ന്യൂഡൽഹി: വരാനിരിക്കുന്ന ലോക്സഭാ തിരഞ്ഞെടുപ്പിൽ ഇലക്ട്രോണിക് വോട്ടിങ് യന്ത്രത്തിന് പകരം ബാലറ്റ് പേപ്പർ ഉപയോഗിക്കണമെന്ന പ്രതിപക്ഷ പാർട്ടികളുടെ ആവശ്യത്തോട് യോജിക്കേണ്ടെന്ന് സിപിഎം തീരുമാനം. ബാലറ്റിലേക്ക് മടങ്ങുന്നത് തിരഞ്ഞെടുപ്പ് വൈകാനിടയാക്കും. അതിനാൽ കോൺഗ്രസ് അടക്കമുള്ള പ്രതിപക്ഷ പാർട്ടികളുമായി ഇക്കാര്യത്തിൽ സഹകരിക്കേണ്ടതില്ലെന്നും പോളിറ്റ് ബ്യൂറോ യോഗത്തിൽ തീരുമാനമായി.

ബാലറ്റ് പേപ്പർ പുനഃസ്ഥാപിക്കണമെന്ന ആവശ്യവുമായി പശ്ചിമ ബംഗാൾ മുഖ്യമന്ത്രി മമതാ ബാനർജിയുടെ നേതൃത്വത്തിൽ 16 പ്രതിപക്ഷ പാർട്ടികൾ രംഗത്തുവന്ന സാഹചര്യത്തിലാണ് സിപിഎമ്മിന്റെ നിർണായക തീരുമാനം. തിര​ഞ്ഞ​ടു​പ്പ് പ​രി​ഷ്ക​ര​ണ​ത്തി​ന് വേ​ണ്ടി പു​തി​യ ന​യം രൂ​പീ​ക​രി​ക്ക​ണ​മെ​ന്നും തി​ര​ഞ്ഞ​ടു​പ്പ് ക​മ്മീ​ഷ​നെ നി​യ​മി​ക്കു​ന്ന കാ​ര്യ​ത്തി​ൽ ഉ​ൾ​പ്പെ​ടെ സു​താ​ര്യ​ത വേ​ണ​മെ​ന്നും എന്ന നിലപാടാണ് പിബി മുന്നോട്ട് വയ്ക്കുന്നത്.

ബാ​ല​റ്റ് പേ​പ്പ​ർ തി​രി​കെ കൊ​ണ്ടു​വ​ര​ണ​മെ​ന്ന പ്ര​തി​പ​ക്ഷ ക​ക്ഷി​ക​ളു​ടെ ആ​വ​ശ്യ​ത്തി​ന് ഇ​തോ​ടെ പി​ന്തു​ണ കു​റ​ഞ്ഞു. വോ​ട്ടിങ് മെ​ഷീ​നു​ക​ളി​ലെ കൃ​ത്രി​മം ത​ട​യ​ണ​മെ​ന്നാ​വ​ശ്യ​പ്പെ​ട്ടും ബാ​ല​റ്റ് സം​വി​ധാ​നം പു​ന​രാ​രം​ഭി​ക്ക​ണ​മെ​ന്നാ​വ​ശ്യ​പ്പെ​ട്ടും പ്ര​തി​പ​ക്ഷ ക​ക്ഷി​ക​ൾ ഒ​ന്ന​ട​ങ്കം തി​ര​ഞ്ഞെ​ടു​പ്പു ക​മ്മീ​ഷ​നെ സമീപിച്ചിരുന്നു. ബാലറ്റ് പേപ്പര്‍ ഉപയോഗിച്ച് മാത്രമേ തിരഞ്ഞെടുപ്പ് നടത്താവു എന്ന് പ്രതിപക്ഷം കമ്മീഷനോട് ആവശ്യപ്പെട്ടു.

ഇലക്ട്രോണിക് വോട്ടിങ് മെഷീനില്‍ പാര്‍ട്ടികള്‍ക്ക് വിശ്വാസമില്ലെന്ന് കാട്ടിയാണ് നിവേദനം നല്‍കിയത്. വിഷയം ചര്‍ച്ച ചെയ്യാനായി സര്‍വ്വകക്ഷി യോഗം വിളിക്കുമെന്ന് തിരഞ്ഞെടുപ്പ് കമ്മീഷന്‍ അറിയിച്ചതായാണ് വിവരം. സംസ്ഥാന നിയമസഭാ തിരഞ്ഞെടുപ്പുകളില്‍ ഇവിഎം മെഷീനില്‍ കൃത്രിമം നടത്തിയാണ് ബിജെപി വിജയിച്ചതെന്ന് പ്രതിപക്ഷം നേരത്തേ ആരോപണം ഉയര്‍ത്തിയിരുന്നു. ഇവിഎമ്മില്‍ കൃത്രിമത്വം നടത്താന്‍ കഴിയുമെന്നും പ്രതിപക്ഷം അവകാശവാദം ഉന്നയിച്ചു.

Get Malayalam News and latest news update from India and around the world. Stay updated with today's latest News news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ