രാംനാഥ് ഗോയങ്കെ പുരസ്‌കാരങ്ങൾ രാഷ്ട്രപതി സമ്മാനിച്ചു

ന്യൂഡൽഹി:  മാധ്യമ രംഗത്തെ രാജ്യത്തെ ഏറ്റവും ഉയർന്ന ബഹുമതികളിലൊന്നായ രാംനാഥ് ഗോയങ്ക എക്സലൻസ് ഇൻ ജേണലിസം അവാർഡുകൾ രാഷ്ട്രപതി ദ്രൗപതി മുർമു വിതരണം ചെയ്തു. ബുധനാഴ്ച ഡൽഹിയിൽ നടന്ന  ചടങ്ങിലാണ് രാജ്യത്തെ വിവിധ മേഖലകളിൽ നിന്നുള്ള മാധ്യമ പ്രവർത്തകർക്ക് രാഷ്ട്രപതി പുരസ്കാരങ്ങൾ സമ്മാനിച്ചത്. 

അന്വേഷണാത്മക പത്രപ്രവർത്തനം,കായികം,രാഷ്ട്രീയം,ഫീച്ചർ റൈറ്റിംഗ്, പ്രാദേശിക ഭാഷകൾ തുടങ്ങി 13 മേഖലകളിലാണ് പുരസ്കാരങ്ങൾ. വിവിധ മേഖലകളിൽ നിന്നുള്ള 20 പേരാണ് പുരസ്കാരങ്ങൾക്ക് അർഹരായത്. രാംനാഥ് ഗോയങ്ക ഫൗണ്ടേഷനാണ് പുരസ്കാരങ്ങൾ നൽകുന്നത്.

സുപ്രീം കോടതി മുൻ ജഡ്ജി ജസ്റ്റിസ് ബി എൻ ശ്രീകൃഷ്ണ, മുൻ മുഖ്യ തിരഞ്ഞെടുപ്പ് കമ്മിഷണർ ഡോ.എസ്.വൈ.ഖുറൈഷി, ഒ.പി ജിൻഡാൽ ഗ്ലോബൽ യൂണിവേഴ്‌സിറ്റി സ്ഥാപക വൈസ് ചാൻസലർ പ്രൊഫ സി. രാജ് കുമാർ തുടങ്ങിയ പ്രമുഖർ അടങ്ങിയ ജൂറിയാണ് പുരസ്കാര ജേതാക്കളെ കണ്ടെത്തിയത്. 

Read More

• സുനിത വില്യംസും സംഘവും ഭൂമിയിലെത്തി, വൈദ്യപരിശോധനയ്ക്കായി മാറ്റി
• നാസയുടെ ബഹിരാകാശ ദൗത്യം;സുനിത വില്യംസിന് ലഭിക്കുന്ന ശമ്പളം അറിയാം
• ഗാസയില്‍ വീണ്ടും ഇസ്രായേൽ വ്യോമാക്രമണം, 100 മരണം
• ഹൂതി കേന്ദ്രങ്ങളിൽ അമേരിക്കയുടെ വ്യോമാക്രമണം
• 43 രാജ്യങ്ങൾക്ക് യുഎസ് യാത്രാവിലക്ക്; ലിസ്റ്റിൽ പാക്കിസ്ഥാൻ മുതൽ റഷ്യവരെ