scorecardresearch

പ്രിന്റ്, ഡിജിറ്റൽ സ്വയം നിയന്ത്രണ ന്യൂസ് അസോസിയേഷന് കേന്ദ്ര സര്‍ക്കാരിന്റെ അംഗീകാരം

മുൻ ഹൈക്കോടതി ജഡ്ജി മൂൽ ചന്ദ് ഗാർഗിന്റെ നേതൃത്വത്തിലായിരിക്കും ഈ സംഘടന പ്രവർത്തിക്കുക

പ്രിന്റ്, ഡിജിറ്റൽ സ്വയം നിയന്ത്രണ ന്യൂസ് അസോസിയേഷന് കേന്ദ്ര സര്‍ക്കാരിന്റെ അംഗീകാരം

ന്യൂഡല്‍ഹി: രാജ്യത്തുടനീളം പ്രവര്‍ത്തിക്കുന്ന വാര്‍ത്തകളുടേയും സമകാലിക കാര്യങ്ങളുടേയും പ്രസാധകര്‍ക്കുള്ള സ്വയം നിയന്ത്രണ സ്ഥാപനമായി പ്രിന്റ് ആൻഡ് ഡിജിറ്റൽ മീഡിയ അസോസിയേഷനെ (പാഡ്മ) കേന്ദ്ര സർക്കാർ അംഗീകരിച്ചു. 47 ഡിജിറ്റൽ വാർത്താ പ്രസാധകരുള്ള സംഘടന ഡിജിറ്റൽ മീഡിയ വാർത്താ ഉള്ളടക്കവുമായി ബന്ധപ്പെട്ട പരാതികൾ പരിശോധിക്കും.

മുൻ ഹൈക്കോടതി ജഡ്ജി മൂൽ ചന്ദ് ഗാർഗിന്റെ നേതൃത്വത്തിലായിരിക്കും ഈ സംഘടന പ്രവർത്തിക്കുക, പ്രസാർ ഭാരതിയിലെ പാർട്ട് ടൈം അംഗം അശോക് കുമാർ ടണ്ടൻ, പത്രപ്രവർത്തകൻ മനോജ് കുമാർ മിശ്ര എന്നിവരും അംഗങ്ങളായിരിക്കും.

“നിയമങ്ങൾക്ക് കീഴിലുള്ള ധാർമ്മിക കോഡുമായി ബന്ധപ്പെട്ട പരാതികൾ പരിഹരിക്കുന്നതിനായി റൂൾ 12 ലെ ഉപ ചട്ടങ്ങൾ (4), (5) എന്നിവയിൽ പറഞ്ഞിരിക്കുന്ന പ്രവർത്തനങ്ങൾ പാഡ്മ നിർവഹിക്കും. റൂൾ 18 പ്രകാരം ആവശ്യമായ വിവരങ്ങൾ നൽകുന്നത് ഉൾപ്പെടെയുള്ള നിയമങ്ങളിലെ വ്യവസ്ഥകൾ പാലിക്കാൻ അംഗമായ പ്രസാധകർ സമ്മതിച്ചിട്ടുണ്ടെന്ന് ബോഡി ഉറപ്പാക്കും, ” ഇന്‍ഫര്‍മേഷന്‍ ആന്‍ഡ് ബ്രോഡ്കാസ്റ്റിങ് മന്ത്രാലയം പുറത്തിറക്കിയ പ്രസ്താവനയില്‍ പറയുന്നു.

ഇതോടെ, ഇൻഫർമേഷൻ ടെക്‌നോളജി (ഇന്റർമീഡിയറി മാർഗ്ഗനിർദ്ദേശങ്ങളും ഡിജിറ്റൽ മീഡിയ എത്തിക്‌സ് കോഡും) റൂൾസ് 2021-ലെ റൂൾ 12 പ്രകാരം 2021 മേയ് മുതൽ ഒമ്പത് സ്വയം നിയന്ത്രണ സ്ഥാപനങ്ങൾക്ക് മന്ത്രാലയം അംഗീകാരം നൽകി. ഡിഐജിഐപിയുബി ന്യൂസ് ഇന്ത്യ ഫൗണ്ടേഷൻ, കോൺഫെഡറേഷൻ ഓഫ് ഓൺലൈൻ മീഡിയ (ഇന്ത്യ), എന്‍ബിഎഫ് – പ്രൊഫഷണൽ ന്യൂസ് ബ്രോഡ്കാസ്റ്റിംഗ് സ്റ്റാൻഡേർഡ് അതോറിറ്റി എന്നിവയും ഉൾപ്പെടുന്നു.

സംഘടന പ്രാഥമികമായി പരിശോധിക്കുക ഡിജിറ്റല്‍ ഫ്ലാറ്റ്ഫോമുകളില്‍ പരിഹരിക്കപ്പെടാത്ത ഉള്ളടക്കവുമായി ബന്ധപ്പെട്ട പരാതികളാണെന്ന് പാഡ്മ സിഇഒ ജിതേന്ദ്ര മേത്ത പറഞ്ഞു.

ഇൻഫർമേഷൻ ടെക്‌നോളജി (ഇന്റർമീഡിയറി മാർഗ്ഗനിർദ്ദേശങ്ങളും ഡിജിറ്റൽ മീഡിയ എത്തിക്‌സ് കോഡും) റൂൾസ്, 2021-ന്റെ റൂൾ 12 പറയുന്ന കാര്യങ്ങള്‍, സ്വയം-നിയന്ത്രണ സ്ഥാപനങ്ങൾ “പ്രസാധകന്‍ ധാർമ്മിക കോഡ് പാലിക്കുന്നത് ഉറപ്പാക്കും, ധാർമ്മിക നിയമവുമായി ബന്ധപ്പെട്ട് പ്രസാധകർക്ക് മാർഗനിർദേശം നൽകുക, പ്രസാധകർക്ക് 15 ദിവസത്തിനകം പരിഹരിക്കാനാകാത്ത പരാതികൾ പരിഹരിക്കുക, പ്രസാധകരുടെ തീരുമാനത്തിനെതിരെ പരാതിക്കാരൻ നൽകിയ അപ്പീലുകൾ കേൾക്കുക, അത്തരം പ്രസാധകർക്ക് മാർഗനിർദേശങ്ങളോ ഉപദേശങ്ങളോ നൽകുക എന്നിവയാണ്.

Stay updated with the latest news headlines and all the latest News news download Indian Express Malayalam App.

Web Title: Print digital self regulatory news association gets centres approval