അഭയാര്‍ത്ഥികളായ റോഹിങ്ക്യന്‍ മുസ്ലീങ്ങളെ തിരിച്ചയക്കുമെന്ന് കേന്ദ്രം

കേന്ദ്ര സർക്കാർ നിലപാട് സുപ്രീംകോടതിയെ അറിയിക്കും

ദില്ലി: അഭയാര്‍ത്ഥികളായ റോഹിങ്ക്യന്‍ മുസ്ളീങ്ങളെ തിരിച്ചയക്കുമെന്ന് കേന്ദ്ര സർക്കാർ ഇന്ന് സുപ്രീംകോടതിയെ അറിയിക്കും. ആവശ്യമായ രേഖകളില്ലാതെ റോഹിങ്ക്യൻ മുസ്ലീമുകൾ ഉൾപ്പെടെ 2 കോടിയിലധികംപേർ അനധികൃത കുടിയേറ്റക്കാർ ഇന്ത്യയിൽ ഉണ്ടെന്നും കേന്ദ്രസർക്കാർ കോടതിയെ അറിയിക്കും. 40,000 ത്തോളം റോഹിങ്ക്യ മുസ്ളീം വിഭാഗക്കാര്‍ കുടിയേറിയിട്ടുണ്ടെന്നാണ് കേന്ദ്ര സര്‍ക്കാരിന്‍റെ കണക്ക്.

ജമ്മുകശ്മീര്‍, ഹൈദരാബാദ്, ഹരിയാന, ഉത്തര്‍പ്രദേശ്, ദില്ലി, രാജസ്ഥാൻ എന്നിവടങ്ങളിയാണ് കുടിയേറിയ റോഹിങ്ക്യൻ മുസ്ലിങ്ങൾ താമസിക്കുന്നതെന്നും കേന്ദ്രസർക്കാർ പറയുന്നു. ബംഗ്ലാദേശിൽ നിന്നാണ് ഏറ്റവും അധികംപേർ ഇന്ത്യയിലേക്ക് എത്തിയിരിക്കുന്നത്. ഇതിനിടെ സംരക്ഷണമാവശ്യപ്പെട്ട് റോഹിങ്ക്യ മുസ്ളീം പ്രതിനിധി മുഹമ്മദ് സലീമുള്ള സമര്‍പ്പിച്ച ഹര്‍ജി സുപ്രീംകോടതി ഉടൻ പരിഗണിക്കും.

അഭയാര്‍ത്ഥികൾക്കുള്ള ഐക്യരാഷ്ട്രസഭ കമ്മീഷനിൽ രജിസ്റ്റര്‍ ചെയ്തവര്‍ക്ക് സംവരണം വേണം എന്നതാണ് മുഹമ്മദ് സലീമുള്ളയുടെ ഹര്‍ജി ആവശ്യപ്പെടുന്നത്. ഐക്യരാഷ്ട്രസഭയുടേതടക്കമുള്ള രേഖകൾ ഉള്ളവര്‍ക്ക് സംരക്ഷണം നൽകുമെന്ന് സര്‍ക്കാര്‍ വ്യക്തമാക്കിയിട്ടുണ്ട്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Rohingyan muslims should be deported says central government

Next Story
ഗൗരി ലങ്കേഷിന്റെ കൊലയാളികൾക്കായി അന്വേഷണ സംഘം ഇരുട്ടിൽ തപ്പുന്നു
The moderation of comments is automated and not cleared manually by malayalam.indianexpress.com