Latest News

ഹ്രസ്വകാല ലോക്ക്ഡൗണുകളെ കുറിച്ച് പുനർവിചിന്തനം നടത്തൂ; മുഖ്യമന്ത്രിമാരോട് പ്രധാനമന്ത്രി

കൊറോണ വൈറസ് വ്യാപനം തടയുന്നതിനുള്ള തന്ത്രങ്ങൾ ശക്തിപ്പെടുത്തേണ്ടതിന്റെ ആവശ്യകതയെക്കുറിച്ച് പ്രധാനമന്ത്രി ആവർത്തിച്ചു

India coronavirus vaccine, India vaccine, PM modi vaccine, Pm Modi covid vaccine, Modi vaccine, India covid-19 vaccine, india news, malayalam news, news malayalam, ie malayalam

ന്യൂഡൽഹി: കോവിഡ് -19 പ്രതിസന്ധി ഏറ്റവും കൂടുതൽ ബാധിച്ച ഏഴ് സംസ്ഥാനങ്ങളിലെ മുഖ്യമന്ത്രിമാരുമായി പ്രധാനമന്ത്രി നരേന്ദ്ര മോദി ആശയവിനിമയം നടത്തി. നിരവധി സംസ്ഥാനങ്ങൾ നിർബന്ധിതമായി ഏർപ്പെടുത്തിയ 1-2 ദിവസത്തെ ലോക്ക്ഡൗണുകളെക്കുറിച്ചും അത് സാമ്പത്തിക പ്രവർത്തനങ്ങളെ പ്രതികൂലമായി ബാധിക്കുന്നതിനെക്കുറിച്ചും ഒരു നിർണ്ണായക വിലയിരുത്തൽ നടത്താൻ അദ്ദേഹം സംസ്ഥാനങ്ങളോട് ആവശ്യപ്പെട്ടു.

കൊറോണ വൈറസ് വ്യാപനം തടയുന്നതിനുള്ള തന്ത്രങ്ങൾ ശക്തിപ്പെടുത്തേണ്ടതിന്റെ ആവശ്യകതയെക്കുറിച്ച് പ്രധാനമന്ത്രി ആവർത്തിച്ചു.

“ലോക്ക്ഡൗൺ നിരവധി ഗുണങ്ങൾ നൽകി. ആഗോളതലത്തിലും ഇത് പ്രശംസനീയമാണ്. എന്നിരുന്നാലും, ഇപ്പോൾ നമ്മൾ ചെറിയ കണ്ടെൻമെന്റ് സോണുകളിൽ ശ്രദ്ധ കേന്ദ്രീകരിക്കേണ്ടതുണ്ട്. അവിടെ വ്യാപനം നടക്കുന്നുവെന്ന് തിരിച്ചറിയുകയും അതിനെ തടയുകയും ചെയ്യുന്നു എന്ന് ഉറപ്പ് വരുത്തുക. 1-2 ദിവസത്തേക്ക് ഏർപ്പെടുന്ന നിർബന്ധിത ലോക്ക്ഡൗൺ എത്രത്തോളം ഫലപ്രദമാണെന്ന് സംസ്ഥാനങ്ങൾ വിലയിരുത്തേണ്ടതുണ്ട്. ഇക്കാരണത്താൽ, സാമ്പത്തിക പ്രവർത്തനം പ്രശ്നങ്ങൾ നേരിടരുത്. ഈ വിഷയം വളരെ ഗൗരവമായി കാണണമെന്നാണ് സംസ്ഥാനങ്ങളോടുള്ള എന്റെ നിർദ്ദേശം. ഫലപ്രദമായ പരിശോധന, ചികിത്സ, നിരീക്ഷണം, വ്യക്തമായ സന്ദേശങ്ങൾ കൈമാറൽ എന്നിവയിൽ ശ്രദ്ധ കേന്ദ്രീകരിക്കേണ്ടതുണ്ട്,” പ്രധാനമന്ത്രി പറഞ്ഞു.

Read More: മോദിയുടെ യാത്രകൾ: അഞ്ച് വർഷത്തിനിടെ 58 രാജ്യങ്ങൾ, ചെലവ് 517 കോടി

പ്രധാനമന്ത്രിയുടെ വീഡിയോ കോൺഫറൻസിൽ മഹാരാഷ്ട്ര, ആന്ധ്രാപ്രദേശ്, കർണാടക, ഉത്തർപ്രദേശ്, തമിഴ്‌നാട്, ഡൽഹി, പഞ്ചാബ് എന്നീ ഏഴ് സംസ്ഥാനങ്ങളിലെ മുഖ്യമന്ത്രിമാർ പങ്കെടുത്തു. രാജ്യത്തെ സജീവമായ കോവിഡ് -19 കേസുകളിൽ 63 ശതമാനവും ഈ സംസ്ഥാനങ്ങളിലാണ്. ഇത് മൊത്തം സ്ഥിരീകരിച്ച കേസുകളുടെ 65.5 ശതമാനവും മരണ സംഖ്യയുടെ 77 ശതമാനവുമാണ്.

സമീപ ആഴ്ചകളിൽ രോഗികൾക്ക് ഓക്സിജൻ നൽകുന്നതിൽ കാണുന്ന പ്രശ്നങ്ങളും മോദി സംസ്ഥാനങ്ങളുമായി പങ്കുവച്ചു.

“പുറത്തുവന്ന മറ്റൊരു കാര്യം, ഒരു സംസ്ഥാനത്ത് നിന്ന് മറ്റൊന്നിലേക്ക് സേവനങ്ങളുടെയും ചരക്കുകളുടെയും മുന്നേറ്റം തടസ്സപ്പെടുന്നത് സാധാരണ പൗരന്മാർക്ക് അനാവശ്യ പ്രശ്നങ്ങൾ സൃഷ്ടിക്കുന്നു; ഇത് ജീവിതത്തെയും ഉപജീവനത്തെയും ബാധിക്കുന്നു. പല സംസ്ഥാനങ്ങളിലും ഓക്സിജൻ വിതരണം ചെയ്യുന്നതിൽ പ്രശ്നങ്ങളുണ്ട്. ജീവൻ രക്ഷിക്കുന്ന ഓക്സിജന്റെ തടസ്സമില്ലാതെ വിതരണം ഉറപ്പുവരുത്തുന്നതിന് ആവശ്യമായ എല്ലാ നടപടികളും സ്വീകരിക്കേണ്ടതുണ്ട്, ”അദ്ദേഹം പറഞ്ഞു.

ജില്ലാ-ബ്ലോക്ക് തല ഉദ്യോഗസ്ഥരുമായി ദിവസേന വെർച്വൽ മീറ്റിംഗുകൾ നടത്താൻ പ്രധാനമന്ത്രി മുഖ്യമന്ത്രിമാരോട് ആവശ്യപ്പെട്ടു.

“നമുക്ക് 700ലധികം ജില്ലകളുണ്ട്. എന്നാൽ ആശങ്കപ്പെടുത്തുന്ന സ്ഥിതിവിവരക്കണക്കുകൾ വെറും 60 ജില്ലകളിൽ നിന്നുള്ളതും ഏഴ് സംസ്ഥാനങ്ങളിൽ മാത്രം ഒതുങ്ങുന്നതുമാണ്. മുഖ്യമന്ത്രിമാർ എല്ലാ ദിവസവും ഒരു മണിക്കൂറോളം നിങ്ങൾ ജില്ലയിലെ ബ്ലോക്ക്-ജില്ലാ തല ഉദ്യോഗസ്ഥരുമായി ബന്ധപ്പെടണം. ഇത് അടിത്തട്ടിലുള്ളവരിലേക്ക് സന്ദേശങ്ങൾ കൃത്യമായി എത്തുന്നുണ്ടോ എന്നറിയാൻ സഹായകമാകും,” അദ്ദേഹം പറഞ്ഞു.

Read More in English: Rethink short lockdowns, tracing is key: PM Modi to states

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Rethink short lockdowns tracing is key pm modi to states

Next Story
കാർഷിക ബില്ലുകൾക്കെതിരെ കോൺഗ്രസിന്റെ രാജ്യവ്യാപക പ്രക്ഷോഭം ഇന്ന് ആരംഭിക്കുന്നുfarmers protest
The moderation of comments is automated and not cleared manually by malayalam.indianexpress.com
Best of Express
X