കടുത്ത മൂടൽമഞ്ഞും മഴക്കുറവും; കടന്നുപോയത് ഒന്നരനൂറ്റാണ്ടിനിടയിലെ ഏറ്റവും വരണ്ട ഡിസംബർ

ന്യൂഡൽഹി: നീണ്ടുനിന്ന മൂടൽമഞ്ഞും മഴയുടെ അഭാവവും കാരണം 2025 ഡിസംബർ ഇന്ത്യയിൽ രേഖപ്പെടുത്തിയതിൽ വെച്ച് ഏറ്റവും വരണ്ട അഞ്ചാമത്തെ മാസമായി മാറിയെന്ന് കേന്ദ്ര കാലാവസ്ഥാ വകുപ്പ് അറിയിച്ചു. 1901-ന് ശേഷമുള്ള കണക്കുകൾ പ്രകാരം അഞ്ചാമത്തെയും 2001-ന് ശേഷമുള്ള ഏറ്റവും കുറഞ്ഞ മഴ ലഭിച്ച ഡിസംബറുമാണിത്.

Also Read:ജസ്റ്റിസ് സൗമെൻ സെൻ കേരള ഹൈക്കോടതിയുടെ പുതിയ ചീഫ് ജസ്റ്റിസ്

കഴിഞ്ഞ മാസം രാജ്യത്താകെ ലഭിച്ച ശരാശരി മഴ 4.9 മില്ലിമീറ്റർ മാത്രമാണ്. ഇത് സാധാരണ ലഭിക്കേണ്ടതിനേക്കാൾ 69 ശതമാനം കുറവാണ്. വടക്ക്, വടക്കുപടിഞ്ഞാറൻ ഇന്ത്യയിൽ സാധാരണയായി ഡിസംബറിൽ ലഭിക്കാറുള്ള മഴയും മഞ്ഞുവീഴ്ചയും ഇത്തവണ തീരെ കുറവായിരുന്നു. ഡൽഹിയിൽ കഴിഞ്ഞ മാസം മഴയേ പെയ്തില്ലെന്ന് കാലാവസ്ഥാ വകുപ്പിന്റെ കണക്കുകൾ വ്യക്തമാക്കുന്നു.

മഴ കുറയാൻ കാരണങ്ങൾ ദുർബലമായ പശ്ചിമ അസ്വസ്ഥതകൾ , കിഴക്കൻ കാറ്റിന്റെ അഭാവം, അന്തരീക്ഷ പ്രതിഭാസമായ മാഡൻ-ജൂലിയൻ ഓസിലേഷൻ അനുകൂലമല്ലാതിരുന്നത് എന്നിവയാണ് മഴ കുറയാൻ കാരണമായതെന്ന് ഐഎംഡി ഡയറക്ടർ ജനറൽ മൃത്യുഞ്ജയ് മഹാപാത്ര പറഞ്ഞു. മധ്യ ഇന്ത്യയിൽ ചരിത്രത്തിലെ ഏറ്റവും കുറഞ്ഞ മഴയാണ് ഇത്തവണ രേഖപ്പെടുത്തിയത്. കിഴക്ക്, വടക്കുകിഴക്കൻ ഇന്ത്യയിൽ ഇത് ആറാമത്തെ ഏറ്റവും വരണ്ട ഡിസംബറാണ്.

Also Read:ക്രിസ്മസ് ആഘോഷങ്ങൾക്ക് നേരെയുള്ള അതിക്രമങ്ങൾ ഭരണഘടനാ മൂല്യങ്ങൾക്ക് വിരുദ്ധം: മിസോറാം മുഖ്യമന്ത്രി ലാൽദുഹോമ

കടുത്ത മൂടൽമഞ്ഞ് മഴ കുറഞ്ഞതോടെ രാജ്യത്തിന്റെ വിവിധ ഭാഗങ്ങളിൽ കടുത്ത മൂടൽമഞ്ഞ് അനുഭവപ്പെട്ടു. ഡിസംബറിലെ 15 മുതൽ 26 ദിവസങ്ങളിലും പലയിടത്തും മൂടൽമഞ്ഞ് നിലനിന്നു. ഇതിൽ 15 ദിവസവും കാഴ്ചപരിധി തീരെ കുറഞ്ഞ അതീവ സാന്ദ്രമായ മൂടൽമഞ്ഞായിരുന്നു. ഒഡീഷ, ത്രിപുര വരെയുള്ള മേഖലകളെ ഇത് ബാധിച്ചു.

വരും മാസങ്ങളിലെ പ്രവചനം ജനുവരി മുതൽ മാർച്ച് വരെയുള്ള കാലയളവിലും വടക്ക്, വടക്കുപടിഞ്ഞാറൻ ഇന്ത്യയിൽ വരണ്ട കാലാവസ്ഥ തുടരാനാണ് സാധ്യത. ജമ്മു കശ്മീർ, ഉത്തരാഖണ്ഡ്, ലഡാക്ക്, പഞ്ചാബ്, ഹരിയാന എന്നിവിടങ്ങളിൽ മഴയും മഞ്ഞുവീഴ്ചയും കുറയുന്നത് ജലസ്രോതസ്സുകളെ ബാധിച്ചേക്കാം. എന്നാൽ മധ്യ ഇന്ത്യയിലും ഉത്തർപ്രദേശിലും വരും മാസങ്ങളിൽ കൂടുതൽ മഴ ലഭിക്കുമെന്ന് പ്രവചനമുണ്ട്.

Also Read:ഇൻഡോറിലെ മലിന ജലത്തെപ്പറ്റി ഉയർന്നത് നിരവധി പരാതികൾ; ഉദ്യോഗസ്ഥരുടെ അനാസ്ഥയിൽ പൊലിഞ്ഞത് നിരവധി ജീവനുകൾ

2026-ൽ എൽ നിനോ പസഫിക് സമുദ്രത്തിലെ താപനില വർധിക്കുന്ന 'എൽ നിനോ' പ്രതിഭാസം 2026-ന്റെ പകുതിയോടെ ഉണ്ടായേക്കുമെന്ന് ആഗോള കാലാവസ്ഥാ മോഡലുകൾ സൂചിപ്പിക്കുന്നു. നിലവിലെ 'ലാ നിന' സാഹചര്യം ഈ മാർച്ച് വരെ തുടർന്നേക്കും. ഇതിനുശേഷം ജൂലൈ വരെ സന്തുലിതാവസ്ഥ ആയിരിക്കുമെന്നും ഐഎംഡി മേധാവി അറിയിച്ചു.

Read More:ഉന്നാവ് പീഡനക്കേസ്: സെൻഗാറിന് തിരിച്ചടി, ശിക്ഷ മരവിപ്പിച്ച ഉത്തരവിന് സുപ്രീം കോടതി സ്റ്റേ