scorecardresearch

സാമൂഹ്യ മാധ്യമങ്ങൾ നിരോധിക്കാനുള്ള സാധ്യത പരിശോധിക്കണമെന്ന് ആർഎസ്എസ് സൈദ്ധാന്തികൻ

സമൂഹമാധ്യമങ്ങൾ “അരാജകത്വം” ആണെന്നും “ക്രമമുള്ള സമൂഹത്തിന്റെ” പാതയിൽ തടസ്സമാണെന്നും ഗുരുമൂർത്തി പറഞ്ഞു

S Gurumurthy, Social media, Social media ban, Indian Express, NCERT, Facebook, Supreme Court, സാമൂഹ്യ മാധ്യമങ്ങൾ, ആർഎസ്എസ് സൈദ്ധാന്തികൻ, ആർഎസ്എസ്, IE Malayalam

സാമൂഹ്യ മാധ്യമങ്ങൾ “അരാജകത്വം” ആണെന്നും അത് അത് നിരോധിക്കാനുള്ള സാധ്യത പരിശോധിക്കണമെന്നും ആർഎസ്എസ് സൈദ്ധാന്തികൻ എസ് ഗുരുമൂർത്തി. ദേശീയ മാധ്യമ ദിനത്തോടനുബന്ധിച്ച് നടന്ന ചടങ്ങിൽ സംസാരിക്കുകയായിരുന്നു ഗുരുമൂർത്തി.

പ്രസ് കൗൺസിൽ ഓഫ് ഇന്ത്യ സംഘടിപ്പിച്ച പരിപാടിയിൽ മുഖ്യപ്രഭാഷണം നടത്തിയ ഗുരുമൂർത്തി, സമൂഹമാധ്യമങ്ങൾ “ക്രമമുള്ള സമൂഹത്തിന്റെ” പാതയിൽ തടസ്സമാണെന്ന് പറഞ്ഞു. കോൺസ്റ്റിറ്റ്യൂഷൻ ക്ലബ് ഓഫ് ഇന്ത്യയിൽ നടന്ന പരിപാടിയിൽ പങ്കെടുത്ത കൗൺസിലിലെ ചില മുതിർന്ന അംഗങ്ങൾ അദ്ദേഹത്തിന്റെ നിർദ്ദേശങ്ങളെ എതിർത്തു.

ചൈന സോഷ്യൽ മീഡിയയെ “നശിപ്പിച്ചു” എന്നും ഇന്ത്യൻ സുപ്രീം കോടതി പോലും അതിന്റെ പങ്കിനെക്കുറിച്ച് ആശങ്ക പ്രകടിപ്പിച്ചെന്നും ഗുരുമൂർത്തി പറഞ്ഞു. “ഞങ്ങൾക്ക് അവരെ (സോഷ്യൽ മാധ്യനങ്ങളെ) നിരോധിക്കേണ്ടി വന്നേക്കാം. ഫേസ്‌ബുക്കില്ലാതെ നമ്മൾ നിലനിന്നില്ലേ?” ഗുരുമൂർത്തി പറഞ്ഞു. മ്യാൻമർ, ശ്രീലങ്ക തുടങ്ങിയ രാജ്യങ്ങളിൽ അശാന്തി വളർത്തുന്നതിൽ സോഷ്യൽ മീഡിയക്ക് പങ്ക് ഉണ്ടായിരുന്നെന്നും തമിഴ് രാഷ്ട്രീയ വാരികയായ തുഗ്ലക്കിന്റെ എഡിറ്ററായ ഗുരുമൂർത്തി പറഞ്ഞു.

Also Read: കോവാക്സിന് അംഗീകാരം ഇല്ലാതിരുന്നതിനാൽ ജോലി നഷ്ടപ്പെട്ടതിൽ സർക്കാരിന് ഉത്തരവാദിത്തമില്ലേ; കേന്ദ്രത്തോട് ഹൈക്കോടതി

പിന്നീട്, ഒരു ചോദ്യത്തിന് മറുപടിയായി, “നിരോധനം” എന്നത് കഠിനമായി തോന്നുമെങ്കിലും, “അരാജകത്വം നിരോധിക്കണം” എന്ന് വിശ്വസിക്കുന്നു എന്നും ആർഎസ്എസ് സൈദ്ധാന്തികൻ പറഞ്ഞു. ‘മാധ്യമങ്ങളെ ആർക്കാണ് ഭയമില്ലാത്തത്’ എന്ന വിഷയത്തിൽ സംസാരിച്ച ഗുരുമൂർത്തി, സാമൂഹ്യ മാധ്യമങ്ങളുടെ പങ്കിനെക്കുറിച്ച് സമഗ്രമായ ഡോക്യുമെന്റേഷൻ നടത്തണമെന്ന് പ്രെസ് കൗൺസിലിനോട് ആവശ്യപ്പെട്ടു.

“നിങ്ങൾക്ക് അരാജകത്വത്തെപ്പോലും വാഴ്ത്താൻ കഴിയും… വിപ്ലവങ്ങളിലും കൂട്ടക്കൊലകളിലും ചില നല്ല കാര്യങ്ങളുണ്ടാവും. എന്നാൽ ത്യാഗങ്ങളിൽ പടുത്തുയർത്തപ്പെട്ട ഒരു ചിട്ടയുള്ള സമൂഹത്തെ നിങ്ങൾ സൃഷ്ടിക്കുന്നത് അങ്ങനെയല്ല, ”സോഷ്യൽ മീഡിയയുടെ പോസിറ്റീവ് വശങ്ങളെക്കുറിച്ച് പറഞ്ഞുകൊണ്ട് ഒരാൾ നടത്തിയ ഇടപെടലിനോട് പ്രതികരിച്ചുകൊണ്ട് ഗുരുമൂർത്തി പറഞ്ഞു.

ഗുരുമൂർത്തിയുടെ പ്രസംഗത്തോട് പ്രസ് കൗൺസിൽ അംഗങ്ങളിൽ പലരും വിയോജിപ്പ് പ്രകടിപ്പിച്ചു.

“ഓരോ കാലഘട്ടവും അതിന്റേതായ ഫോർമാറ്റ് സൃഷ്ടിക്കുന്നു. ഇതിന് (സോഷ്യൽ മീഡിയ) നിരവധി പോസിറ്റീവ് വശങ്ങളുണ്ട്, സോഷ്യൽ മീഡിയ പല തരത്തിൽ ഒരു പടി മുകളിലാണ്… അത് അംഗീകരിക്കപ്പെടേണ്ടതുണ്ടെന്ന് ഞാൻ കരുതുന്നു, അത് ഒഴിവാക്കാൻ കഴിയില്ല,” കൗൺസിൽ അംഗമായ ഗുർബീർ സിങ്ങ് പറഞ്ഞു.

Also Read: സ്വവര്‍ഗാനുരാഗിയായ ആദ്യ ഹൈക്കോടതി ജഡ്ജിയാകുമോ സൗരഭ് കിര്‍പാല്‍?

കൗൺസിൽ അംഗമായ ജയശങ്കർ ഗുപ്തയും ഗുരുമൂർത്തിയെ ചോദ്യം ചെയ്തു. ത്രിപുരയിലെ മാധ്യമപ്രവർത്തകരുടെ അറസ്റ്റ്, സർക്കാർ ഏജൻസികൾ പെഗാസസ് സ്‌പൈവെയർ ഉപയോഗിച്ചെന്ന ആരോപണം, റഫാൽ വാങ്ങൽ പ്രശ്‌നം തുടങ്ങിയ വിഷയങ്ങളിൽ ഗുരുമൂർത്തിയുടെ മൗനത്തെ ശുക്ല ചോദ്യം ചെയ്തു. “സാമൂഹിക മാധ്യമങ്ങൾ നിരോധിച്ചാൽ മാധ്യമസ്വാതന്ത്ര്യത്തിന് എന്ത് സംഭവിക്കും?” എന്നും അദ്ദേഹം ചോദിച്ചു.

അധികാര ദുർവിനിയോഗം ജുഡീഷ്യറി നിയന്ത്രിക്കുന്നുണ്ടോ എന്നതാണ് ആത്യന്തികമായി പ്രധാനമെന്ന് ഗുരുമൂർത്തി പ്രതികരിച്ചു. “സുപ്രീം കോടതി പെഗാസസിനെ കൈകാര്യം ചെയ്യുന്നു, എന്താണ് നിങ്ങളുടെ പ്രശ്നം? ബോഫോഴ്‌സിന്റെ കാര്യത്തിൽ, സിസ്റ്റം മുഴുവൻ തടയാൻ ശ്രമിക്കുകയായിരുന്നു, ”ഗുരുമൂർത്തി പറഞ്ഞു.

ട്രാൻസ്‌ജെൻഡർ കുട്ടികളെ സ്‌കൂളിൽ ഉൾപ്പെടുത്തുന്നത് സംബന്ധിച്ച എൻസിഇആർടിയുടെ മാനുവൽ “കുട്ടികളുടെ മനസ്സിൽ അരാജകത്വം സൃഷ്ടിക്കും” എന്നും ഗുരുമൂർത്തി പറഞ്ഞു.

Stay updated with the latest news headlines and all the latest News news download Indian Express Malayalam App.

Web Title: Rss ideologue gurumurthy says social media need to ban