ന്യൂഡല്‍ഹി: പ്രയാഗ് രാജ് മുതല്‍ വാരണാസി വരെയുളള യാത്രയ്ക്ക് മുന്നോടിയായി ബിജെപി സര്‍ക്കാരിനെതിരെ ആഞ്ഞടിച്ച് കോണ്‍ഗ്രസ് ജനറല്‍ സെക്രട്ടറി പ്രിയങ്ക ഗാന്ധി. യുവാക്കളേയും സ്ത്രീകളേയും കര്‍ഷകരേയും തൊഴിലാളികളേയയും മോദി സര്‍ക്കാര്‍ അവഗണിക്കുകയാണെന്ന് പ്രിയങ്ക പറഞ്ഞു.

”കോണ്‍ഗ്രസ് പ്രവര്‍ത്തക എന്ന നിലയില്‍ ഉത്തര്‍പ്രദേശിന്റെ രാഷ്ട്രീയത്തില്‍ മാറ്റം കൊണ്ടു വരാന്‍ നിങ്ങളോടൊപ്പം കൈകോര്‍ക്കേണ്ടത് എന്റെ ഉത്തരവാദിത്വമാണ്. യുവാക്കളും കര്‍ഷകരും പ്രശ്‌നങ്ങള്‍ നേരിടുന്നു. രാഷ്ട്രീയ കണക്കുകൂട്ടലില്‍ യുവാക്കളുടേയും സ്ത്രീകളുടേയും കര്‍ഷകരുടേയും തൊഴിലാളികളുടേയും ശബ്ദം സര്‍ക്കാര്‍ പോളിസികളില്‍ നിന്നും അപ്രത്യക്ഷ്യമായിരിക്കുകയാണ്” പ്രിയങ്ക പറഞ്ഞു.

Read More: സ്ത്രീ സുരക്ഷയ്ക്കും 15 ലക്ഷം രൂപയ്ക്കും എന്ത് സംഭവിച്ചു? മോദിയോട് പ്രിയങ്ക

തിരഞ്ഞെടുപ്പ് പ്രചാരണം ആരംഭിക്കാന്‍ മണിക്കൂറുകള്‍ മാത്രം ബാക്കി നില്‍ക്കെയാണ് തുറന്ന കത്തിലൂടെ പ്രിയങ്ക ജനങ്ങളോട് തന്റെ നിലപാട് വ്യക്തമാക്കിയത്. മാര്‍ച്ച് 18 മുതല്‍ 20 വരെയാണ് പ്രിയങ്കയുടെ യാത്ര.

”നദിയിലൂടേയും ബസിലൂടേയും ട്രെയിനിലൂടേയും പദയാത്രയായുമെല്ലാം നിങ്ങള്‍ക്ക് അരികിലേക്ക് ഞാനെത്തും. സത്യത്തിന്റേയും സമത്വത്തിന്റേയും പ്രതീകമാണ് ഗംഗ. ഗംഗ ആളുകളെ വിവേചനത്തോടെ കാണില്ല. ഉത്തര്‍പ്രദേശിലെ ജനങ്ങളുടെ കരുത്താണ് ഗംഗ. ആ ഗംഗയുടെ സഹായത്തോടെ ഞാന്‍ നിങ്ങളിലേക്ക് എത്തും” പ്രിയങ്ക കൂട്ടിച്ചേര്‍ത്തു.

Also Read: ‘ചൗക്കിദാര്‍ നരേന്ദ്ര മോദി’, ‘ചാക്കിദാര്‍ അമിത് ഷാ’; പേര് മാറ്റി ബിജെപി നേതാക്കളും

”യുപിയുടെ മണ്ണുമായി ഞാന്‍ വളരെയധികം ബന്ധപ്പെട്ടിരിക്കുന്നു. നിങ്ങളെ കേള്‍ക്കുകയും നിങ്ങളുടെ വേദന പങ്കുവയ്ക്കുകയും ചെയ്യാതെ ഒരു രാഷ്ട്രീയ മാറ്റത്തിനും തുടക്കം കുറിക്കാനാകില്ല. സത്യത്തിന്റെ അടിത്തറയില്‍ നമ്മള്‍ മാറ്റം കൊണ്ടു വരുമെന്ന് ഞാനുറപ്പ് തരുന്നു. പ്രശ്‌നങ്ങള്‍ പരിഹരിച്ച് നമ്മള്‍ ഒരുമിച്ച് മുന്നോട്ട് നീങ്ങും”’ പ്രിയങ്ക വ്യക്തമാക്കി.

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ