വാക്കുകൾ കൊണ്ടുളള യുദ്ധം കഴിഞ്ഞു, കൈകൊടുത്ത് മോദിയും മൻമോഹനും

ന്യൂഡൽഹി: രാഷ്ട്രീയ വൈര്യം മാറ്റിവച്ച് പ്രധാനമന്ത്രി നരേന്ദ്ര മോദിയും മുൻ പ്രധാനമന്ത്രി മൻമോഹൻ സിങ്ങും ഹസ്തദാനം നടത്തി. 2001 ലെ പാർലമെന്റ് ആക്രമണത്തിൽ കൊല്ലപ്പെട്ട 9 ധീര ജവാന്മാർക്ക് ആദരാഞ്ജലി അർപ്പിക്കാനെത്തിയപ്പോഴാണ് ഇരു നേതാക്കളും പരസ്പരം കണ്ടുമുട്ടിയത്. ഗുജറാത്ത് തിരഞ്ഞെടുപ്പുമായി ബന്ധപ്പെട്ട് ഇരുനേതാക്കളും വാക്കുകൾ കൊണ്ടുളള കടുത്ത യുദ്ധം നടത്തിയിരുന്നു.

ഗുജറാത്ത് തിരഞ്ഞെടുപ്പ് റാലിക്കിടെ മൻമോഹൻ സിങ്ങിനെതിരെ കടുത്ത ആരോപണങ്ങൾ മോദി ഉയർത്തിയിരുന്നു. കോ​ൺ​ഗ്ര​സി​ൽ നി​ന്ന്​ പു​റ​ത്താ​ക്ക​പ്പെ​ട്ട മു​ൻ ന​യ​ത​ന്ത്ര​പ്ര​തി​നി​ധി മ​ണി​ശ​ങ്ക​ർ അ​യ്യ​രു​ടെ ഡ​ൽ​ഹി​യി​ലെ വീ​ട്ടി​ൽ നടന്ന വിരുന്നിൽ ഗുജറാത്ത് തിരഞ്ഞെടുപ്പ് ചർച്ച ചെയ്തിരുന്നുവെന്നായിരുന്നു മോദിയുടെ പ്രധാന ആരോപണം. ഇ​ന്ത്യ​യി​ലെ പാക്കിസ്ഥാൻ ഹൈ​ക്ക​മീ​ഷ​ണ​ർ, പാ​ക്​ മു​ൻ വി​ദേ​ശ​മ​ന്ത്രി എന്നിവരും വിരുന്നിൽ പങ്കെടുത്തിരുന്നു. എ​ന്തി​നാ​ണ്​ ര​ഹ​സ്യ​യോ​ഗം ന​ട​ത്തി​യ​തെ​ന്നും എ​ന്തു​കൊ​ണ്ടാ​ണ്​ ഇ​ന്ത്യ​ൻ ഉ​ദ്യോഗ​സ്​​ഥ​രെ അ​തി​ലേ​ക്ക്​ വി​ളി​ക്കാ​തി​രു​ന്ന​തെ​ന്നും ര​ഹ​സ്യ​യോ​ഗ​ത്തി​ൽ ന​ട​ന്ന​ത്​ എ​ന്താ​ണെ​ന്ന്​ കോ​ൺ​ഗ്ര​സ്​ വ്യ​ക്​​ത​മാ​ക്ക​ണ​മെ​ന്നും മോദി ആ​വ​ശ്യ​പ്പെ​ട്ടിരുന്നു.

രാഷ്ട്രീയ നേട്ടങ്ങൾക്കായി പ്രധാനമന്ത്രി നരേന്ദ്ര മോദി കളവ് പ്രചരിപ്പിക്കുന്നതിൽ ദുഃഖമുണ്ടെന്നായിരുന്നു ഇതിനു മൻമോഹൻ സിങ്ങിന്റെ മറുപടി. മോദി മുൻ പ്രധാനമന്ത്രിയുടെ ഓഫീസിനെയും മുൻ സൈനിക തലവനെയും അധിക്ഷേപിക്കുന്നതിന് സമാനമാണ് ഇതെന്നും രാജ്യത്തോട് മോദി മാപ്പു പറയണമെന്നും മൻമോഹൻ പറഞ്ഞിരുന്നു.