ന്യൂ​ഡ​ൽ​ഹി: എതിര്‍ ശബ്ദങ്ങള്‍ കൂടുതല്‍ ഉച്ചത്തിലും വിദ്വേഷപരവും ആവുകയാണെന്ന് പ്രധാനമന്ത്രി നരേന്ദ്രമോദി. എതിര്‍പ്പുകള്‍ വളരെയധികം അക്രമാസക്തമാവുകയാണെന്നും അദ്ദേഹം കുറ്റപ്പെടുത്തി. ‘ഞങ്ങള്‍ തെറ്റ് ചെയ്തത് കൊണ്ടല്ല എതിര്‍പ്പ് ഉയരുന്നത്. പകരം ബിജെപി വളരുന്നു എന്ന കാരണമാണ് എതിരാളികളെ പ്രകോപിപ്പിക്കുന്നത്’, മോദി ആരോപിച്ചു. മുംബൈയിൽ ബി.ജെ.പി സ്ഥാപകദിന റാലി ഉദ്​ഘാടനം ചെയ്​തു സംസാരിക്കുകയായിരുന്നു അദ്ദേഹം.

ബി​ജെ​പി​ക്കെ​തി​രാ​യു​ള്ള പ്ര​തി​പ​ക്ഷ​പാ​ർ​ട്ടിക​ളു​ടെ ഐ​ക്യ​ത്തെ പാ​ർ​ട്ടി ദേ​ശീ​യ അ​ധ്യ​ക്ഷ​ൻ അ​മി​ത് ഷാ പരിഹസിച്ചു. ​പ്ര​തി​പ​ക്ഷ​ക​ക്ഷി​ക​ളെ മൃ​ഗ​ങ്ങ​ളോ​ട് ഉ​പ​മി​ച്ചാ​യി​രു​ന്നു ഷാ​യു​ടെ പ​രി​ഹാ​സം. ‘2019ലെ തിരഞ്ഞെടുപ്പിനെ നേരിടാന്‍ എ​ല്ലാ പ്ര​തി​പ​ക്ഷ പാ​ർ​ട്ടി​ക​ളും ഒ​ന്നി​ക്കാ​നു​ള്ള പ്ര​ച​ര​ണ പ​രി​പാ​ടി​ക​ൾ ആ​രം​ഭി​ച്ചി​രി​ക്കു​ക​യാ​ണ്. വ​ലി​യ വെ​ള്ള​പ്പൊ​ക്ക​ത്തി​ൽ ര​ക്ഷ​നേ​ടാ​നാ​യി കീ​രി​യും പാ​മ്പും ചെ​മ്പു​ലി​യും പ​ട്ടി​യും പൂ​ച്ച​യും വ​ലി​യ മ​ര​ത്തി​നു മു​ക​ളി​ൽ ക​യ​റു​ന്ന​തു​പോ​ലെ​യാ​ണ് പ്ര​തി​പ​ക്ഷ ക​ക്ഷി​ക​ൾ ഒ​ന്നാ​കാ​ൻ ശ്ര​മി​ക്കു​ന്ന​തെ​ന്ന് ഷാ ​പ​റ​ഞ്ഞു.

‘ഇ​ത് ബി​ജെ​പി​യു​ടെ സു​വ​ർ​ണ യു​ഗ​മ​ല്ല. ബം​ഗാ​ളി​ലും ഒ​ഡീ​ഷ​യി​ലും സ​ര്‍​ക്കാ​ര്‍ രൂ​പീ​ക​രി​ക്കു​ന്ന​തോ​ടെ​യാ​ണ് ബി​ജെ​പി​യു​ടെ സു​വ​ര്‍​ണ​യു​ഗം തു​ട​ങ്ങു​ക. വൈ​കാ​തെ ത​ന്നെ അ​തു​ണ്ടാ​വും. ലോക്​സഭാ ഉപതെരഞ്ഞെടുപ്പിൽ ഉത്തർപ്രദേശിൽ ബി.ജെ.പിക്കുണ്ടായ തോൽവിയെ കുറിച്ച്​ പറയു​മ്പോൾ, 11 സംസ്ഥാനങ്ങളിൽ കോൺഗ്രസിനെ പരാജയപ്പെടുത്തിയാണ്​ തങ്ങള്‍ മുന്നേറിയതെന്ന്​ രാഹുൽ ഗാന്ധി ഓർമ്മിക്കണം. ക​ഴി​ഞ്ഞ നാ​ലു വ​ര്‍​ഷ​മാ​യി കേ​ന്ദ്ര സ​ര്‍​ക്കാ​ര്‍ എ​ന്താ​ണ് ചെ​യ്ത​തെ​ന്ന് രാ​ഹു​ല്‍ ചോ​ദി​ക്കു​ന്നു. എ​ന്നാ​ല്‍ ക​ഴി​ഞ്ഞ നാ​ലു ത​ല​മു​റ​ക​ളാ​യി കോ​ണ്‍​ഗ്ര​സ് എ​ന്താ​ണ് ചെ​യ്ത​തെ​ന്ന് ജ​ന​ങ്ങ​ള്‍ ഇ​പ്പോ​ള്‍ തി​രി​ച്ചു​ചോ​ദി​ക്കു​ക​യാ​ണെ​ന്നും അ​മി​ത് ഷാ ​പ​റ​ഞ്ഞു.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook