ഇ​സ്‌​ലാ​മാ​ബാ​ദ്: പു​ൽ​വാ​മ​യി​ലു​ണ്ടാ​യ ഭീ​ക​രാ​ക്ര​മ​ണ​ത്തി​ന്‍റെ പ​ശ്ചാ​ത്ത​ല​ത്തി​ൽ ലോ​ക​രാ​ജ്യ​ങ്ങ​ൾ​ക്കി​ട​യി​ൽ ഒ​റ്റ​പ്പെ​ട്ട പാ​ക്കി​സ്ഥാ​ന് സൗ​ദി​യു​ടെ സഹായം. സൗദിയില്‍ തടവില്‍ കഴിയുന്ന 2,107 പാക്കിസ്ഥാന്‍ തടവുകാരെ മോചിപ്പിക്കാന്‍ സൗ​ദി കി​രീ​ട​വ​കാ​ശി മു​ഹ​മ്മ​ദ് ബി​ൻ സ​ൽ​മാ​ൻ ഉത്തരവിട്ടു. ബാക്കിയുളള പാക് തടവുകാരുടെ കേസുകള്‍ കൂടി പുനഃപരിശോധിക്കും. പാക് പ്രധാനമന്ത്രി ഇമ്രാന്‍ ഖാന്റെ അപേക്ഷയെ തുടര്‍ന്നാണ് സൗദിയുടെ നടപടി.

പാക്കിസ്ഥാന് സൗദി സാ​മ്പത്തിക സ​ഹാ​യവും പ്രഖ്യാപിച്ചിട്ടുണ്ട്. പാ​ക്കി​സ്ഥാ​നു​മാ​യി 20 ബി​ല്യ​ണ്‍ ഡോ​ള​റി​ന്‍റെ സാ​ന്പ​ത്തി​ക ക​രാ​റി​ൽ സൗ​ദി അ​റേ​ബ്യ ഒ​പ്പു​വ​ച്ചു. മു​ഹ​മ്മ​ദ് ബി​ൻ സ​ൽ​മാ​ൻ പാ​ക് പ്ര​ധാ​ന​മ​ന്ത്രി ഇ​മ്രാ​ൻ ഖാ​നു​മാ​യി ന​ട​ത്തി​യ കൂ​ടി​ക്കാ​ഴ്ച​യ്ക്കു ശേ​ഷ​മാ​ണ് ക​രാ​റി​ൽ ഒ​പ്പു​വ​ച്ച​ത്. ഭാ​വി​യി​ൽ പാ​ക്കി​സ്ഥാ​ൻ വ​ള​രെ പ്ര​ധാ​ന​പ്പെ​ട്ട രാ​ജ്യ​മാ​യി മാ​റു​മെ​ന്നും സ​ൽ​മാ​ൻ രാ​ജ​കു​മാ​ര​ൻ പ​റ​ഞ്ഞു.

ശ​നി, ഞാ​യ​ർ ദി​വ​സ​ങ്ങ​ളി​ലാ​യി രാ​ജ​കു​മാ​ര​ന്‍റെ ര​ണ്ടു ദി​വ​സ​ത്തെ സ​ന്ദ​ർ​ശ​ന​മാ​ണ് നേ​ര​ത്തെ പ​ദ്ധ​തി​യി​ട്ടി​രു​ന്ന​ത്. എ​ന്നാ​ൽ അ​പ്ര​തീ​ക്ഷി​ത​മാ​യി ഇ​ത് ഒ​രു ദി​വ​സ​ത്തേ​ക്കു ചു​രു​ക്ക​പ്പെ​ട്ടു. പു​ൽ​വാ​മ ഭീ​ക​രാ​ക്ര​മ​ണ​ത്തി​നു പി​ന്നാ​ലെ​യാ​ണ് സ​ന്ദ​ർ​ശ​നം ചു​രു​ക്കി അ​റി​യി​പ്പു​ണ്ടാ​യ​ത്.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook