Latest News
UEFA EURO 2020: കരുത്തന്മാരുടെ പോരാട്ടത്തില്‍ ഫ്രാന്‍സ്
സംസ്ഥാനത്ത് ലോക്ക്ഡൗണ് ഇളവുകള്‍ നാളെ മുതല്‍
സംസ്ഥാനത്ത് മഴ ശക്തം; ജലനിരപ്പ് ഉയരുന്ന പ്രദേശങ്ങളില്‍ ജാഗ്രതാ നിര്‍ദേശം
കോവിഡ് മരണങ്ങളില്‍ 21 ശതമാനവും തിരുവനന്തപുരത്ത്
രാജ്യത്ത് 62,224 പുതിയ കേസുകള്‍; 2,542 മരണം

സിബിഎസ്ഇ പത്ത്, പ്ലസ്ടു ക്ലാസുകളിലെ പരീക്ഷകൾ റദ്ദാക്കി

കൊറോണ വൈറസ് മൂലം മാറ്റിവച്ച സിബിഎസ്ഇ പരീക്ഷകൾ ജൂലൈ 1 മുതൽ 15 വരെ നടക്കേണ്ടതായിരുന്നു

cbse, students, ie malayalam

ന്യൂഡൽഹി: കോവിഡിന്റെ പശ്ചാത്തലത്തിൽ മാറ്റിവച്ച 10, 12 ക്ലാസുകളിലെ പരീക്ഷകൾ റദ്ദാക്കിയതായി സിബിഎസ്ഇ. സോളിസിറ്റർ ജനറൽ തുഷാർ മേത്തയാണ് സിബിഎസ്ഇയ്ക്കു വേണ്ടി ഇക്കാര്യം സുപ്രീം കോടതിയിൽ അറിയിച്ചത്. ഇതിനകം കഴിഞ്ഞ മൂന്നു പരീക്ഷകളുടെ അടിസ്ഥാനത്തിലാകും 12-ാം ക്ലാസിലെ വിദ്യാർഥികളുടെ മാർക്ക് തയ്യാറാക്കുക. ബോർഡ് നൽകിയ മാർക്കുകളിൽ അവർ തൃപ്തരല്ലെങ്കിൽ, പ്രകടനം മെച്ചപ്പെടുത്തുന്നതിനായി അവർക്ക് പിന്നീടുള്ള തീയതിയിൽ ബോർഡ് പരീക്ഷയ്ക്ക് ഹാജരാകാം.

കൊറോണ വൈറസ് മൂലം മാറ്റിവച്ച സിബിഎസ്ഇ പരീക്ഷകൾ ജൂലൈ 1 മുതൽ 15 വരെ നടക്കേണ്ടതായിരുന്നു, എന്നാൽ, രാജ്യത്തുടനീളം കൊറോണ വൈറസ് കേസുകൾ അതിവേഗം വർദ്ധിച്ചുകൊണ്ടിരിക്കെ, വിദ്യാഭ്യാസ ബോർഡും സർക്കാരും തീരുമാനം പുനഃപരിശോധിക്കുകയായിരുന്നു. സിബിഎസ്ഇയുടെ തീരുമാനം എല്ലാ കേന്ദ്ര സർവകലാശാലകളുടെയും പ്രവേശന പ്രക്രിയകളേയും ജെഇഇ മെയിൻ, നീറ്റ് 2020 ഉൾപ്പെടെയുള്ള ദേശീയ പ്രവേശന പരീക്ഷകളെയും ബാധിക്കും.

ജൂലൈ ഒന്നു മുതൽ 15 വരെ മാറ്റിവച്ച പരീക്ഷകൾ നടത്താനാണ് സിബിഎസ്ഇ തീരുമാനിച്ചിരുന്നത്. എന്നാൽ രാജ്യത്ത് കോവിഡ് വ്യാപനം രൂക്ഷമായ സാഹചര്യത്തിൽ പരീക്ഷകൾ ഒഴിവാക്കണമെന്ന് ആവശ്യപ്പെട്ട് ചില രക്ഷിതാക്കൾ സുപ്രീം കോടതിയെ സമീപിക്കുകയായിരുന്നു. പരീക്ഷകൾ റദ്ദാക്കി, ഇന്റേണൽ മാർക്കിന്റെ അടിസ്ഥാനത്തിൽ മൂല്യനിർണയം ആവശ്യപ്പെട്ടായിരുന്നു ഹർജികൾ. ജസ്റ്റിസുമാരായ എ.എം.ഖാൻവിൽക്കർ, ദിനേശ് മഹേശ്വരി, സഞ്ജീവ് ഖന്ന എന്നിവരടങ്ങിയ ബഞ്ചാണ് ഹർജികൾ പരിഗണിച്ചത്.

Read Also: മെഡിക്കൽ പ്രവേശന പരീക്ഷ: ഗൾഫ് വിദ്യാർത്ഥികളെ നാട്ടിലെത്തിക്കാനുള്ള സാധ്യത ആരാഞ്ഞ് ഹൈക്കോടതി

ഏറ്റവും കൂടുതൽ സിബിഎസ്ഇ സ്കൂളുകളുള്ള ഡൽഹി സർക്കാർ ബോർഡ് പരീക്ഷകൾ നടത്തുന്നതിൽ അതൃപ്തി പ്രകടിപ്പിച്ചിരുന്നു. ഡൽഹിയിൽ സിബിഎസ്ഇ പരീക്ഷകൾ നടത്തരുതെന്ന് ആവശ്യപ്പെട്ട് വിദ്യാഭ്യാസ മന്ത്രി മനീഷ് സിസോദിയ മാനവവിഭവശേഷി മന്ത്രി രമേശ് പൊഖ്രിയാൽ നിഷാങ്കിന് കത്ത് നൽകിയിരുന്നു.

ബിസിനസ് സ്റ്റഡീസ്, ജിയോഗ്രഫി, ഹിന്ദി (കോർ), ഹിന്ദി (എലക്ടീവ്), ഹോം സയൻസ്, സോഷ്യോളജി, കമ്പ്യൂട്ടർ സയൻസ് (പഴയത്), കമ്പ്യൂട്ടർ സയൻസ് (പുതിയത്), ഇൻഫർമേഷൻ പ്രാക്ടീസ് (പഴയത്), വിവരങ്ങൾ പ്രാക്ടീസ് (പുതിയത്), ഇൻഫർമേഷൻ ടെക്നോളജി, ബയോ ടെക്നോളജി എന്നീ വിഷയങ്ങളിലാണ് പ്ലസ്ടു പരീക്ഷകൾ ശേഷിക്കുന്നത്.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Pending cbse board class 12 exam decision tomorrow

Next Story
രാജ്യത്ത് 24 മണിക്കൂറിനിടെ 16922 കോവിഡ് രോഗികൾCoronavirus, Covid-19, കൊറോണ വൈറസ്, കോവിഡ്-19, cases in India, Indian death toll, ഇന്ത്യയിലെ കണക്കുകൾ, iemalaylam, ഐഇ മലയാളം
The moderation of comments is automated and not cleared manually by malayalam.indianexpress.com