ന്യൂഡല്‍ഹി: മോദി സര്‍ക്കാരിനെതിരെ ആഞ്ഞടിച്ച് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. 45 വര്‍ഷത്തെ ഏറ്റവും വലിയ തൊഴിലില്ലായ്മയിലൂടെയാണ് രാജ്യം കടന്നു പോകുന്നതെന്ന റിപ്പോര്‍ട്ട് ചൂണ്ടിക്കാണിച്ചാണ് രാഹുലിന്റെ വിമര്‍ശനം. മോദി നല്‍കിയ ജോലി വാഗ്‌ദാനം ദേശീയ ദുരന്തമായി മാറിയെന്ന് രാഹുല്‍ ട്വീറ്റ് ചെയ്തു.

ഓരോ വര്‍ഷവും രണ്ട് കോടി ജോലികളാണ് മോദി തിരഞ്ഞെടുപ്പ് വേളയില്‍ വാഗ്‌ദാനം ചെയ്തിരുന്നത്. അഞ്ച് വര്‍ഷം കഴിയുമ്പോള്‍ അദ്ദേഹത്തിന്റെ ജോലി വാഗ്‌ദാനം ദേശീയ ദുരന്തമായി മാറിയെന്നായിരുന്നു രാഹുലിന്റെ പ്രതികരണം. 45 വര്‍ഷത്തിനിടെ ഏറ്റവും വലിയ തൊഴിലില്ലായ്മയാണെന്നും രാഹുല്‍ കൂട്ടിച്ചേര്‍ത്തു. 2017-18 കാലത്ത് മാത്രം ആറര കോടി യുവാക്കള്‍ക്ക് തൊഴിലില്ലെന്നും രാഹുല്‍ ചൂണ്ടിക്കാണിച്ചു.

അതേസമയം, ദേ​ശീ​യ സാം​പി​ൾ സ​ർ​വേ ഓഫീസിന്റെ (എന്‍എസ്എസ്ഒ) റിപ്പോര്‍ട്ട് സ്ഥിരീകരിച്ചിട്ടില്ലെന്ന് നീതി ആയോഗ്. രാ​ജ്യ​ത്തെ തൊ​ഴി​ലി​ല്ലാ​യ്മ 45 വ​ർ​ഷ​ത്തി​ലെ ഏ​റ്റ​വും ഉ​യ​ർ​ന്ന നി​ല​യി​ലാ​ണെ​ന്നായിരുന്നു പുറത്തുവന്ന ദേ​ശീ​യ സാം​പി​ൾ സ​ർ​വേ റി​പ്പോ​ർ​ട്ടില്‍ പറഞ്ഞത്. എന്നാല്‍ ഇത് സ്ഥിരീകരിക്കാത്ത റിപ്പോര്‍ട്ട് ആണെന്ന് നീതി ആയോഗ് വൈസ് ചെയര്‍മാന്‍ രാജീവ് കുമാര്‍ പറഞ്ഞു.

‘ഇ​പ്പോ​ൾ വിവര ശേ​ഖ​ര​ണ രീ​തി വ്യ​ത്യ​സ്ത​മാ​ണ്. ക​മ്പ്യൂട്ട​ർ സ​ഹാ​യ​ത്തോ​ടെ​യു​ള്ള സ​ർ​വേ​യാ​ണ് ഇ​പ്പോ​ൾ ന​ട​ക്കു​ന്ന​ത്. ര​ണ്ടു സെ​റ്റ് ഡേ​റ്റ​ക​ൾ താ​ര​ത​മ്യം ചെ​യ്യു​ന്ന​തു ശ​രി​യ​ല്ല. ഈ ​ഡേ​റ്റ സ​ത്യ​മാ​ണെ​ന്ന് ഉ​റ​പ്പി​ച്ചി​ട്ടി​ല്ല. റി​പ്പോ​ർ​ട്ട് പൂ​ർ​ത്തി​യാ​കാ​തെ ഡേ​റ്റ ഉ​പ​യോ​ഗി​ക്കു​ന്ന​തു ശ​രി​യു​മ​ല്ല. തൊ​ഴി​ലി​നെ​ക്കു​റി​ച്ച് സ​ർ​ക്കാ​ർ ഇ​തേ​വ​രെ രേ​ഖ​ക​ൾ പ്ര​സി​ദ്ധീ​ക​രി​ച്ചി​ട്ടി​ല്ല. പൂ​ർ​ത്തി​യാ​കു​മ്പോള്‍ അ​ത് പ്ര​സി​ദ്ധീ​ക​രി​ക്കും,’ രാ​ജീ​വ് കു​മാ​ർ പ​റ​ഞ്ഞു.

രാ​ജ്യ​ത്ത് തൊ​ഴി​ലി​ല്ലാ​യ്മ 45 വ​ർ​ഷ​ത്തി​നി​ട​യി​ലെ ഏ​റ്റ​വും ഉ​യ​ർ​ന്ന നി​ര​ക്കി​ലെ​ന്ന നാ​ഷ​ണ​ൽ സാ​ന്പി​ൾ സ​ർ​വേ ഓ​ഫീ​സ് റി​പ്പോ​ർ​ട്ട് ബി​സി​ന​സ് സ്റ്റാ​ൻ​ഡേ​ർ​ഡ് പു​റ​ത്തു​വി​ട്ടി​രു​ന്നു. 2017-18 വ​ർ​ഷ​ത്തെ ക​ണ​ക്ക​നു​സ​രി​ച്ച് മു​ൻ വ​ർ​ഷ​ത്തേ​ക്കാ​ൾ 6.1 ശ​ത​മാ​ന​ത്തി​ന്‍റെ വ​ർ​ധ​ന​വാ​ണ് തൊ​ഴി​ലി​ല്ലാ​യ്മ​യി​ൽ സം​ഭ​വി​ച്ചി​രി​ക്കു​ന്ന​തെ​ന്നു റി​പ്പോ​ർ​ട്ടി​ൽ പ​റ​യു​ന്നു. ദേ​ശീ​യ സ്റ്റാ​റ്റി​സ്റ്റി​ക്ക​ൽ ക​മ്മീ​ഷ​ന് ഈ ​റി​പ്പോ​ർ​ട്ട് ഡി​സം​ബ​റി​ൽ​ത​ന്നെ കൈ​മാ​റി​യെ​ങ്കി​ലും ഇ​തേ​വ​രെ പ്ര​സി​ദ്ധീ​ക​രി​ച്ചി​ട്ടി​ല്ല.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook