ന്യൂഡല്‍ഹി: പ്രധാനമന്ത്രി നരേന്ദ്ര മോദിയുടെ ഭാര്യ യശോദ ബെന്നിന് വാഹനാപകടത്തില്‍ പരുക്കേറ്റു. അപകടത്തില്‍ യശോദാ ബെന്നിന്നൊപ്പം വാഹനത്തിലുണ്ടായിരുന്ന ബന്ധു മരിച്ചു. രാജസ്ഥാനില്‍ വച്ചാണ് അപകടം ഉണ്ടായത്. പരുക്കേറ്റ യശോദാ ബെന്നിനെ ചിറ്റോര്‍ഗഡിലെ ആശുപത്രിയില്‍ പ്രവേശിപ്പിച്ചു. പരുക്ക് ഗുരുതരമല്ലെന്നാണ് റിപ്പോര്‍ട്ട്.

ബാരന്‍ ജില്ലയിലെ കോട്ട ചിറ്റൂര്‍ ഹൈവേയില്‍ വച്ചായിരുന്നു അപകടം സംഭവിച്ചത്. ബാരനിലെ ബന്ധുക്കളെ സന്ദര്‍ശിച്ച് മടങ്ങിവരും വഴിയാണ് സംഭവം. അപകടത്തിന്റെ കാരണം വ്യക്തമല്ല.

തന്റെ സഹോദരന്‍ അശോക് മോദിക്കൊപ്പം മെഹ്‌സാന ജില്ലയിലെ ഉഞ്ച ടൗണിലാമ് യശോദ ബെന്‍ താമസിക്കുന്നത്. ഇവര്‍ക്ക് പൊലീസ് സുരക്ഷയും ഏര്‍പ്പെടുത്തിയിട്ടുണ്ട്.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook