Latest News
ബോക്സിങ്ങിൽ ഇന്ത്യയുടെ ലവ്‌ലിന ബോര്‍ഗോഹെയ്‌ന് വെങ്കലം

പാക്കിസ്ഥാന് മുന്നറിയിപ്പുമായി അമേരിക്ക

കശ്മീരിലെ ഭീകരാക്രമണത്തെ ശക്തമായി അപലപിച്ചുകൊണ്ട് പുറത്തിറക്കിയ പത്രക്കുറിപ്പിലാണ് ഇക്കാര്യം വ്യക്തമാക്കിയത്

US, Pakistan

ന്യൂയോര്‍ക്ക്: പുല്‍വാമ ഭീകരാക്രമണത്തിന്റെ പശ്ചാത്തലത്തില്‍ പാക്കിസ്ഥാന് മുന്നറിയിപ്പുമായി അമേരിക്ക. പാക്കിസ്ഥാന്‍ ഭീകര സംഘടനകളുടെ സുരക്ഷാ താവളമാകരുതെന്ന് അമേരിക്കന്‍ വിദേശകാര്യ സെക്രട്ടറി മുന്നറിയിപ്പ് നല്‍കി. കശ്മീരിലെ ഭീകരാക്രമണത്തെ ശക്തമായി അപലപിച്ചുകൊണ്ട് പുറത്തിറക്കിയ പത്രക്കുറിപ്പിലാണ് ഇക്കാര്യം വ്യക്തമാക്കിയത്. തീവ്രവാദ സംഘടനകള്‍ക്കുള്ള പിന്തുണ നിഷേധിച്ചുകൊണ്ട് പാക്കിസ്ഥാന്‍ തങ്ങളുടെ ഉത്തരവാദിത്തം ഉയര്‍ത്തിപ്പിടിക്കണമെന്നും പത്രക്കുറിപ്പില്‍ പറയുന്നു.

‘ഇന്ത്യയിലെ ജമ്മു കശ്മീരില്‍ തീവ്രവാദികളുടെ ആക്രമണത്തില്‍ സിആര്‍പിഎഫ് ജവാന്‍മാര്‍ കൊല്ലപ്പെട്ട സംഭവത്തില്‍ യുഎസ് ശക്തമായി അപലപിക്കുന്നു. ഇരകള്‍ക്കും അവരുടെ കുടുംബാംഗങ്ങള്‍ക്കും അനുശോചനങ്ങള്‍ അറിയിക്കുന്നതോടൊപ്പം ആക്രമണത്തില്‍ പരുക്കേറ്റവര്‍ക്ക് വേഗത്തില്‍ സുഖം പ്രാപിക്കട്ടെ എന്ന് ആഗ്രഹിക്കുകയും ചെയ്യുന്നു,’ പ്രസ്താവനയില്‍ പറയുന്നു.

ഐക്യരാഷ്ട്ര സഭയുടെ സെക്യൂരിറ്റി കൗണ്‍സില്‍ നിർദേശങ്ങള്‍ പിന്തുടര്‍ന്ന്, ഭീകരവാദികള്‍ക്ക് സുരക്ഷാ താവളം നല്‍കുന്നത് നിഷേധിച്ചു കൊണ്ടും ഭീകരവാദത്തെ പ്രോത്സാഹിപ്പിക്കാതെയും എല്ലാ രാജ്യങ്ങളും തങ്ങളുടെ ഉത്തരവാദിത്തം ഉയര്‍ത്തിപിടിക്കണമെന്നും വാര്‍ത്താ കുറിപ്പില്‍ പറയുന്നു.

തെക്കന്‍ കശ്മീരിലെ പുല്‍വാമ ജില്ലയില്‍ വ്യാഴാഴ്ച നടന്ന ചാവേറാക്രമണത്തില്‍ 40 ഓളം സൈനികരാണ് കൊല്ലപ്പെട്ടത്. 10 ഓളം പേര്‍ക്ക് പരുക്കേറ്റു. ഇതില്‍ 5 പേരുടെ നില അതീവ ഗുരുതരമാണ്. വ്യാഴാഴ്ച വൈകീട്ട് 3.30 ഓടെയായിരുന്നു ചാവേറാക്രമണം. ജമ്മുവില്‍നിന്നും ശ്രീനഗറിലേക്ക് വരികയായിരുന്ന സൈനിക വാഹനത്തിനുനേരെ ഭീകരന്‍ സ്‌ഫോടക വസ്തുക്കള്‍ നിറച്ച വാഹനം ഇടിച്ചു കയറ്റിയായിരുന്നു ആക്രമണം.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Pulwama attack america warns pakistan

Next Story
പുൽവാമ ഭീകരാക്രമണം: സർവ്വകക്ഷി യോഗം ഇന്ന്pulwama attack, പുൽവാമ ഭീകരാക്രമണം, All party Meeting, സർവ്വകക്ഷി യോഗം, iemalayalam, ഐ ഇ മലയാളം, today news, ഇന്നത്തെ വാർത്ത news india, latest news, breaking news, ബ്രേക്കിങ്ങ് ന്യൂസ്, india news live, india news today, national news, ദേശീയ വാർത്ത, national news today, national news headlines, പ്രധാന വാർത്തകൾ, latest national news, വാർത്തകൾ, national news india, വാർത്ത ന്യൂസ്, today national news, breaking news india
The moderation of comments is automated and not cleared manually by malayalam.indianexpress.com
Best of Express