പ്രിയങ്കയുടെ രാഷ്ട്രീയ പ്രവേശനത്തെ സ്വാഗതം ചെയ്ത് ശിവസേന

തെരഞ്ഞെടുപ്പിൽ വോട്ടു​ചെയ്യാനെത്തു​മ്പോൾ ജനങ്ങളുടെ മനസിൽ പ്രിയങ്കക്ക് ഇന്ദിരയുടെ രൂപമായിരിക്കുമെന്നും ശിവ സേന വക്താവ്

priyanka Gandhi, പ്രിയങ്ക ഗാന്ധി, congress, കോൺഗ്രസ്, iemalayalam, ഐ ഇ മലയാളം

സജീവ രാഷ്ട്രിയത്തിലേക്കുള്ള പ്രിയങ്ക ഗാന്ധിയുടെ കടന്നുവരവിനെ സ്വാഗതം ചെയ്ത് ശിവസേനയും. മുത്തശ്ശി ഇന്ദിര ഗാന്ധിയുടെ ഗുണങ്ങളുള്ള വ്യക്തിയാണ് പ്രിയങ്കയെന്നും അവരുടെ നല്ല വ്യക്​തിത്വം കോൺഗ്രസിന്​ ഗുണം ചെയ്യുമെന്നും ശിവ സേന വക്​താവ്​ മനിഷ കയന്ദെ വാർത്ത ഏജൻസിയായ പിടിഐയോട് പറഞ്ഞു.

“മുൻ പ്രധാനമന്ത്രി ഇന്ദിരാഗാന്ധിയുടെ പ്രതിരൂപമായാണ്​ പ്രിയങ്കയെ ജനങ്ങൾ കാണുന്നത്​. പ്രിയങ്ക സ്വയം അവതരിപ്പിക്കുന്ന രീതിയും, വോട്ടർമാരുമായി ബന്ധമുണ്ടാക്കാനുള്ള അവരുടെ കഴിവും​, നല്ല വ്യക്​തിത്വവും കോൺഗ്രസിന് ഗുണം ചെയ്യും. വരുന്ന ലോക്​സഭാ തെരഞ്ഞെടുപ്പിൽ വോട്ടു​ചെയ്യാനെത്തു​മ്പോൾ ജനങ്ങളുടെ മനസിൽ പ്രിയങ്കക്ക് ഇന്ദിരയുടെ രൂപമായിരിക്കും,” മനിഷ കയന്ദെ പറഞ്ഞു.

ഭരണകക്ഷിയായ ബിജെപിയുടെ പ്രധാന സഖ്യകക്ഷികളിൽ ഒന്നാണ് ശിവസേന. എന്നാൽ 2014 ലോക്സഭ തിരഞ്ഞെടുപ്പിന് ശേഷം സഖ്യത്തിൽ വലിയ വിള്ളലാണ് വീണത്. മഹാരാഷ്ട്ര നിയമസഭ തിരഞ്ഞെടുപ്പിൽ ഒറ്റയ്ക്കാണ് ഇരു പാർട്ടികളും മത്സരിച്ചത്. ബിജെപി കൂടുതൽ സീറ്റുകൾ നേടിയെങ്കിലും സർക്കാർ രൂപികരിക്കാനുള്ള ഭൂരിപക്ഷം ഇല്ലാതെ വന്നതോടെ വീണ്ടും ശിവസേനയുമായി കൈകോർത്തു.

എങ്കിലും ദേശീയ തലത്തിൽ അസ്വാരസ്യങ്ങൾ നിലനിൽക്കുന്നതിനിടയിലാണ് പ്രിയങ്കയുടെ രാഷ്ട്രീയ പ്രവേശനത്തെ സ്വാഗതം ചെയ്തുകൊണ്ടുള്ള ശിവസേന വക്താവിന്റെ പ്രതികരണം. ബിജെപി നേതൃത്വത്തെ കൂടുതൽ സമ്മർദ്ദത്തിലാക്കുകയാണ് ഇതുവഴി ശിവസേന.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Shiv sena says people will see indira gandhi in priyanka gandhi

Next Story
സിബിഐ ഇടക്കാല ഡയറക്ടർ നിയമനം; വാദം കേൾക്കുന്നതിൽ നിന്ന് ജസ്റ്റിസ് എ കെ സിക്രിയും പിന്മാറിCBI,സിബിഐ, Justice AK Sikri, ജസ്റ്റിസ് എ കെ സിക്രി, iemalayalam, ഐ ഇ മലയാളം, today news, ഇന്നത്തെ വാർത്ത news india, latest news, breaking news, ബ്രേക്കിങ്ങ് ന്യൂസ്, india news live, india news today, national news, ദേശീയ വാർത്ത, national news today, national news headlines, പ്രധാന വാർത്തകൾ, latest national news, വാർത്തകൾ, national news india, വാർത്ത ന്യൂസ്, today national news, breaking news india, union government, central government, state government,
The moderation of comments is automated and not cleared manually by malayalam.indianexpress.com