ന്യൂഡല്‍ഹി: നിഷ്‌ക്രിയ ആസ്തികളുമായി ബന്ധപ്പെട്ട് ബാങ്കുകളില്‍ നടക്കുന്ന വന്‍ തട്ടിപ്പുകളെക്കുറിച്ച് പ്രധാനമന്ത്രി നരേന്ദ്ര മോദിയുടെ ഓഫീസിനെ അറിയിച്ചിരുന്നതായി റിസര്‍വ് ബാങ്ക് മുന്‍ ഗവര്‍ണര്‍ രഘുറാം രാജന്‍. മുരളി മനോഹര്‍ ജോഷി അധ്യക്ഷനായ പാര്‍ലമെന്‍റ് എസ്റ്റിമേറ്റ് സമിതിക്കാണ് രഘുറാം രാജന്‍ ഇതുസംബന്ധിച്ച റിപ്പോര്‍ട്ട് അയക്കുന്നത്.

രഘുറാം രാജന്‍ റിസര്‍വ് ബാങ്ക് ഗവര്‍ണറായത് 2013 സെപ്റ്റംബര്‍ 4 മുതല്‍ 2016 സെപ്റ്റംബര്‍ നാല് വരെയാണ്. മുന്‍ റിസര്‍വ് ബാങ്ക് ഗവര്‍ണര്‍ നടത്തിയ വെളിപ്പെടുത്തല്‍ ഇതിനോടകം തന്നെ കോണ്‍ഗ്രസ് രാഷ്ട്രീയ ആയുധമാക്കി കഴിഞ്ഞു.

എന്തുകൊണ്ടാണ് മോദി തട്ടിപ്പുകാര്‍ക്കെതിരെ നടപടിയെടുക്കാത്തത് എന്ന്‍ കോണ്‍ഗ്രസ് വക്താവ് രണ്‍ദീപ് സുര്‍ജേവാല ആരാഞ്ഞു. 17,500 കോടി രൂപയുടെ വായ്പാ തട്ടിപ്പുകളില്‍ നടപടിയെടുക്കണം എന്ന് അറിയിച്ചുകൊണ്ട്‌ 2015 ഏപ്രിലില്‍ രഘുറാം രാജന്‍ പ്രധാനമന്ത്രി നരേന്ദ്ര മോദിക്ക് കത്തയച്ചതായി റിപ്പോര്‍ട്ടുണ്ടായിരുന്നു.

വിശദമായി ഇംഗ്ലീഷില്‍ വായിക്കാം : Raghuram Rajan explains: Understanding bad loans

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ