ചെന്നൈ: തമിഴ്‌നാട്ടില്‍ സെപ്റ്റിക് ടാങ്ക് വൃത്തിയാക്കുന്നതിനിടെ വിഷവാതകം ശ്വസിച്ച് ആറ് പേര്‍ മരിച്ചു. കാഞ്ചീപുരത്തെ ശ്രീപെരുംമ്പത്തൂരിലാണ് സംഭവം. മരിച്ചവരില്‍ അച്ഛനും രണ്ട് മക്കളും ഉള്‍പ്പെടും.

കൃഷ്ണമൂര്‍ത്തിയെന്നയാളാണ് ആദ്യം അപകടത്തില്‍ പെട്ടത്. അദ്ദേഹത്തെ രക്ഷിക്കാനായി മൂത്തമകന്‍ കണ്ണന്‍ ഓടിയെത്തിയെങ്കിലും ബോധം കെട്ടു വീണു. പിന്നാലെ രണ്ടാമത്തെ മകന്‍ കാര്‍ത്തിക് രണ്ടു പേരേയും രക്ഷിക്കാനായെത്തി. എന്നാല്‍ കാര്‍ത്തിക്കും ബോധരഹിതനായി വീണു.

ഒരു സ്വകാര്യ കെട്ടിടത്തിലായിരുന്നു അപകടമുണ്ടായത്. തൊഴിലാളികള്‍ക്ക് സുരക്ഷാ ഉപകരണങ്ങളൊന്നും നല്‍കിയിരുന്നില്ല. ടാങ്കിലേക്ക് വീണ മൂന്ന് പേരെ രക്ഷിക്കാന്‍ ശ്രമിക്കുന്നതിനിടെ മറ്റ് മൂന്നു പേരും അപകടത്തില്‍ പെടുകയായിരുന്നു. അഗ്നിശമന സേന സ്ഥലത്തെത്തി ഇവരെ പുറത്തെടുക്കകയും ആശുപത്രിയിലെത്തിക്കുകയും ചെയ്തു. എന്നാല്‍ ജീവന്‍ രക്ഷിക്കാനായില്ല.

സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ