ല​ഖ്‌നൗ: ഉ​ത്ത​ർ​പ്ര​ദേ​ശി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ യോ​ഗ​ത്തി​നു സു​ര​ക്ഷ​യൊ​രു​ക്കി മ​ട​ങ്ങി​യ പോ​ലീ​സു​കാ​ര​നെ ആൾക്കൂട്ടം ക​ല്ലെ​റി​ഞ്ഞു കൊ​ന്നു. ഉത്തർപ്രദേശിലെ ഗാ​സി​പുരിൽ വച്ചാണ് നാൻഹര പൊലീസ് സ്റ്റേഷനിലെ കോൺസ്റ്റബിളായ സു​രേ​ഷ് വാ​ട്സെ​ന്ന ഉദ്യോഗസ്ഥനാണ് കൊ​ല്ല​പ്പെ​ട്ട​ത്.

പ്ര​ധാ​ന​മ​ന്ത്രി ന​രേ​ന്ദ്ര​മോ​ദി​യു​ടെ റാ​ലി​യു​മാ​യി ബ​ന്ധ​പ്പെ​ട്ട ഡ്യൂ​ട്ടി ക​ഴി​ഞ്ഞ് തിരികെ മടങ്ങുകയായിരുന്നു സുരേഷ്. ഗാ​സി​പു​രി​ൽ ശ​നി​യാ​ഴ്ച വൈ​കു​ന്നേ​ര​മാ​യി​രു​ന്നു സം​ഭ​വം. ഈ സമയത്താണ് ഹൈന്ദവ സമുദായമായ നിശാദ് വിഭാഗം സംവരണ ആവശ്യവുമായി ബന്ധപ്പെട്ട് ദേശീയ പാത ഉപരോധിച്ചത്. ഇതുവഴിയെത്തിയ പൊലീസ് സംഘവും ജനങ്ങളും തമ്മിൽ ഏറ്റുമുട്ടി.

സമരക്കാരെ ദേശീയ പാതയിൽ നിന്ന് മാറ്റാൻ പൊലീസ് ശ്രമിച്ചതാണ് സംഘർഷത്തിൽ കലാശിച്ചത്. പിന്നീട് ആൾക്കൂട്ടം സംഘം ചേർന്ന് കല്ലെറിഞ്ഞു. ബുലന്ദ്ഷെഹറിന് പിന്നാലെ ഒരു മാസത്തിനിടെ ആൾക്കൂട്ട ആക്രമണത്തിൽ കൊല്ലപ്പെടുന്ന രണ്ടാമത്തെ പൊലീസുകാരനാണ് ഇദ്ദേഹം. ഇ​ൻ​സ്പെ​ക്ട​ർ സു​ബോ​ധ്കു​മാ​റാണ് ബുലന്ദ്ഷെഹറിൽ കൊ​ല്ല​പ്പെ​ട്ടത്. പശുക്കളെ കൊലപ്പെടുത്തിയെന്നാരോപിച്ച് സംഘടിച്ച് പൊലീസ് സ്റ്റേഷനിലെത്തിയ ആൾക്കൂട്ടമാണ് പിന്നീട് പൊലീസിന് നേരെ ബുലന്ദ് ഷെഹറിൽ ആക്രമണം അഴിച്ചുവിട്ടത്.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook