ഒമ്പത് വര്‍ഷങ്ങള്‍ക്ക് ശേഷം വേദി പങ്കിടാന്‍ മോദിയും നിതീഷ് കുമാറും; മെഗാറാലി ഇന്ന്

പാട്​ന: ​ലോക്​സഭാ തെരഞ്ഞെടുപ്പിന്​ മുമ്പായി ബിഹാറിൽ ഇന്ന്​ എൻ.ഡി.എയുടെ നേതൃത്വത്തിൽ മെഗാറാലി നടക്കും. കോ​ണ്‍​ഗ്ര​സ് അ​ധ്യ​ക്ഷ​ൻ രാ​ഹു​ൽ ഗാ​ന്ധി​യു​ടെ ത​ട്ട​ക​മാ​യ അ​മേ​ത്തി​യി​ലേ​ക്കു പോ​കും​മു​ന്പാ​ണ് മോ​ദി ബി​ഹാ​റി​ലെ​ത്തു​ന്ന​ത്. സങ്കൽപ്പ്​ റാലി എന്ന്​ പേരിട്ട റാലി പട്​നയിലെ ഗാന്ധി മൈതാനിലാണ്​ നടക്കുക. പ്രധാനമന്ത്രി നരേന്ദ്രമോദിയും നിതീഷ്​ കുമാറും പരിപാടിയിൽ പ​​ങ്കെടുക്കും. ഒമ്പതു വർഷങ്ങൾക്ക്​ ശേഷം ആദ്യമായാണ്​ മോദിയും നിതീഷ്​ കുമാറും വേദി പങ്കിടുന്നത്​.

റാ​ലി​ക്കു മു​ന്നോ​ടി​യാ​യി പട്ന​യി​ൽ എ​ൻ​ഡി​എ​യു​ടെ കൂ​റ്റ​ൻ റാ​ലി​ക​ളും ഫ്ള​ക്സു​ക​ളും നി​ര​ന്നു​ക​ഴി​ഞ്ഞു. അ​ഞ്ചു​ല​ക്ഷം പേ​ർ റാ​ലി​യി​ൽ പ​ങ്കെ​ടു​ക്കു​മെ​ന്ന് ബി​ജെ​പി പ്ര​തീ​ക്ഷി​ക്കു​ന്ന​താ​യി ബി​ഹാ​ർ ഉ​പ​മു​ഖ്യ​മ​ന്ത്രി സു​ശീ​ൽ കു​മാ​ർ മോ​ദി പ​റ​ഞ്ഞു.

ര​ണ്ടു വ​ർ​ഷം മു​ന്പു​വ​രെ മോ​ദി​യു​ടെ ക​ടു​ത്ത വി​മ​ർ​ശ​ക​നാ​യി​രു​ന്ന നി​തീ​ഷ്, ആ​ർ​ജെ​ഡി​യു​മാ​യി കൂ​ട്ടു​വെ​ട്ടി ബി​ജെ​പി​ക്കൊ​പ്പം ചേ​ർ​ന്നു സ​ർ​ക്കാ​ർ രൂ​പീ​ക​രി​ക്കു​ക​യാ​യി​രു​ന്നു. പ്ര​ധാ​ന​മ​ന്ത്രി​യാ​യ​ശേ​ഷം ആ​ദ്യ​മാ​യാ​ണ് മോ​ദി ഗാ​ന്ധി മൈ​താ​നി​ൽ എ​ത്തു​ന്ന​ത്.