ചെ​ന്നൈ: തൂ​ത്തു​ക്കു​ടി​യി​ൽ സ്റ്റെ​ർ​ലൈ​റ്റ് വി​രു​ദ്ധ സ​മ​ര​ക്കാ​ർ​ക്ക് നേ​രെ പൊലീസ് നടത്തിയ അക്രമത്തിന്റെ ഞെട്ടിക്കുന്ന വീഡിയോ പുറത്ത്. പരുക്കേറ്റ് നിലത്തു കിടക്കുന്ന യുവാവിനെ വളഞ്ഞിരിക്കുന്ന പൊലീസുകാരുടെ വീഡിയോ ആണ് പുറത്തുവന്നത്. യുവാവ് പരുക്കേറ്റ് പിടയുമ്പോള്‍ ആക്രോശിക്കുന്ന പൊലീസുകാരെയാണ് വീഡിയോയില്‍ കാണാന്‍ കഴിയുന്നത്. ‘അവന്‍ അഭിനയിക്കുകയാണ്, അഭിനയിക്കുന്നത് നിര്‍ത്തിക്കോ’, എന്നിങ്ങനെ പൊലീസുകാര്‍ പറയുന്നത് വീഡിയോയില്‍ കേള്‍ക്കാം.

ന്യൂസ് മിനുട്ട്സിലെ മാധ്യമപ്രവര്‍ത്തകയായ അന്ന ഐസക് ആണ് വീഡിയോ ട്വീറ്റ് ചെയ്തിരിക്കുന്നത്. അണ്ണാനഗറില്‍ പൊലീസുകാര്‍ വളഞ്ഞിരിക്കുന്നത് പിന്നീട് ഇന്ന് മരിച്ച കാളിയപ്പനെ (24) ആണെന്ന് ന്യൂസ് മിനുട്സ് സ്ഥിരീകരിച്ചിട്ടുണ്ട്. പൊലീസ് വെടിവെപ്പില്‍ പരുക്കേറ്റ കാളിയപ്പനെ തൂത്തുക്കുടി സര്‍ക്കാര്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ഇന്ന് ഇദ്ദേഹം കൂടി കൊല്ലപ്പെട്ടതോടെ സംഭവത്തിൽ​ പൊലീസ് വെടിവെയ്പിൽ കൊല്ലപ്പെട്ടവരുടെ എണ്ണം പന്ത്രണ്ടായി.

ഇതിനിടെ സംഘർഷം വ്യാപിക്കുന്നത് തടയാനെന്ന പേരിൽ മൂന്ന് ജില്ലകളിൽ ഇന്റർനെറ്റ് നിരോധിക്കാൻ സംസ്ഥാന സർക്കാർ തീരുമാനം. അഞ്ച് ദിവസത്തേയ്ക്ക് നിയന്ത്രിക്കാനാണ് സർക്കാർ തീരുമാനം. തൂത്തുക്കുടി, കന്യാകുമാരി, തിരുനൽവേലി എന്നീ ജില്ലകളിലാണ് നിരോധനം നടപ്പാക്കാൻ സർക്കാർ തീരുമാനിച്ചത്.​ ഇന്റർനെറ്റ് സേവനം നിർത്തിവെയ്ക്കാൻ ചീഫ് സെക്രട്ടറി സേവന ദാതാക്കളോട് ആവശ്യപ്പെട്ടതായും റിപ്പോർട്ട്. കഴിഞ്ഞ ദിവസം നടന്ന പൊലീസ് വെടിവെയ്പിൽ പതിനൊന്ന് പേർ കൊല്ലപ്പെട്ടിരുന്നു. ഇന്നത്തെ പൊലീസ് വെടിവെയ്പോടെ മരണം പന്ത്രണ്ടായി ഉയർന്നു.

കഴിഞ്ഞ ദിവസം നടന്ന വെടിവെയ്പിൽ പൊലീസ് പ്രതിഷേധക്കാരെ തിരഞ്ഞു പിടിച്ചു വെടിവെയ്ക്കുകയായിരുന്നുവെന്ന് പുറത്തുവന്ന ദൃശ്യങ്ങൾ വ്യക്തമാക്കുന്നു. വെടിവെയ്പിൽ​കൊല്ലപ്പെട്ടവരുടെ മൃതദേഹങ്ങൾ ഏറ്റുവാങ്ങാൻ തയ്യാറല്ലെന്ന് ബന്ധുക്കളും നാട്ടുകാരും വ്യക്തമാക്കി. വെടിവെയ്പ് നടത്തിയ പൊലീസ് ഉദ്യോഗസ്ഥർക്ക് എതിരെ കേസ് എടുക്കണമെന്ന് ആവശ്യം ഉയർന്നു കഴിഞ്ഞു.  മലിനീകരണം നടത്തുന്ന വേദാന്തയുടെ കമ്പനി അടച്ചുപൂട്ടണമെന്നും നാട്ടുകാർ ആവശ്യം ഉന്നയിച്ചുകഴിഞ്ഞു.

പ്ലാന്റിന്റെ വി​പു​ലീ​ക​ര​ണം സ്റ്റേ ചെയ്ത് കൊണ്ട് കോടതി ഉത്തരവിട്ടിട്ടുണ്ട്. ​പ്ലാ​ന്‍റി​ന്‍റെ ര​ണ്ടാം യൂ​ണി​റ്റി​ന്‍റെ വി​പു​ലീ​ക​ര​ണ​മാ​ണ് ഹൈ​ക്കോ​ട​തി ത​ട​ഞ്ഞ​ത്. മ​ദ്രാ​സ് ഹൈ​ക്കോ​ട​തി​യു​ടെ മ​ധു​ര ബെ​ഞ്ചി​ന്‍റേ​താ​ണ് വി​ധി.. പ്ലാ​ന്‍റു​ക​ളി​ൽ നി​ന്ന് ക​ന​ത്ത മ​ലീ​ക​ര​ണ​വും ആ​രോ​ഗ്യ​പ്ര​ശ്ന​ങ്ങ​ളും ഉ​ണ്ടാ​ക്കു​ന്ന​താ​യി പ്ര​ദേ​ശ​വാ​സി​ക​ൾ പ​രാ​തി​പ്പെ​ട്ടി​രു​ന്നു. പ​രി​സ്ഥി​തി സം​ര​ക്ഷ​ണ, മ​ലി​നീ​ക​ര​ണ നി​യ​ന്ത്ര​ണ മാ​ന​ദ​ണ്ഡ​ങ്ങ​ൾ പാ​ലി​ക്കാ​തെ​യാ​ണു പ്ലാ​ന്‍റു​ക​ളെ​ന്നും നാ​ട്ടു​കാ​ർ ആ​രോ​പി​ച്ചി​രു​ന്നു.

ബി​ഹാ​ർ സ്വ​ദേ​ശി അ​നി​ൽ അ​ഗ​ർ​വാ​ളി​ന്റെ ഉ​ട​മ​സ്ഥ​ത​യി​ൽ ല​ണ്ട​ൻ ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന വേ​ദാ​ന്ത റി​സോ​ഴ്സ​സ് എ​ന്ന ലോ​ഹ ഖ​ന​ന ക​മ്പ​നി​യു​ടെ കീ​ഴി​ൽ പ്ര​വ​ർ​ത്തി​ക്കു​ന്ന സ്ഥാ​പ​ന​മാ​ണു സ്റ്റെ​ർ​ലൈ​റ്റ് കോ​പ്പ​ർ ഇ​ൻ​ഡ​സ്ട്രീ​സ് (ഇ​ന്ത്യ).

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ