ദമാസ്ക്കസ്: റഷ്യൻ വീമാനം സിറിയയിൽ തകർന്ന് വീണു. സാങ്കേതിക തകരാർ മൂലമാണ് വീമാനം തകർന്നതെന്നാണ് റിപ്പോർട്ട്. വീമാനത്തിൽ ഉണ്ടായയിരുന്ന 26 യാത്രക്കാരും 6 വൈമാനികരുമാണ് അപകടത്തിൽ കൊല്ലപ്പെട്ടത്.

സിറിയയിൽ വിമാനത്തെ വെടിവച്ചിട്ടതല്ലെന്നു റഷ്യ പറഞ്ഞു. അപകടത്തെപ്പറ്റി അന്വേഷണം ആരംഭിച്ചു. അതേസമയം, തകർന്നതു സൈനിക വിമാനമാണെന്നും റിപ്പോർട്ടുണ്ട്. സിറിയയിലെ ലത്താക്കിയ പ്രവിശ്യയിലെ വ്യോമത്താവളത്തിനു സമീപമാണു വിമാനം തകർന്നത്.

കഴിഞ്ഞമാസം മോസ്കോയ്ക്കു സമീപം റഷ്യൻ യാത്രാവിമാനം തകർന്നുവീണ് 71 പേർ കൊല്ലപ്പെട്ടിരുന്നു. 74 ഏക്കറോളം വരുന്ന വനപ്രദേശത്താണു സറാറ്റോവ് എയർലൈന്‍സിന്റെ അന്റോനോവ് എഎൻ–148 വിമാനം തകർന്നുവീണത്

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook