Latest News

കനത്ത മഴ; പൂനെയില്‍ മതില്‍ തകര്‍ന്നുവീണ് 15 മരണം

പൂനെയിൽ മതിൽ തകർന്നുവീണ് നാല് കുട്ടികളടക്കം 15 പേരാണ് കൊല്ലപ്പെട്ടത്

പൂനെ: മഹാരാഷ്ട്രയിലെ പൂനെയില്‍ കനത്ത മഴയെ തുടര്‍ന്ന് കെട്ടിട സമുച്ചയത്തിന്റെ ചുറ്റുമതില്‍ തകര്‍ന്നുവീണു. മതില്‍ തകര്‍ന്നുവീണുണ്ടായ അപകടത്തില്‍ നാല് കുട്ടികള്‍ ഉള്‍പ്പെടെ 15 പേര്‍ മരിച്ചു. ശനിയാഴ്ച പുലര്‍ച്ചെ പൂനെയിലെ കൊന്ദ്‌വ ഏരിയയിലാണ് അപകടം നടന്നത്.

40 അടി ഉയരമുള്ള ഭീമന്‍ മതിലാണ് കനത്ത മഴയെ തുടര്‍ന്ന് തകര്‍ന്നുവീണത്. മതിലിന് അരികിലായി താല്‍ക്കാലിക കുടില്‍ കെട്ടി താമസിച്ചിരുന്നവരാണ് അപകടത്തില്‍ പെട്ടത്. മഹാരാഷ്ട്ര മുഖ്യമന്ത്രി ദേവേന്ദ്ര ഫട്‌നാവിസ് അന്വേഷണത്തിന് ഉത്തരവിട്ടിട്ടുണ്ട്. മരിച്ചവരുടെ കുടുംബങ്ങള്‍ക്ക് നാല് ലക്ഷം രൂപ നഷ്ടപരിഹാരം പ്രഖ്യാപിച്ചിട്ടുണ്ട്.

മന്ത്രിമാരും മേയറും അപകടം നടന്ന സ്ഥലം സന്ദര്‍ശിച്ചിട്ടുണ്ട്. രക്ഷാപ്രവര്‍ത്തനങ്ങള്‍ തുടരുകയാണ്. വിവിധ സേനകളുടെ നേതൃത്വത്തിലാണ് രക്ഷാപ്രവര്‍ത്തനങ്ങള്‍ പുരോഗമിക്കുന്നത്. മതിലിന് വേണ്ടത്ര സുരക്ഷിതത്വം ഇല്ലായിരുന്നു എന്ന ആരോപണം ഉയര്‍ന്നിട്ടുണ്ട്. ഇക്കാര്യം അന്വേഷിക്കുമെന്ന് മേയര്‍ അറിയിച്ചു.

ബി​ഹാ​ർ, ബം​ഗാ​ൾ സ്വ​ദേ​ശി​ക​ളാ​യ തൊ​ഴി​ലാ​ളി കു​ടും​ബ​ങ്ങ​ളാ​ണ് കു​ടി​ലു​ക​ളി​ൽ താ​മ​സി​ച്ചി​രു​ന്ന​ത്. ഫ്ലാ​റ്റി​നു പു​റ​ത്ത് നി​ർ​ത്തി​യി​ട്ടി​രു​ന്ന നി​ര​വ​ധി കാ​റു​ക​ളും ത​ക​ർ​ന്നി​ട്ടു​ണ്ട്. പ​രുക്കേറ്റവരെ സ​മീ​പ​ത്തെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Pune wall collapse 15 from bihar killed

Next Story
‘മോദി എത്ര നല്ലവന്‍’; സെല്‍ഫി പങ്കുവച്ച് ഓസ്‌ട്രേലിയന്‍ പ്രധാനമന്ത്രിNarendra Modi and Morison
The moderation of comments is automated and not cleared manually by malayalam.indianexpress.com