സമൂഹത്തിലെ ജാതീയതയും പ്രാദേശികതയും വേരോടെ പിഴുതെറിയണം: പ്രധാനമന്ത്രി

ന്യൂഡല്‍ഹി: സമൂഹത്തിലെ ജാതീയതയും പ്രാദേശികതയും പോലുള്ള വികലതകള്‍ വേരോടെ പിഴുതെറിയണമെന്ന് പ്രധാനമന്ത്രി നരേന്ദ്ര മോദി. ദസറ ഉത്സവം രാജ്യത്തെ എല്ലാ തിന്മകള്‍ക്കും മേലുള്ള ദേശസ്നേഹത്തിന്റെ വിജയത്തെ അടയാളപ്പെടുത്തണമെന്നും പ്രധാനമന്ത്രി പറഞ്ഞു.

നൂറ്റാണ്ടുകളുടെ കാത്തിരിപ്പിന് ശേഷം ഇപ്പോള്‍ അയോധ്യയില്‍ നിര്‍മ്മിക്കുന്ന മഹത്തായ രാമക്ഷേത്രത്തിന് സാക്ഷിയാകുന്നത് എല്ലാവരുടെയും ഭാഗ്യമാണെന്നും ദസറ ചടങ്ങില്‍ ജനക്കൂട്ടത്തെ അഭിസംബോധന ചെയ്തുകൊണ്ട് മോദി പറഞ്ഞു. ഏതാനും മാസങ്ങള്‍ക്കുള്ളില്‍ ഇത് നടക്കുമെന്നും ജനങ്ങളുടെ ക്ഷമയുടെ ക്ഷമയുടെ വിജയത്തിന്റെ അടയാളമാണെന്നും മോദി കൂട്ടിച്ചേര്‍ത്തു.

ഇന്ത്യയുടെ ചന്ദ്രയാന്‍3 ദൗത്യത്തിന്റെ വിജയത്തെയും പ്രധാനമന്ത്രി പ്രസംഗത്തില്‍ പരാമര്‍ശിച്ചു. വിജയകരമായ ദൗത്യത്തിനു രണ്ടു മാസം പിന്നിടുമ്പോഴാണ് രാജ്യം ദസറ ആഘോഷിക്കുന്നതെന്ന് പ്രധാനമന്ത്രി കൂട്ടിച്ചേര്‍ത്തു. ഇന്ത്യയുടെ വിജയകരമായ ചാന്ദ്ര ദൗത്യം, പുതിയ പാര്‍ലമെന്റ് കെട്ടിടത്തിന്റെ ഉദ്ഘാടനം, വനിതാ സംവരണ നിയമം നടപ്പാക്കല്‍ എന്നിവയെ ഉദ്ധരിച്ച് നിരവധി ശുഭകരമായ സംഭവവികാസങ്ങള്‍ക്കിടയിലാണ് ദസറയെന്നും അദ്ദേഹം പറഞ്ഞു.

'എല്ലാവര്‍ക്കും നവരാത്രി, വിജയദശമി ആശംസകള്‍ നേരുകയാണ്. തിന്മയ്ക്കു മേല്‍ നന്മയുടെ വിജയമാണ് ദസറയില്‍ ആഘോഷിക്കുന്നത്. ചാന്ദ്രദൗത്യ വിജയത്തിന് രണ്ടു മാസം പിന്നിടുമ്പോഴാണ് ഇത്തവണ നാം ദസറ ആഘോഷിക്കുന്നത്. അയോധ്യയിലെ രാമക്ഷേത്രത്തിന്റെ നിര്‍മാണം കാണാനുള്ള ഭാഗ്യം ഇന്നു നമുക്കുണ്ട്. അതു നമ്മുടെ ക്ഷമയോടെയുള്ള കാത്തിരിപ്പിന്റെ വിജയമാണ്. അയോധ്യയിലെ അടുത്ത രാമനവമിക്ക് രാംലല്ലയുടെ ക്ഷേത്രത്തില്‍ മുഴങ്ങുന്ന ഓരോ സ്വരവും ലോകത്തെ ആനന്ദിപ്പിക്കും.'' പ്രധാനമന്ത്രി പറഞ്ഞു.

ഒരു പാവപ്പെട്ട കുടുംബത്തിന്റെയെങ്കിലും സാമൂഹിക-സാമ്പത്തിക നിലവാരം ഉയര്‍ത്താന്‍ സഹായിക്കുന്നതുള്‍പ്പെടെ 10 പ്രതിജ്ഞകള്‍ എടുക്കാനും മോദി ജനങ്ങളോട് ആവശ്യപ്പെട്ടു. എല്ലാവരും വികസിക്കുമ്പോള്‍ രാജ്യം വികസിത രാഷ്ട്രമായി മാറുമെന്നും അദ്ദേഹം പറഞ്ഞു.
ജലം പാഴാക്കാതിരിക്കല്‍, ഡിജിറ്റല്‍ ഇടപാടുകള്‍, ശുചിത്വം, പ്രാദേശിക, ഗുണനിലവാരമുള്ള ജോലികള്‍, ഗാര്‍ഹിക വിനോദസഞ്ചാരം, പ്രകൃതി കൃഷി, തിനയുടെ ഉപഭോഗം, ശാരീരികക്ഷമത എന്നിവയും അദ്ദേഹം സൂചിപ്പിച്ച മറ്റ് കാരണങ്ങളില്‍ ഉള്‍പ്പെടുന്നു.