ശ്രീ​ന​ഗ​ർ: റൈ​സിങ് കശ്‌മീർ എ​ഡി​റ്റ​ർ ഷു​ജാ​അത്ത് ബു​ഖാ​രി​യു​ടെ കൊ​ല​പാ​ത​ക​ത്തി​ൽ പ​ങ്കു​ണ്ടെ​ന്നു സം​ശ​യി​ക്കു​ന്ന നാ​ലാ​മ​ത്തെയാളുടെ ചി​ത്രം പൊ​ലീ​സ് പു​റ​ത്തു​വി​ട്ടു. നീണ്ട താടിയുളള വെളുത്ത വസ്ത്രമണിഞ്ഞ പുരുഷന്റെ ചിത്രമാണ് പുറത്തുവിട്ടത്. പ്രതികളെ പിടികൂടാൻ പൊതുജനത്തിന്റെ സഹായമഭ്യർത്ഥിച്ചാണ് പൊലീസിന്റെ നീക്കം.

ഷു​ജാഅത്ത് ബു​ഖാ​രിക്കും ഇദ്ദേഹത്തോടൊപ്പം ഉണ്ടായിരുന്ന സുരക്ഷ ഉദ്യോഗസ്ഥർക്കും വെടിയേറ്റ ശേഷം വാഹനത്തിന് സമീപത്തെത്തി മൃതദേഹം പരിശോധിക്കുന്നയാളുടെ ചിത്രമാണ് പൊലീസ് പുറത്തുവിട്ടത്.  വാ​ഹ​ന​ത്തി​ൽ​നി​ന്ന് ഒ​രു മൃ​ത​ദേ​ഹം പു​റ​ത്തെ​ടു​ക്കു​ന്ന സ​മ​യം, ചി​ത്ര​ത്തി​ലു​ള്ള​യാ​ൾ ഒ​രു പി​സ്റ്റ​ൾ വ​ലി​ച്ചെ​ടു​ത്ത​ശേ​ഷം ര​ക്ഷ​പ്പെ​ടു​ക​യാ​യി​രു​ന്നെ​ന്നാണ് പൊലീസ് വ്യക്തമാക്കിയത്. ഇക്കാര്യം പിടിഐയാണ് റിപ്പോർട്ട് ചെയ്‌തത്.

വെ​ളു​ത്ത വ​സ്ത്ര​മ​ണി​ഞ്ഞ, താ​ടി​യു​ള്ള പു​രു​ഷ​ന്‍റെ ചി​ത്ര​മാ​ണ് പൊ​ലീ​സ് പു​റ​ത്തു​വി​ട്ട​ത്. ബു​ഖാ​രി വെ​ടി​യേ​റ്റു കൊ​ല്ല​പ്പെ​ട്ട​തി​നു പി​ന്നാ​ലെ ഇ​യാ​ൾ വാ​ഹ​ന​ത്തി​നു സ​മീ​പ​മെ​ത്തി മൃ​ത​ദേ​ഹ​ങ്ങ​ൾ പ​രി​ശോ​ധി​ക്കു​ന്ന ദൃ​ശ്യ​ങ്ങ​ളാ​ണ് പൊ​ലീ​സി​നു ല​ഭി​ച്ചി​ട്ടു​ള്ള​ത്.  ഇ​യാ​ൾ പ്ര​ദേ​ശ​വാ​സി​യാ​ണെ​ന്നാ​ണു പൊ​ലീ​സ് ക​രു​തു​ന്ന​ത്.

ഇന്നലെ രാ​ത്രി 7.15 ന് ​ശ്രീ​ന​ഗ​റി​ൽ പ്ര​സ് കോ​ള​നി​യി​ലെ റൈസിങ് കശ്‌മീർ ദിനപത്രത്തിന്റെ ഓ​ഫീ​സി​ൽ ​നി​ന്നു പു​റ​ത്തി​റ​ങ്ങി​യ ബുഖാരി തന്റെ കാറിൽ കയറുമ്പോഴാണ് ആക്രമണം നടന്നത്. ഇ​ഫ്താ​ർ സ​ത്കാ​ര​ത്തി​നാ​യി പുറത്തുപോ​കാ​നാ​ണു ബു​ഖാ​രി ഓ​ഫീ​സി​ൽ​നി​ന്ന് ഇ​റ​ങ്ങി​യ​ത്.

കാ​റി​ലേ​ക്കു ക​യ​റാ​ൻ ശ്രമിക്കവേ ബൈ​ക്കി​ലെ​ത്തി​യ മൂന്നംഗ സംഘമാണ് ഇദ്ദേഹത്തിനും ഒപ്പമുണ്ടായിരുന്ന സുരക്ഷാ ജീവനക്കാർക്കും നേരെ വെടിയുതിർത്തത്.  സം​ഭ​വ​സ്ഥ​ല​ത്തു ത​ന്നെ ഷുജാഅത്ത് ബുഖാരി മ​രി​ച്ചു​വീ​ണു.

കൊലയാളികളുടേതെന്ന് കരുതുന്ന ചിത്രങ്ങൾ ജമ്മു കശ്‌മീർ പൊലീസ് ആക്രമണത്തിന് തൊട്ടുപിന്നാലെ പുറത്തുവിട്ടിരുന്നു. ബൈക്കിൽ സഞ്ചരിച്ച ഇവരിൽ ഒരാൾ ഹെൽമെറ്റ് ധരിച്ചിരുന്നു. മറ്റ് രണ്ട് പേർ മുഖം കറുത്ത തൂവാല കൊണ്ട് മറച്ചിരുന്നു.

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ