മുൻ കേന്ദ്ര സർക്കാർ​ ഉദ്യോഗസ്ഥനായ ശക്തികാന്ത ദാസിനെ പുതിയ ആർ ബി ഐ ഗവർണറായി നിയമിച്ചു. ആർ ബി ഐ​ ഗവർണറായിരുന്ന ഊർജിത് പട്ടേൽ കാലാവധി തികയ്ക്കാതെ കഴിഞ്ഞ ദിവസം രാജിവച്ചിരുന്നു.

ഇക്കണോമിക് അഫയേഴ്സ് മുൻ സെക്രട്ടറിയായിരുന്നു ശക്തികാന്തദാസ്. 2015- മുതൽ 2017 വരെയാണ് ശക്തികാന്ത ദാസ് ധനകാര്യ സെക്രട്ടറിയായിരുന്നത്.

Read Also:ഊർജിത് പട്ടേൽ ആർബിഐ ഗവർണർ സ്ഥാനം രാജിവച്ചു

വ്യക്തിപരമായ കാരണങ്ങളാൽ എന്ന് കാണിച്ച് കഴിഞ്ഞ ദിവസം ആർ ബി ഐ​ ഗവർണർ സ്ഥാനത്ത് നിന്നും ഊർജിത് പട്ടേൽ രാജിവച്ചതിന് പിന്നാലൊണ് പുതിയ നിയമനം. മൂന്ന് വർഷത്തേക്കാണ് നിയമനം. കേന്ദ്രസർക്കാരും ആർ ബി ഐയും തമ്മിലുളള കടുത്ത വിയോജിപ്പുകളുടെ പശ്ചാത്തലത്തിലാണ് ഊർജിത് പട്ടേൽ രാജിവച്ചതെന്ന വാർത്തകൾ പുറത്തുവരുന്നതിനിടെയയാണ് പുതിയ നിയമനം.

ആർ ബി ഐയുടെ 25 മത് ഗവർണറായാണ് ശക്തികാന്ത ദാസ് ചുമതലയേൽക്കുന്നത്. കേന്ദ്രസർക്കാരും ഊർജിത് പട്ടേലും തമ്മിലുണ്ടായ അസ്വാരസ്യങ്ങളുടെ തുടർച്ച എങ്ങനെ പരിഹരിക്കും എന്നത് ശക്തികാന്ത ദാസിന്റെ മുന്നിലുളള പ്രധാന വെല്ലുവിളിയായിരിക്കും.

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ