Latest News

ഗൊരഖ്പൂരിൽ വീണ്ടും ശിശുമരണം; മൂന്ന് ദിവസത്തിനുളളിൽ മരിച്ചത് 61 കുട്ടികൾ

നവജാതശിശു സംരക്ഷണ യൂണിറ്റിൽ 25 പേരും ജനറൽ പീഡിയാട്രിക് വാർഡിൽ 25 പേരും എൻസെഫലിറ്റിസ് വാർഡിൽ 11 പേരുമാണ് മരിച്ചത്

ലഖ്നൗ: ഉത്തര്‍ പ്രദേശിലെ ഗൊരഖ്പൂര്‍ ബിആര്‍ഡി ആശുപത്രിയില്‍ വീണ്ടും ശിശുമരണം. മൂന്ന് ദിവസത്തിനിടെ 61 കുട്ടികള്‍ മരിച്ചു. 11 പേര്‍ മരിച്ചത് ജപ്പാന്‍ ജ്വരം മൂലമാണെന്ന് ആശുപത്രി അധികൃതർ അറിയിക്കുന്നു. നവജാത ശിശുക്കളുടെ തീവ്രപരിചരണ വിഭാഗത്തില്‍ 25 കുട്ടികളാണ് മരിച്ചത്. ബാക്കിയുള്ളവരുടെ മരണം മറ്റ് കാരണങ്ങള്‍ കൊണ്ടെന്നാണ് ആശുപത്രി അധികൃതരുടെ വിശദീകരണം. ഹിന്ദുസ്ഥാൻ ടൈംസ് ആണ് വാർത്ത റിപ്പോർട്ട് ചെയ്യുന്നത്.

ആഗസ്റ്റ് 27, 28, 29 തീയതികളിൽ 61 പേരാണ് ആശുപത്രിയിൽ മരിച്ചത്. നവജാതശിശു സംരക്ഷണ യൂണിറ്റിൽ 25 പേരും ജനറൽ പീഡിയാട്രിക് വാർഡിൽ 25 പേരും എൻസെഫലിറ്റിസ് വാർഡിൽ 11 പേരുമാണ് മരിച്ചത്. കനത്ത മഴ പെയ്യുന്നതിനാൽ വരും ദിവസങ്ങളിൽ മരണസംഖ്യ കൂടുമെന്ന് പ്രാദേശിക ഡോക്ടർമാർ അറിയിച്ചു. ആഗസ്ത് ഒന്നു മുതൽ 28 വരെ 290 കുട്ടികളാണ് ആശുപത്രിയിൽ മരിച്ചതെന്ന് ദേശീയ മാധ്യമങ്ങൾ റിപ്പോർട്ട് ചെയ്തു.

ഇ​തേ ആ​ശു​പ​ത്രി​യി​ൽ ഈ ​മാ​സം തു​ട​ക്ക​ത്തി​ൽ എഴുപതിലധികം കു​ട്ടി​ക​ൾ ഓ​ക്സി​ജ​ൻ കി​ട്ടാ​തെ മ​രി​ച്ചി​രു​ന്നു. തുടർന്ന് സംസ്ഥാന സർക്കാർ ആശുപത്രിയിലെ ഡോക്ടർമാരുടെയും പാരാമെഡിക്കൽ സ്റ്റാഫുകളുടെയും എണ്ണം വർദ്ധിപ്പിച്ചു. എന്നാൽ രോഗികളുടെ ബാഹുല്യം കാരണം ഒരു കിടക്കയിൽ വൈറസ് ബാധിതരായ മൂന്നും നാലും കുട്ടികളെ കിടത്തിയാണ് ഇപ്പോഴും ചികിത്സിക്കുന്നത്. മസ്തിഷ്കജ്വരം ചികിത്സിക്കുന്നതിൽ പ്രശസ്തമായ ഈ മെഡിക്കൽ കോളേജിനെ കിഴക്കൻ യു.പിയിലെ 36 ജില്ലകളും നേപ്പാളിൽ നിന്നുള്ള രോഗികളും ആശ്രയിക്കുന്നുണ്ട്.

ഓ​ഗ​സ്റ്റ് 10ന് ​ആ​ശു​പ​ത്രി​യി​ലേ​ക്കു​ള്ള ഓ​ക്സി​ജ​ൻ വി​ത​ര​ണം ത​ട​സ​പ്പെ​ട്ട​തോ​ടെ​യാ​ണ് ദു​ര​ന്തം സം​ഭ​വി​ച്ച​ത്. കേ​സി​ൽ ബി​.ആ​ർ​.ഡി മെ​ഡി​ക്ക​ൽ കോ​ള​ജി​ലെ അ​ന്ന​ത്തെ പ്രി​ൻ​സി​പ്പ​ൽ ഡോ.​രാ​ജീ​വ് മി​ശ്ര, ഭാ​ര്യ ഡോ.​പൂ​ർ​ണി​മ ശു​ക്ല എ​ന്നി​വ​ർ അ​റ​സ്റ്റി​ലാ​യിരുന്നു. യു.​പി സ്പെ​ഷ​ൽ ടാ​സ്ക് ഫോ​ഴ്സാ​ണ് ഇ​വ​രെ അ​റ​സ്റ്റ് ചെ​യ്ത​ത്. ദു​ര​ന്ത​ത്തെ തു​ട​ർ​ന്ന് രാ​ജീ​വ് മി​ശ്ര​യെ പ്രി​ൻ​സി​പ്പി​ൽ സ്ഥാ​ന​ത്തു​നി​ന്നു നീ​ക്കി​യി​രു​ന്നു. കൂ​ടാ​തെ, ദു​ര​ന്ത​മു​ണ്ടാ​യ ആ​ശു​പ​ത്രി​യി​ലെ ശി​ശു​രോ​ഗ വി​ഭാ​ഗം ത​ല​വ​ൻ ക​ഫീ​ൽ അ​ഹ​മ്മ​ദി​നെ യോ​ഗി ആ​ദി​ത്യ​നാ​ഥ് സ​ർ​ക്കാ​ർ സ​ർ​വീ​സി​ൽ​നി​ന്നു സ​സ്പെ​ൻ​ഡ് ചെ​യ്യു​ക​യും ചെ​യ്തു.

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Panic strikes gorakhpurs brd medical college again 61 children die in 3 days

Next Story
200 രൂപ നോട്ടുകള്‍ സെപ്റ്റംബർ അവസാനത്തോടെ എടിഎമ്മുകളില്‍200 rupees currency, RBI
The moderation of comments is automated and not cleared manually by malayalam.indianexpress.com