‘പാക്കിസ്ഥാനില്‍ മത്സരിച്ചാല്‍ സിദ്ധു വിജയിക്കും’; പുകഴ്ത്തിപ്പറഞ്ഞ് ഇമ്രാന്‍ ഖാന്‍

ഇന്ത്യയുമായി സംസ്​കാര സമ്പന്നമായ പരസ്​പര ബന്ധമാണ്​ ആഗ്രഹിക്കുന്നതെന്നും ഇമ്രാന്‍

ന്യൂഡൽഹി: ​സത്യപ്രതിജ്ഞാ ചടങ്ങിന് പാക്കിസ്ഥാനിലെത്തിയ പഞ്ചാബ് മന്ത്രി നവ്ജ്യോത് സിങ് സിദ്ധുവിനെ വിമര്‍ശിച്ചതിനെതിരെ പാകിസ്​താൻ പ്രധാനമന്ത്രി ഇംറാൻ ഖാൻ. കർതാപൂർ ഇടനാഴിയുടെ തറക്കല്ലിടൽ ചടങ്ങിൽ സംബന്ധിക്കു​മ്പോഴാണ്​ ഇംറാൻ സിദ്ധുവിനെ അനുകൂലിച്ച്​ പ്രസ്​താവന നടത്തിയത്​. ‘എന്റെ സത്യപ്രതിജ്ഞാ ചടങ്ങില്‍ സിദ്ധു പങ്കെടുത്തതിന് വിമര്‍ശനങ്ങള്‍ കേട്ടതായി അറിഞ്ഞു. എന്തിനാണ് അദ്ദേഹം വിമര്‍ശിക്കപ്പെട്ടതെന്ന് അറിയില്ല. അദ്ദേഹം സമാധാനത്തിനും സാഹോദര്യത്തിനും വേണ്ടിയാണ് നിലകൊണ്ടത്. പാക്കിസ്ഥാനിലെ പഞ്ചാബില്‍ അദ്ദേഹം മത്സരിക്കുകയാണെങ്കില്‍ അദ്ദേഹം വിജയിക്കും,’ ഇമ്രാന്‍ പറഞ്ഞു.

ഇന്ത്യയുമായി സംസ്​കാര സമ്പന്നമായ പരസ്​പര ബന്ധമാണ്​ ആഗ്രഹിക്കുന്നതെന്നും അദ്ദേഹം പറഞ്ഞു. ‘ഇന്ത്യയിലൂടെ യാത്ര ചെയ്യു​മ്പോൾ പാക്​ സൈന്യത്തിന്​ സമാധാനത്തിന്​ താൽപര്യമില്ലെന്ന്​ ജനങ്ങൾ പറയാറുണ്ട്​. പക്ഷേ പ്രധാനമന്ത്രിയായ ഞാൻ പറയുന്നു പാകിസ്​താനിലെ ഭരണകക്ഷിക്കും മറ്റ്​ പാർട്ടികൾക്കും സൈന്യത്തിനും ഇന്ത്യയുമായുള്ള ബന്ധം സംബന്ധിച്ച്​ ഒരു നിലപാടാണ്​ ഉള്ളത്​. ഇന്ത്യയുമായി സംസ്​കാര സമ്പന്നമായ പരസ്​പര ബന്ധമാണ്​ പാകിസ്​താൻ ആഗ്രഹിക്കുന്നതെന്ന്​ അദ്ദേഹം പറഞ്ഞു.

കഴിഞ്ഞ 70 വർഷമായി ഇന്ത്യയും പാകിസ്​താനും പരസ്​പരം കലഹിക്കുകയാണ്​. ഇന്ത്യ പാകിസ്​താനെതിരെ വിരൽ ചൂണ്ടു​േമ്പാൾ പാകിസ്​താൻ തിരിച്ചും അതുതന്നെ ആവർത്തിക്കുന്നു. പരസ്​പരം കുറ്റപ്പെടുത്തി എത്രനാൾ ഇങ്ങനെ മുന്നോട്ട്​ പോകാനാവുമെന്നും ഇംറാൻ ചോദിച്ചു. ക​ശ്​മീർ മാത്രമാണ്​ ഇരുരാജ്യങ്ങൾക്കുമിടയിലെ പ്രധാന പ്രശ്​നം. ചർച്ചയിലുടെ ഇത്​ പരിഹരിക്കണമെന്നും ഇംറാൻ ആവശ്യപ്പെട്ടു.

Web Title: Sidhu should come and contest election in pakistan punjab he will win pm imran khan

Next Story
റഷ്യന്‍ സുന്ദരി മതം മാറി മലേഷ്യന്‍ രാജാവിനെ വിവാഹം ചെയ്തു
The moderation of comments is automated and not cleared manually by malayalam.indianexpress.com