നിരോധിച്ച നോട്ട് മാറി തരാമെന്ന് പറഞ്ഞ് 60 ലക്ഷം രൂപ തട്ടിയ ഗായിക അറസ്റ്റില്‍

കഴിഞ്ഞ രണ്ട് വര്‍ഷമായി പൊലീസ് ഇവരെ പിടികൂടാനായി ശ്രമം നടത്തുകയായിരുന്നു.

ന്യൂഡൽഹി: നിരോധിച്ച നോട്ടുകൾ മാറ്റി നൽകാമെന്ന്​ വാഗ്​ദാനം ചെയ്​ത്​ വിരമിച്ച സർക്കാർ ഉദ്യോഗസ്ഥനിൽ നിന്നും 60 ലക്ഷം രൂപ തട്ടിയെടുത്ത ഗായിക അറസ്​റ്റിൽ. സ്​റ്റേജ്​ ഗായികയായ ഹരിയാന സ്വദേശി ശിഖ രാഘവ്​ എന്ന 27 കാരിയാണ്​ അറസ്​റ്റിലായത്​. ശിഖയുടെ ഫോൺ ലൊക്കേഷൻ പിന്തുടർന്നാണ്​ ഡൽഹി പൊലീസ്​ ഇവരെ പിടികൂടിയത്​. കഴിഞ്ഞ രണ്ട് വര്‍ഷമായി പൊലീസ് ഇവരെ പിടികൂടാനായി ശ്രമം നടത്തുകയായിരുന്നു.

ഹരിയാനയില്‍ ശിഖ ഉണ്ടെന്ന വിവരത്തെ തുടര്‍ന്ന് കഴിഞ്ഞ ദിവസം പൊലീസ് എത്തി ഇവരെ പിടികൂടി ഡല്‍ഹിയിലെത്തിച്ചു. എന്നാല്‍ ഇവരുടെ കൈയ്യില്‍ നിന്നും പൊലീസ് ഇതുവരെ പണമൊന്നും കണ്ടെടുത്തിട്ടില്ല. ഡല്‍ഹിയിലും സമീപ സംസ്ഥാനങ്ങളിലും മതപരമായ വേദികളിലും മറ്റും ഇവര്‍ ഗാനം ആലപിക്കാറുണ്ട്. 2016ല്‍ രാംലീല നടക്കുമ്പോഴാണ് വിരമിച്ച പാരാമിലിട്ടറി ഉദ്യോഗസ്ഥനെ ശിഖ പരിചയപ്പെട്ടത്. ശിഖയ്ക്കൊപ്പം സുഹൃത്തായ പവനും തട്ടിപ്പിനുണ്ടായിരുന്നു.

ഉദ്യോഗസ്ഥനെ പറഞ്ഞ് കബളിപ്പിച്ച ശിഖ പണം തട്ടിയെടുത്ത് സ്ഥലം വിട്ടു. രൂപ്​ നഗർ പൊലീസ്​ സ്​റ്റേഷനിൽ ഓഫീസർ നൽകിയ പരാതിയിൽ നടത്തിയ അന്വേഷണത്തിനൊടുവിലാണ്​ ശിഖയെ അറസ്​റ്റ് ചെയ്​തത്​. കേസിൽ പവൻ നേ​രത്തെ അറസ്​റ്റിലായെങ്കിലും ശിഖ ഒളിവിൽ പോവുകയായിരുന്നു. രണ്ടു വർഷത്തിനു ശേഷമാണ്​ ശിഖ രാഘവിനെ പിടികൂടാൻ പൊലീസിനായത്​

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Singer arrested for duping man of rs 60 lakh during demonetisation

Next Story
ഇന്ത്യക്കാർ ബഹിരാകാശത്തേക്ക്; ‘ഗഗൻയാൻ’ ദൗത്യം 2021 ൽ യാഥാർത്ഥ്യമാകുമെന്ന് ഐഎസ്ആർഒ
The moderation of comments is automated and not cleared manually by malayalam.indianexpress.com