നടുറോഡിനു സമീപം മൂത്രമൊഴിച്ചു, ആരോഗ്യമന്ത്രി ക്യാമറക്കണ്ണുകളിൽ കുടുങ്ങി

ചിത്രം വൈറലായതോടെ ഇതൊരു വലിയ കാര്യമല്ലെന്നായിരുന്നു മന്ത്രിയുടെ വിശദീകരണം

ജയ്‌പൂർ: പൊതുസ്ഥലത്ത് മൂത്രമൊഴിക്കുന്ന ആരോഗ്യ മന്ത്രിയുടെ ചിത്രം വൈറലാവുന്നു. രാജസ്ഥാൻ ആരോഗ്യ മന്ത്രി കാളിചരൺ സറഫ് ആണ് നടുറോഡിനു സമീപത്തെ ചുവരിൽ മൂത്രമൊഴിച്ചത്. മന്ത്രി മൂത്രമൊഴിക്കുന്നതിന്റെ ചിത്രം ആരോ പകർത്തി സോഷ്യൽ മീഡിയയിൽ പോസ്റ്റ് ചെയ്യുകയായിരുന്നു. ചിത്രം വൈറലായതോടെ ഇതൊരു വലിയ കാര്യമല്ലെന്നായിരുന്നു മന്ത്രിയുടെ വിശദീകരണം.

ഇന്ത്യയുടെ പിങ്ക് സിറ്റിയായ ജയ്‌പൂരിനെ സ്വച്ഛ് ഭാരത് അഭിയാൻ പദ്ധതിയിലൂടെ പരിസര ശുചീകരണത്തിൽ ഒന്നാമത് എത്തിക്കാനുളള ശ്രമത്തിലാണ് ജയ്‌പൂർ മുൻസിപ്പൽ കോർപ്പറേഷൻ. ഇതിനിടയിലാണ് ആരോഗ്യമന്ത്രി തന്നെ നടുറോഡിനു സമീപം മൂത്രമൊഴിച്ച് പിടിയിലായത്. പൊതുസ്ഥലത്ത് മൂത്രമൊഴിച്ചാൽ 200 രൂപയാണ് പിഴ.

സ്വച്ഛ് ഭാരതിനുവേണ്ടി ലക്ഷങ്ങൾ കേന്ദ്ര സർക്കാർ ചെലവഴിക്കുമ്പോൾ ബിജെപി സർക്കാർ അധികാരത്തിലുളള രാജസ്ഥാനിൽ ഒരു മന്ത്രി തന്നെ ഇങ്ങനെ ചെയ്യുന്നത് ജനങ്ങൾക്കിടയിൽ തെറ്റായ സന്ദേശം നൽകുമെന്ന് രാജസ്ഥാൻ കോൺഗ്രസ് വൈസ് പ്രസിഡന്റ് അർച്ചന ശർമ്മ പ്രതികരിച്ചു. മന്ത്രിയുടെ സ്വന്തം മണ്ഡലത്തിലാണ് ഇത് സംഭവിച്ചതെന്നും അത് പാടില്ലായിരുന്നുവെന്നും അവർ പറഞ്ഞു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Rajasthan minister kalicharan saraf urinates on road

Next Story
കുപ്പിമൂക്കന്‍ ഡോള്‍ഫിനുകളുടെ ആക്രമണം: കരയ്ക്കടിഞ്ഞ 54 ഡോള്‍ഫിനുകളെ രക്ഷിക്കാന്‍ പരിസ്ഥിതി പ്രവര്‍ത്തകരുടെ പരിശ്രമം
The moderation of comments is automated and not cleared manually by malayalam.indianexpress.com