനമന്ത്രിയുടെയും രാജിക്കായി പ്രസിഡന്റിന്റെ മന്ദിരത്തിന് മുന്നിൽ രണ്ടാഴ്ചയായി സമരം തുടരുകയാണ്. കഴിഞ്ഞ 20 വർഷമായി ശ്രീലങ്കയുടെ ഭരണം കയ്യാളുന്ന രാജപക്സെ കുടുംബമാണ് ഇപ്പോഴത്തെ പ്രതിസന്ധിക്ക് കാരണമെന്നാണ് ജനങ്ങൾ പറയുന്നത്.

Also Read: ഉഷ്ണതരംഗം കൂടുതൽ തീവ്രമാകും; രാജ്യത്ത് അടുത്ത അഞ്ച് ദിവസം താപനില കൂടുത വർധിക്കും

Stay updated with the latest news headlines and all the latest News news download Indian Express Malayalam App.

Web Title: Sri lanka president gotabaya rajapaksa brother mahinda pm