ന്യൂഡൽഹി: രാജ്യത്ത് ആഭ്യന്തര സർവ്വീസ് നടത്തുന്ന വിമാനങ്ങളിൽ മുഴുവൻ സമയവും മൊബൈലും ഇന്റർനെറ്റും ഉപയോഗിക്കാൻ ടെലികോം റെഗുലേറ്ററി അതോറിറ്റി ഓഫ് ഇന്ത്യ ശുപാർശ ചെയ്തു. വളരെ വിശദമായി ഈ വിഷയം ചർച്ച ചെയ്ത ശേഷമാണ് മൊബൈലും ഇന്റർനെറ്റും ഉപയോഗിക്കാനുളള അനുമതി നൽകുന്നത്.

ഏറ്റവും കുറഞ്ഞത് 3000 മീറ്റർ ഉയരത്തിൽ വരെ മൊബൈൽ ഉപയോഗിക്കാൻ സാധിക്കണമെന്നാണ് പുതിയ നിർദ്ദേശം. സാധാരണ ടേക് ഓഫ് ചെയ്ത വിമാനം 4-5 മിനിറ്റിനുളളിൽ ഈ ദൂരം താണ്ടാറുണ്ട്.

ഇതിനായി ഇൻ ഫ്ലൈറ്റ് കണക്ടിവിറ്റി സർവ്വീസസ് എന്ന പേരിൽ പ്രത്യേക സേവന ദാതാവിന് രൂപം നൽകാനും ട്രായ് തീരുമാനിച്ചു. തുടക്കത്തിൽ വിമാനത്തിൽ ഈ സേവനം നൽകാൻ സഹായിക്കുന്ന സേവന ദാതാവിൽ നിന്ന് ഒരു രൂപ പ്രതിവർഷം നിരക്ക് ഈടാക്കാനാണ് തീരുമാനം.

ഡിപ്പാർട്ട്മെന്റ് ഓഫ് ടെലികമ്യൂണിക്കേഷന് കീഴിൽ രജിസ്റ്റർ ചെയ്ത ഏത് സേവന ദാതാവിനും ഈ കരാർ ഏറ്റെടുക്കാനാവും. വിദേശ കമ്പനികൾക്കും വിലക്കുകളില്ല. നിബന്ധനകൾ ഇന്ത്യയിൽ നിന്നുളള സ്ഥാപനങ്ങൾക്കും വിദേശ കമ്പനികൾക്കും ഒന്നുപോലെയായിരിക്കുമെന്ന് ട്രായ് വ്യക്തമാക്കി.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook