ന്യൂയോർക്ക്: വാർത്ത വായിക്കുന്നതിനിടയിൽ അവതാരക വിതുമ്പി കരഞ്ഞു. അമേരിക്കൻ കുടിയേറ്റവുമായി ബന്ധപ്പെട്ട വാർത്ത വായിക്കുന്നതിനിടയിലാണ് അമേരിക്കന്‍ ചാനലായ എംഎസ്എന്‍ബിസിയിലെ അവതാരകയായ റേച്ചല്‍ മാഡോ വിതുമ്പിയത്.
അമേരിക്കയിൽ എത്തുന്ന കുടിയേറ്റക്കാരുടെ കുട്ടികളെ മാതാപിതാക്കളിൽ നിന്ന് വേർപെടുത്തി പ്രത്യേക കേന്ദ്രങ്ങളിലേക്ക് മാറ്റുന്ന ട്രംപ് ഭരണകൂടത്തിന്റെ തീരുമാനവുമായി ബന്ധപ്പെട്ട് അപ്പോൾ കിട്ടിയ വാർത്തയാണ് റേച്ചൽ വായിച്ചത്. എന്നാൽ വാർത്ത വായിച്ച് പൂർത്തിയാക്കാൻ റേച്ചലിന് കഴിഞ്ഞില്ല. അവർ പെട്ടെന്ന് വികാരാധീനയായി. വാർത്തയെക്കുറിച്ച് വിശദാംശങ്ങൾ നൽകാനായി റിപ്പോർട്ടറോട് ആവശ്യപ്പെട്ടു.
Rachel Maddow chokes up and cries on air as she struggles to deliver news that migrant babies and toddlers have been sent to "tender age" shelters pic.twitter.com/O6crm8cvyR
— Justin Baragona (@justinbaragona) June 20, 2018
വാർത്ത വായിച്ച് തീർക്കാനാകാത്തതിൽ ക്ഷമ ചോദിച്ച് റേച്ചൽ പിന്നീട് ട്വീറ്റ് ചെയ്‌തു. ”എന്തൊക്കെ സംഭവിച്ചാലും വാർത്ത വായിച്ച് പൂർത്തിയാക്കേണ്ടത് എന്റെ ജോലിയാണ്. പക്ഷേ ആ വാർത്ത കണ്ടപ്പോൾ എനിക്കൊന്നും സംസാരിക്കാൻ കഴിയാതെ പോയി”.
Ugh, I'm sorry.
If nothing else, it is my job to actually be able to speak while I'm on TV.
What I was trying to do — when I suddenly couldn't say/do anything — was read this lede:
1/6
— Rachel Maddow MSNBC (@maddow) June 20, 2018
ട്രംപിന്റെ ‘സെപ്പറേഷൻ പോളിസി’ പോളിസിയുടെ ഭാഗമായി ഏകദേശം 2000 കുട്ടികളാണ് ഇപ്പോൾ മാതാപിതാക്കളിൽനിന്നു വേർപെട്ടു സർക്കാർ വക ശിശു സംരക്ഷണ കേന്ദ്രങ്ങളിൽ ഉളളത്. യുഎസ്-മെക്‌സിക്കോ അതിർത്തിയിൽ അതിക്രമിച്ചു കടക്കാൻ ശ്രമിക്കുന്നവരെ നേരേ ജയിലിലേക്ക് അയയ്‌ക്കുന്നതാണ് ട്രംപിന്റെ നടപടി. ട്രംപിന്റെ നടപടിക്കെതിരെ പ്രതിഷേധം ഉയരുന്നുണ്ട്. എന്നാൽ അമേരിക്കയെ മറ്റൊരു യൂറോപ്പാകാൻ സമ്മതിക്കില്ലെന്നും യുഎസ് ഒരു അഭയാർഥി കേന്ദ്രമല്ലെന്നുമാണ് ട്രംപ് പറയുന്നത്.
