scorecardresearch
Latest News

നിർബന്ധിത മതപരിവർത്തനം ആരോപിച്ച് രാജസ്ഥാനിൽ ക്രിസ്‌മസ് കരോൾ സംഘത്തെ ആക്രമിച്ചു

നിർബന്ധിത മതപരിവർത്തനം ആരോപിച്ച് പൊലീസ് രണ്ടുപേരെ അറസ്റ്റ് ചെയ്തു

ജ​യ്‌പൂർ: ലൗ ജിഹാദിന്റെ പേരിൽ അഫ്രാസുൽ ഖാന്റെ ഞെട്ടിക്കുന്ന കൊലപാതകത്തിന് ശേഷം രാജസ്ഥാനിൽ ക്രിസ്മസ് കരോൾ സംഘത്തിന് നേർക്കും ആക്രമണം. പ്രതാപ്‌ഗഡിലാണ് ക്രിസ്മസ് കരോൾ സംഘത്തെ മതപരിവർത്തനം നടത്തിയെന്ന് ആരോപിച്ച് ആക്രമിച്ചത്.

എന്നാൽ അക്രമികൾക്ക് പകരം, കരോൾ സംഘത്തിലെ രണ്ടുപേരെ പൊലീസ് അറസ്റ്റ് ചെയ്തു. നിർബന്ധിത മത പരിവർത്തനം എന്ന ആരോപണം ഉന്നയിച്ചാണ് അറസ്റ്റ് രേഖപ്പെടുത്തിയത്. ബു​ധ​നാ​ഴ്ച രാ​ത്രി 8.30 ന് ​ആ​യി​രു​ന്നു സം​ഭ​വം. മു​പ്പ​തോ​ളം പേ​ര​ട​ങ്ങു​ന്ന അ​ക്ര​മി സം​ഘം പ​രി​പാ​ടി ന​ട​ക്കു​ന്ന സ്ഥ​ല​ത്തേ​ക്ക് അ​തി​ക്ര​മി​ച്ചു​ ക​യ​റി ഭീ​ക​രാ​ന്ത​രീ​ക്ഷം സൃ​ഷ്ടി​ക്കു​ക​യാ​യി​രു​ന്നു. പു​സ്ത​ക​ങ്ങ​ളും ആ​രാ​ധ​നാ വ​സ്തു​ക്ക​ളും എ​റി​ഞ്ഞ് ന​ശി​പ്പി​ച്ചു.

ക​ഴി​ഞ്ഞ ദി​വ​സം ഉ​ത്ത​ർ​പ്ര​ദേ​ശി​ലും ക്രി​സ്മ​സ് കരോൾ സംഘത്തിന് നേ​രെ ഭീ​ഷ​ണി ഉ​ണ്ടാ​യി​രു​ന്നു. സ്വ​കാ​ര്യ സ്കൂ​ളു​ക​ളി​ൽ ക്രി​സ്മ​സ് പു​തു​വ​ത്സ​ര പ​രി​പാ​ടി​ക​ൾ ന​ട​ത്താ​ൻ പാ​ടി​ല്ലെ​ന്നാവശ്യപ്പെട്ടാണ് പ്രശ്നങ്ങൾ സൃഷ്ടിച്ചത്. മ​ധ്യ​പ്ര​ദേ​ശി​ലെ സ​ത്ന​യിലും ക്രി​സ്മ​സ് ക​രോൾ സം​ഘ​ത്തി​ന് നേരെ ആക്രമണം നടന്നിരുന്നു.

Stay updated with the latest news headlines and all the latest News news download Indian Express Malayalam App.

Web Title: Protesters alleged religious conversion during forceful conversion