'ദലിത്' എന്ന പദം ഉപയോഗിക്കരുത്, പട്ടികജാതിക്കാരെന്ന് വിളിച്ചാല്‍ മതി; മാധ്യമങ്ങളോട് കേന്ദ്രം

ന്യൂ​ഡ​ൽ​ഹി: 'ദലി​ത്' എന്ന വാക്ക് ഉപയോഗിച്ച് പട്ടികജാതിക്കാരെ വിശേഷിപ്പിക്കരുതെന്ന് കേ​ന്ദ്ര സ​ർ​ക്കാ​ർ. ഇ​തു സം​ബ​ന്ധി​ച്ചു വിവര- വാർത്താവിനിമയ സാങ്കേതിക മ​ന്ത്രാ​ല​യം രാ​ജ്യ​ത്തെ ടി​വി ചാ​ന​ലു​ക​ൾ​ക്കു നി​ർ​ദേ​ശം ന​ൽ​കി. ഭരണഘടനാപരമായി ഉപയോഗിക്കുന്ന 'പട്ടികജാതിക്കാര്‍' എന്ന് മാത്രമേ വിളിക്കാവൂ എന്നാണ് ഉത്തരവ്. എന്നാല്‍ ദലിത് എന്ന വാക്കിന് രാഷ്ട്രീയ മാനമുണ്ടെന്നും സ്വത്വത്തെ സംബന്ധിച്ച വാക്കാണിതെന്നും വാർത്താവിനിമയ മന്ത്രാലയത്തിന്റെ ഉത്തരവിനെ എതിര്‍ത്ത് ദലിത് അവകാശ സംരക്ഷണ സമിതികള്‍ വ്യക്തമാക്കി.

മാര്‍ച്ച് മാസം സാമൂഹ്യ നീതി വകുപ്പ് സമാനമായ ഉത്തരവ് എല്ലാ സംസ്ഥാന സര്‍ക്കാരുകള്‍ക്കും നല്‍കിയിരുന്നു. എല്ലാ ഔദ്യോഗിക രേഖകളിലും 'പട്ടികജാതിക്കാര്‍' എന്ന് മാത്രം ഉപയോഗിക്കണമെന്നും ദലിത് എന്നത് ഭരണഘടനാപരമായി അംഗീകരിപ്പക്കെട്ട വാക്കല്ല എന്നുമാണ് കേന്ദ്രം അറിയിച്ചത്. ജൂണ്‍ മാസം ബോംബെ ഹൈക്കോടതി നടത്തിയ ഉത്തരവിനെ പരാമര്‍ശിച്ചാണ് വാര്‍ത്താവിനിമയ മന്ത്രാലയം ഓ​ഗ​സ്റ്റ് ഏ​ഴി​നു സ്വ​കാ​ര്യ ടെ​ലി​വി​ഷ​ൻ ചാ​ന​ലു​ക​ൾ​ക്ക് കത്ത് അയച്ചത്.

ര​ണ്ടു കോ​ട​തി വി​ധി​ക​ളെ അ​ടി​സ്ഥാ​ന​മാ​ക്കി​യാ​ണു കേ​ന്ദ്ര​ത്തി​ന്‍റെ ഉ​ത്ത​ര​വെ​ങ്കി​ലും നി​രോ​ധ​നം വി​വാ​ദ​മാ​യി​ട്ടു​ണ്ട്. ഒ​രു വാ​ക്കു നി​രോ​ധി​ച്ച​തു​കൊ​ണ്ടു ദ​ലിത് സ​മൂ​ഹ​ത്തി​ന്‍റെ നി​ല മെ​ച്ച​പ്പെ​ടു​ന്നി​ല്ലെ​ന്നു രാ​ഷ്ട്രീ​യ നേ​താ​ക്ക​ളും സാ​മൂ​ഹ്യ​പ്ര​വ​ർ​ത്ത​ക​രും പ​റ​യു​ന്നു. പ​ട്ടി​ക​ജാ​തി​ക്കാ​ർ നേ​രി​ടു​ന്ന അ​ടി​ച്ച​മ​ർ​ത്ത​ലി​നെ​ക്കു​റി​ച്ചു​ള്ള റി​പ്പോ​ർ​ട്ടിങ്ങിനെ നി​രോ​ധ​നം പ്ര​തി​കൂ​ല​മാ​യി ബാ​ധി​ക്കു​മെ​ന്ന ആ​ശ​ങ്ക​യും ഉ​യ​രു​ന്നു​ണ്ട്. മാ​ധ്യ​മ​ങ്ങ​ൾ ഒ​രു പ​ദം ഉ​പ​യോ​ഗി​ക്കാ​തി​രു​ന്നാ​ൽ ദലിതു​ക​ൾ നേ​രി​ടു​ന്ന അ​ടി​ച്ച​മ​ർ​ത്ത​ലു​ക​ൾ ഇ​ല്ലാ​താ​കു​ന്നി​ല്ല. മാ​ധ്യ​മ​ങ്ങ​ൾ തീ​ർ​ച്ച​യാ​യും ഈ ​വാ​ക്ക് ഉ​പ​യോ​ഗി​ക്കു​ന്ന​തു തു​ട​ര​ണം- എം​എ​ൽ​എ​യാ​യ ഉ​ദി​ത് രാ​ജ് പ​റ​ഞ്ഞു.ഭ​ര​ണ​ഘ​ട​ന​യി​ൽ പ​റ​ഞ്ഞി​ട്ടി​ല്ലാ​ത്ത​തി​നാ​ൽ സ​ർ​ക്കാ​ർ ദ​ലിത് വാ​ക്ക് ഉ​പ​യോ​ഗി​ക്ക​രു​തെ​ന്ന് ജ​നു​വ​രി​യി​ൽ മ​ധ്യ​പ്ര​ദേ​ശ് ഹൈ​ക്കോ​ട​തിയും ഉ​ത്ത​ര​വി​ട്ടി​രു​ന്നു.