പണപ്പെരുപ്പം നിയന്ത്രിക്കാനുള്ള നടപടികൾ പ്രഖ്യാപിച്ച് ധനമന്ത്രി; പ്രധാന പ്രഖ്യാപനങ്ങൾ ഇവയാണ്

രാജ്യത്തെ പണപ്പെരുപ്പം നേരിടാൻ നിരവധി നടപടികൾ ധനമന്ത്രി നിർമ്മല സീതാരാമൻ ശനിയാഴ്ച പ്രഖ്യാപിച്ചു. ഇന്ന് ലോകം ദുഷ്‌കരമായ സമയങ്ങളിലൂടെയാണ് കടന്നുപോകുന്നതെന്ന് സീതാരാമൻ ട്വീറ്റ് ചെയ്തു. “ലോകം കോവിഡ് -19 മഹാമാരിയിൽ നിന്ന് കരകയറിക്കൊണ്ടിരിക്കുമ്പോഴും, ഉക്രെയ്ൻ സംഘർഷം വിതരണ ശൃംഖലയിലെ പ്രശ്‌നങ്ങളും വിവിധ വസ്തുക്കളുടെ ദൗർലഭ്യവും കൊണ്ടുവന്നു. ഇത് പല രാജ്യങ്ങളിലും പണപ്പെരുപ്പത്തിനും സാമ്പത്തിക പ്രതിസന്ധിക്കും കാരണമാകുന്നു,” മന്ത്രി ട്വീറ്റ് ചെയ്തു.

പണപ്പെരുപ്പം നിയന്ത്രിക്കാൻ പ്രഖ്യാപിച്ച നടപടികൾ

? പെട്രോളിന്റെ എക്സൈസ് തീരുവ ലിറ്ററിന് എട്ട് രൂപയും ഡീസലിന് ലിറ്ററിന് ആറ് രൂപയും സർക്കാർ കുറച്ചു. ഇതോടെ പെട്രോളിന് ലിറ്ററിന് 9.5 രൂപയും ഡീസലിന് 7 രൂപയും കുറയും.

? ഒരു ലക്ഷം കോടിയിലധികം വരുന്ന വളം സബ്‌സിഡിക്ക് പുറമെ 1.1 ലക്ഷം കോടി രൂപ സർക്കാർ കർഷകർക്ക് നൽകും.

? ഒമ്പത് കോടി ഗുണഭോക്താക്കൾക്ക് പ്രതിവർഷം 12 സിലിണ്ടറുകൾ വരെ ഗ്യാസ് സിലിണ്ടറുകൾക്ക് കേന്ദ്രം 200 രൂപ സബ്‌സിഡി നൽകും.

? പ്ലാസ്റ്റിക് ഉൽപന്നങ്ങളുടെ അസംസ്‌കൃത വസ്തുക്കളുടെ കസ്റ്റംസ് തീരുവ കുറച്ചു. ഇരുമ്പ്, ഉരുക്ക് എന്നിവയുടെ അസംസ്‌കൃത വസ്തുക്കളുടെ വില കുറയ്ക്കും.

? സ്റ്റീലിന്റെ ചില അസംസ്കൃത വസ്തുക്കളുടെ ഇറക്കുമതി തീരുവ കുറയ്ക്കുകയും ചില സ്റ്റീൽ അസംസ്കൃത വസ്തുക്കളുടെ കയറ്റുമതി വർദ്ധിപ്പിക്കുകയും ചെയ്യും.

? സിമന്റ് കൂടുതൽ ലഭ്യമാക്കുന്നതിനുള്ള നടപടികൾ സ്വീകരിച്ചു വരികയാണെന്നും സിമന്റിന്റെ വില കുറയ്ക്കുമെന്നും സീതാരാമൻ പറഞ്ഞു.