Latest News

രോഗലക്ഷണങ്ങള്‍ ഇല്ലാത്തവര്‍ പരിശോധന നടത്തേണ്ട; മാര്‍ഗനിര്‍ദേശങ്ങള്‍ പുതുക്കി ഐസിഎംആര്‍

ആശുപത്രികളില്‍ പരിശോധനയുടെ അഭാവത്തിൽ അടിയന്തര ചികിത്സ വൈകരുതെന്നും നിര്‍ദേശമുണ്ട്

Airports Authority of India, Covid-19 testing, RT-PCR tests, Covid-19 news, Omicron, airports, Indian Express, കോവിഡ്, ഒമിക്രോൺ, ആർടിപിസിആർ, Malayalam News, IE Malayalam

ന്യൂ‍ഡല്‍ഹി: രാജ്യത്തെ കോവിഡ് പരിശോധനാ മാനദണ്ഡങ്ങള്‍ പുതുക്കി. ഐസിഎംആറിന്റെ പുതിയ മാര്‍ഗനിര്‍ദേശം പ്രകാരം കോവിഡ് രോഗലക്ഷണങ്ങളില്ലാത്തവരും, അന്തര്‍സംസ്ഥാന യാത്രക്കാരും കോവിഡ് പരിശോധന നടത്തേണ്ടതില്ല. എന്നാല്‍ അന്താരാഷ്ട്ര യാത്രക്കാര്‍ കര്‍ശനമായും പരിശോധന നടത്തണം.

കോവിഡ് പരിശോധന നടത്തേണ്ടവര്‍

  • രോഗലക്ഷണങ്ങളുള്ളവര്‍ (പനി, തൊണ്ടവേദന, രുചിയില്ലായ്മ, മണമില്ലായ്മ, ശ്വാസകോശ സംബന്ധമായ ബുദ്ധിമുട്ടുകള്‍ ഉള്ളവര്‍).
  • സമ്പര്‍ക്കപ്പട്ടികയിലെ ഹൈ റിസ്ക് വിഭാഗത്തിലുള്ളവര്‍ ( 60 വയസിന് മുകളില്‍ പ്രായമുള്ളവര്‍, പ്രമേഹം, രക്തസമ്മര്‍ദ്ദം, വ്യക്കരോഗം, ശ്വാസകോശ സംബന്ധ രോഗം എന്നിവയുള്ളവര്‍).
  • ഇന്ത്യയില്‍ നിന്ന് പോകുന്നവരും ഇന്ത്യയിലേക്ക് വരുന്നവരുമായ അന്താരാഷ്ട്ര യാത്രക്കാര്‍.

ആശുപത്രികളിലെ പരിശോധനാ മാര്‍ഗരേഖ

  • ചികിത്സിക്കുന്ന ഡോക്ടറുടെ നിര്‍ദേശപ്രകാരമായിരിക്കണം പരിശോധനകള്‍ നടത്തേണ്ടത്.
  • പരിശോധനയുടെ അഭാവത്തിൽ അടിയന്തര ചികിത്സ വൈകരുത്. ശസ്ത്രക്രിയകളും പ്രസവങ്ങളും ഇതില്‍ ഉള്‍പ്പെടുന്നു.
  • പരിശോധനാ സൗകര്യമില്ലാത്തതിന്റെ പേരില്‍ മറ്റ് ആശുപത്രികളിലേക്ക് രോഗികളെ റെഫര്‍ ചെയ്യരുത്. സമ്പിളുകള്‍ ശേഖരിക്കുന്നതിനുള്‍പ്പടെയുള്ള ക്രമീകരണങ്ങള്‍ ചെയ്യണം.
  • ശസ്ത്രക്രിയക്കൊ മറ്റ് ചികിത്സയ്ക്കൊ വിധേയമാകുന്ന ഗര്‍ഭിണികള്‍ ഉള്‍പ്പടെയുള്ളവരെ രോഗലക്ഷണങ്ങളില്ലാത്ത സാഹചര്യത്തില്‍ പരിശോധിക്കേണ്ടതില്ല.

പരിശോധന ആവശ്യമില്ലാത്ത വിഭാഗം

  • രോഗലക്ഷണങ്ങളില്ലാത്തവര്‍.
  • സമ്പര്‍ക്കപ്പട്ടികയില്‍ ഉള്‍പ്പെട്ടവര്‍ പ്രായമായവരോ, ഹൈ റിസ്ക് വിഭാഗത്തില്‍ ഉള്‍പ്പെടുന്നവരോ അല്ലെങ്കില്‍ പരിശോധിക്കേണ്ടതില്ല.
  • ഹോം ഐസൊലേഷനില്‍ മാര്‍ഗനിര്‍ദേശങ്ങളനുസരിച്ച് കഴിയുന്നവര്‍.
  • കോവിഡ് ചികിത്സാ കേന്ദ്രത്തില്‍ നിന്ന് ഡിസ്ചാര്‍ജ് ചെയ്തവര്‍.
  • മറ്റ് സംസ്ഥാനങ്ങളിലേക്ക് യാത്ര ചെയ്യുന്നവര്‍.

Also Read: ഡെല്‍റ്റയും ഒമിക്രോണും ചേര്‍ന്ന പുതിയ കോവിഡ് കേസുകള്‍ സൈപ്രസില്‍ കണ്ടെത്തി

Get the latest Malayalam news and News news here. You can also read all the News news by following us on Twitter, Facebook and Telegram.

Web Title: Omicron icmr guidelines for covid testing

The moderation of comments is automated and not cleared manually by malayalam.indianexpress.com