/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/uploads/2023/10/ED.jpg)
അടുത്ത മാസം തിരഞ്ഞെടുപ്പ് നടക്കാനിരിക്കുന്ന അഞ്ച് സംസ്ഥാനങ്ങളില്‍ നാലിടങ്ങളിലും പ്രതിപക്ഷ പാര്‍ട്ടി നേതാക്കളെ വേട്ടയാടുന്ന എന്ഫോഴ്സ്മെന്റ് ഡയറക്ടറേറ്റ് (ഇഡി) നടപടികളില്‍ പ്രതിപക്ഷം പ്രതിഷേധം ശക്തമാക്കുകയാണ്. ഛത്തീസ്ഗഡ്, രാജസ്ഥാന്‍, മധ്യപ്രദേശ്, തെലങ്കാന എന്നിവിടങ്ങളില്‍ കഴിഞ്ഞ കുറച്ച് മാസങ്ങളായി ഇഡി പ്രതിപക്ഷ പാര്‍ട്ടികളുടെ നേതാക്കളുമായി ബന്ധപ്പെട്ട ഇടങ്ങളില്‍ റെയ്ഡ് ചെയ്യുകയോ അറസ്റ്റ് ചെയ്യുകയോ നോട്ടിസ് നല്‍കുകയോ ചെയ്തിട്ടുണ്ട്.
റേഷന്‍ വിതരണത്തിലെ അഴിമതി ആരോപണവുമായി ബന്ധപ്പെട്ട് പശ്ചിമ ബംഗാള്‍ വനം മന്ത്രിയും മുന്‍ ഭക്ഷ്യമന്ത്രിയുമായ ജ്യോതിപ്രിയ മല്ലിക്കിനെ എന്ഫോഴ്സ്മെന്റ് ഡയറക്ടറേറ്റ് (ഇഡി) അറസ്റ്റ് ചെയ്തതാണ് ഏറ്റവും ഒടുവിലത്തേത്. ''ഞാന്‍ ഗുരുതരമായ ഗൂഢാലോചനയുടെ ഇരയാണ്. ഇതാണ് എനിക്ക് പറയാനുള്ളത്, ''സാള്‍ട്ട് ലേക്കിലെ വീട്ടില്‍ നിന്ന് ഇഡി ഉദ്യോഗസ്ഥരും സിആര്‍പിഎഫ് ജവാന്മാരും ചേര്‍ന്ന് സിജിഒ കോംപ്ലക്സിലെ ഇഡി ഓഫീസിലേക്ക് കൊണ്ടുപോകുമ്പോള്‍ ജ്യോതിപ്രിയ മല്ലിക് പറഞ്ഞു.കേസുമായി ബന്ധപ്പെട്ട് ജ്യോതിപ്രിയ മല്ലിക്കിന്റെയും സഹായികളുടെയും ഉള്‍പ്പെടെ എട്ടിടങ്ങളില്‍ ഇഡി റെയ്ഡ് നടത്തിയിരുന്നു.
കള്ളപ്പണം വെളുപ്പിക്കല്‍ കേസുമായി ബന്ധപ്പെട്ട് രാജസ്ഥാന്‍ കോണ്‍ഗ്രസ് അധ്യക്ഷന്‍ ഗോവിന്ദ് സിംഗ് ദോതസ്ര, സ്വതന്ത്ര എംഎല്‍എ ഓം പ്രകാശ് ഹഡ്ല എന്നിവരുമായി ബന്ധപ്പെട്ട സ്ഥലങ്ങളില്‍ കഴിഞ്ഞ ദിവസം ഇ ഡി പരിശോധന നടത്തിയിരുന്നു. ഫോറിന്‍ എക്‌സ്‌ചേഞ്ച് ലംഘന കേസില്‍ മുഖ്യമന്ത്രി അശോക് ഗെലോട്ടിന്റെ മകന്‍ വൈഭവിനെ വിളിച്ചുവരുത്തി. രണ്ട് വ്യത്യസ്ത കേസുകളിലായി ഛത്തീസ്ഗഡില്‍ ഒന്നിലധികം പേരെ അറസ്റ്റ് ചെയ്തിട്ടുണ്ട്.
തെലങ്കാനയില്‍ മുഖ്യമന്ത്രി കെ ചന്ദ്രശേഖര്‍ റാവുവിന്റെ മകള്‍ കെ കവിതയുടെ ഡല്‍ഹി മദ്യ കുംഭകോണക്കേസില്‍ ഇഡി അന്വേഷണം നടത്തുമ്പോള്‍ മധ്യപ്രദേശില്‍ കോണ്‍ഗ്രസ് നേതാവ് കമല്‍നാഥിന്റെ അനന്തരവന്‍ റതുല്‍ പുരിക്കെതിരായ പഴയ ബാങ്ക് തട്ടിപ്പ് കേസില്‍ പുതിയ അറസ്റ്റോടെ പുനരുജ്ജീവിപ്പിച്ചു. മധ്യപ്രേദശില്‍ തിരഞ്ഞെടുപ്പില്‍ മത്സരിക്കുന്ന ആം ആദ്മി പാര്‍ട്ടി നേതാക്കള്‍ക്കെതിരെയും ഇ ഡി നടപടി എടുത്തിട്ടുണ്ട്.
പരീക്ഷാപേപ്പര്‍ ചോര്‍ച്ച കേസും പബ്ലിക് ഹെല്‍ത്ത് എഞ്ചിനീയറിംഗ് ഡിപ്പാര്‍ട്ട്മെന്റ് (പിഎച്ച്ഇഡി) അഴിമതിയുമായി ബന്ധപ്പെട്ടാണ് രാജസ്ഥാനില്‍ വ്യാഴാഴ്ച റെയ്ഡ് നടത്തിയത്. 2022 ഡിസംബര്‍ 21, 22, 24 തീയതികളില്‍ രാജസ്ഥാന്‍ പബ്ലിക് സര്‍വീസ് കമ്മീഷന്‍ (ആര്‍പിഎസ്സി) നടത്താനിരുന്ന 2022 ലെ സീനിയര്‍ ടീച്ചര്‍ ഗ്രേഡ് II മത്സര പരീക്ഷയുമായി ബന്ധപ്പെട്ടതാണ് പേപ്പര്‍ ചോര്‍ച്ച കേസ്്. പിഎച്ച്ഇഡി കേസ് ജല്‍ ജീവന്‍ മിഷനിലെ ക്രമക്കേടുകളുമായി ബന്ധപ്പെട്ടതാണ്. സെപ്തംബര്‍ ഒന്നിന് കേസില്‍ ജയ്പൂര്‍, അല്‍വാര്‍, നീമ്രാന, ബെഹ്റോര്‍, ഷാപുര എന്നിവിടങ്ങളിലെ വിവിധ സ്ഥലങ്ങളില്‍ ഇഡി നടത്തിയ പരിശോധനയില്‍ കണക്കില്‍പ്പെടാത്ത 2.32 കോടി രൂപയും 64 ലക്ഷം രൂപയുടെ സ്വര്‍ണക്കട്ടിയും പിടിച്ചെടുത്തിരുന്നു.
സെപ്റ്റംബറില്‍ പാര്‍ലമെന്റിന്റെ പ്രത്യേക സമ്മേളനത്തിന് മുന്നോടിയായി, ഡല്‍ഹി എക്‌സൈസ് നയവുമായി ബന്ധപ്പെട്ട് ബിആര്‍എസ് നേതാവ് കവിതയെ ചോദ്യം ചെയ്യാന്‍ ഏജന്‍സി വിളിപ്പിച്ചിരുന്നു. ഡല്‍ഹി മദ്യവിപണി അനുകൂലമാക്കുന്നതിന് ആനുകൂല്യങ്ങള്‍ക്കായി എഎപിക്ക് 100 കോടി രൂപ നല്‍കിയതായാണ് ഇവര്‍ക്കെതിരെയുള്ള ആരോപണം. എന്നാല്‍, കവിത സമന്‍സ് വഴങ്ങാതെ കോടതിയില്‍ നിന്ന് അനുകൂല വിധി തേടി.
രതുല്‍ പുരിയുടെ ഉടമസ്ഥതയിലുള്ള മോസര്‍ ബെയര്‍ നടത്തിയെന്ന് പറയപ്പെടുന്ന 354 കോടി രൂപയുടെ ബാങ്ക് വായ്പാ തട്ടിപ്പുമായി ബന്ധപ്പെട്ട കള്ളപ്പണം വെളുപ്പിക്കല്‍ അന്വേഷണവുമായി ബന്ധപ്പെട്ട് നിതിന്‍ ഭട്നാഗര്‍ എന്നയാളെ ഓഗസ്റ്റ് 22-ന് ഇഡി അറസ്റ്റ് ചെയ്തു. ബാങ്ക് ഓഫ് സിംഗപ്പൂരിന്റെ മുന്‍ പിആര്‍ഒ ആയിരുന്ന ഭട്നാഗര്‍, സവന്ന ട്രസ്റ്റിന്റെ ഉടമസ്ഥതയിലുള്ള പ്രിസ്റ്റീന്‍ റിവര്‍ ഇന്‍വെസ്റ്റ്മെന്റ് ലിമിറ്റഡ് എന്ന കമ്പനിയുടെ ബാങ്ക് അക്കൗണ്ട് തുറക്കാന്‍ സഹായിച്ചതായി ആരോപിക്കപ്പെടുന്നു, കുറ്റകൃത്യങ്ങളുടെ വരുമാനം നിരത്താന്‍ കമ്പനിയെ (പ്രിസ്റ്റീന്‍ റിവര്‍) ഉപയോഗിച്ചുവെന്നും ഭട്നഗറിന്റെ അറിവോടെ രതുല്‍ പുരിക്ക് സഹായം ലഭിച്ചുവെന്നും ഇ ഡി ആരോപിച്ചു.
ഓണ്‍ലൈന്‍ ഗെയിമിംഗ് പ്ലാറ്റ്ഫോമായ മഹാദേവ് ആപ്പ് റാക്കറ്റിനെക്കുറിച്ച് നടന്നുകൊണ്ടിരിക്കുന്ന അന്വേഷണത്തില്‍ കഴിഞ്ഞ ദിവസം ഛത്തീസ്ഗഡ് മുഖ്യമന്ത്രി ഭൂപേഷ് ബാഗേലിന്റെ രാഷ്ട്രീയ ഉപദേഷ്ടാവ് വിനോദ് വര്‍മയുടെയും രണ്ട് പ്രത്യേക ഉദ്യോഗസ്ഥരുടെയും സ്ഥലങ്ങള്‍ ഉള്‍പ്പെടെ 10 സ്ഥലങ്ങളില്‍ ഇഡി പരിശോധന നടത്തി. കേസില്‍ ഛത്തീസ്ഗഡ് പോലീസിലെ ഒരു എഎസ്‌ഐ, ചന്ദ്രഭൂഷന്‍ വര്‍മ, വ്യവസായി സതീഷ് ചന്ദ്രകര്‍, ഹവാല ഓപ്പറേറ്റര്‍മാരായ അനില്‍ ദമ്മാനി, സുനില്‍ ദമ്മാനി എന്നിവരെയും ഇഡി അറസ്റ്റ് ചെയ്തു.റെയ്ഡുകള്‍ക്ക് പിന്നാലെ മുഖ്യമന്ത്രി ഭൂപേഷ് ബാഗേലിന്റെ ഓഫീസുമായി ബന്ധപ്പെട്ട ഉന്നത ഉദ്യോഗസ്ഥര്‍ക്ക് സംസ്ഥാനത്ത് അനധികൃത ഗെയിമിംഗ് ആപ്പിന്റെ പ്രവര്‍ത്തനം നടത്താന്‍ അനുവദിക്കുന്നതിന് പിന്തുണ ലഭിച്ചതായി ഏജന്‍സി ആരോപിക്കുന്നു.
സംസ്ഥാന റൈസ് മില്ലേഴ്സ് അസോസിയേഷന്‍ ഛത്തീസ്ഗഡ് സ്റ്റേറ്റ് മാര്‍ക്കറ്റിംഗ് ഫെഡറേഷന്‍ ലിമിറ്റഡ് (മാര്‍ക്‌ഫെഡ്) ഉദ്യോഗസ്ഥരുമായി ഒത്തുകളിച്ച് ഗൂഢാലോചന നടത്തിയെന്ന് ആരോപിച്ച് കഴിഞ്ഞയാഴ്ച ഛത്തീസ്ഗഡിലെ 15 വ്യത്യസ്ത സ്ഥലങ്ങളില്‍ ഇഡി റെയ്ഡ് നടത്തി. 2021-22 വരെ ഛത്തീസ്ഗഡിലെ കോണ്‍ഗ്രസ് സര്‍ക്കാര്‍ നെല്ലിന് 40 രൂപ പ്രത്യേക ഇളവില്‍
നെല്ല് അരി മില്ലുകാര്‍ക്ക് നല്‍കിയിരുന്നതായും പിന്നീട് അത് ക്വിന്റലിന് 120 രൂപയായി അമിതമായി വര്‍ദ്ധിപ്പിച്ചതായും ഏജന്‍സി ആരോപിച്ചു. നെല്ല്. അരി മില്ലുകാര്‍ക്ക് നല്‍കിയ 500 കോടിയില്‍ 175 കോടി രൂപ കഴിവ് ലഭിച്ചത് ഉന്നതരുടെ നേട്ടത്തിനാണെന്ന് ഇഡി ആരോപിച്ചു.
നേരത്തെ, 540 കോടി രൂപയുടെ കല്‍ക്കരി ലെവി കമ്മീഷന്‍ കേസിലും അനധികൃത മദ്യവില്‍പ്പനയിലും സംസ്ഥാന ഖജനാവിന് 2,160 കോടി രൂപയുടെ നഷ്ടം വരുത്തിയതിലും ഇഡി അറസ്റ്റ് നടന്നിരുന്നു. മദ്യക്കേസില്‍, പണം 'ഒരു രാഷ്ട്രീയ പാര്‍ട്ടിക്ക്' പോയതായും ഇ ഡി പറഞ്ഞു.
ഒക്ടോബര്‍ നാലിന് ഡല്‍ഹി മദ്യനയ കേസില്‍ എഎപി നേതാവും എംപിയുമായ സഞ്ജയ് സിങ്ങിനെ ഏജന്‍സി അറസ്റ്റ് ചെയ്തു. 2020 ജൂലൈയില്‍, രാജസ്ഥാനിലെ അശോക് ഗെഹ്ലോട്ട് സര്‍ക്കാര്‍ അന്നത്തെ ഉപമുഖ്യമന്ത്രി സച്ചിന്‍ പൈലറ്റുമായുള്ള തര്‍ക്കത്തില്‍ 2007-2009 കാലത്ത് രാസവളങ്ങള്‍ വഴിതിരിച്ചുവിട്ടുവെന്നാരോപിച്ചുള്ള അന്വേഷണവുമായി ബന്ധപ്പെട്ട് മുഖ്യമന്ത്രിയുടെ സഹോദരന്‍ അഗ്രസെന്‍ ഗെലോട്ടുമായി ബന്ധപ്പെട്ട സ്ഥലങ്ങളില്‍ ഇഡി റെയ്ഡ് നടത്തി. കേസുമായി ബന്ധപ്പെട്ട് ആ വര്‍ഷം ജൂലൈ 22 ന് രാജസ്ഥാന്‍, പശ്ചിമ ബംഗാള്‍, ഗുജറാത്ത്, ഡല്‍ഹി എന്നിവയുള്‍പ്പെടെ 13 സ്ഥലങ്ങളില്‍ ഇഡി റെയ്ഡ് നടത്തി. അഗ്രസെന്‍ ഗെഹ്ലോട്ടും അദ്ദേഹത്തിന്റെ കമ്പനിയായ 'അനുപം കൃഷി'യുമായി ബന്ധപ്പെട്ടവരുടെ ഇടങ്ങളിലായിരുന്നു റെയ്ഡ്. കേസില്‍ നിരവധി തവണ അഗ്രസനെ ചോദ്യം ചെയ്തിരുന്നു. അന്വേഷണം ഇപ്പോഴും തുടരുകയാണ്.
Stay updated with the latest news headlines and all the latest Lifestyle news. Download Indian Express Malayalam App - Android or iOS.